قصة زواج متقـــف الفصــــل الثاني(التتمة)

bart 301

الفـصـــل الثـاني:ما خــلف الأقــعنة🫦♟️
                ______

      𝑩 𝒂 𝒓 𝒕  301💀

عتيق:[بريبة]هدوءك لي نتا فيه ما مريحنيش..نخاف هادشي يضرك و يضر حتى لالة سميحة...

دراغون:[طفى الݣارو و عفط عليه]كل واحد فوقيتو زوينة...

                    ----------------------

            الليـــــــــل

كانت ناعسة ساريتا فسبات عميق و فضيلة كادوز يدها على شعرها بحنان..مقابلة معاها سميحة كاتنهد بحزن على الحال لهي فيه...

فضيلة:دغيا نعسات...شحال مسيكينة كانت توجع بكرشها...

سميحة:ااه على بنيتي و أنا سبابها لي وصلتها لهاد البلاصة...

فضيلة:مكاتيب أ صحايبتي ما عندك ما ديري...

سميحة:[حطات يدها على يد ساريتا]هادشي لي دارت فحقي كبير و كبير بزاف ما يقدر يديرو حد...

فضيلة:هاكا ساريتا قلبها كبير كاتفكر فغيرها كثر من راسها..

سميحة:[تنهدات]باقي لدبا الخلعة فيا و لكن الحمد لله خرجنا منها سالمين...

فضيلة:[عقدات حواجبها]الله يلݣيها لسبابها فهاد الحال ...بلا حشمة بلا حيا هارب بحالا دايرها بلعاني..

سميحة:[بلعات ريقها بتوتر]كايبان لي غا خاف و هرب...واخا كايبان ليا بلي هادي كسيدة عادية...

فضيلة:ماشي هادشي لي بان ليا...المهم أنا لي مريحني فهادشي دراغون لي غايلقاه واخا يكون مخبي و غايخرجها منو قطرة بقطرة من الدم لي نزل من بنتي...

سميحة:أحم كايبان لي نخرجو و نخلو ساريتا مرتاحة قبل ما تفيق...

ناضت من بلاصتها بسرعة كأنها هاربة من شي حاجة...تابعاها فضيلة باستغراب كاتشوفها ماشي على بعضها...تغيرات فجأة...

كانت غاتخرج لو لا الباب لي تفتح سابقها و دخل دراغون...بنظرة فشكل كان مرمقها بيها شحال خلاتها تزيد تتوتر و تصفار مخلوعة...

حدرات راسها مبتاسمة ليه بزز و تسلتات من حداه بغات تدوز حتى وقفها بصوتو بلا ما يدور لعندها...

دراغون:الواليدة...

سميحة:[بلعات ريقها و تلفتات لعندو]ن..نعام أ ولدي...

دراغون:[دار بكاملو لعندها بنظرة ثاقبة]لونك تغير من ورى هادشي لي طرا [ضغط على كلمة مرتي]لمرتي...ما خديتيش دواك ؟...

سميحة:[تنهدات براحة]خ..خديتو أ ولدي خدي..

دراغون:[قاطعها ببرود]لا تنساي الواليدة هذا دراغون لي واقف قدامك...من شوفتي الواحد نعرف بلي كايكذب و يخبي حوايج ما هوماش...[كان غايخويو بيها الرجلين كون ما شدهاش]نتي بخير الواليدة؟..

سميحة:أه..اه أ ولدي ع..عندك الحق أنا ما خديتش دوايا اليوم فالوقت...غ..غانمشي ناخدو دبا..م..ماتخافش...

بعدات منو مبتاسمة و عطاتو بالظهر دغيا خارجة...و عينيه بقات متبعاها حتى غبرات بنظرات باردة..من يوم يومو حاجة عدوتو هي الكذوب...هادي ماشي اي شخص عندو هادي راه ماماه...مكانتها كبيرة عندو و لكن بتصرفتها كاتخليه يتقلق منها كثر و كثر...