قصة زواج متقـــف الفصــــل الثاني(التتمة)

بارت 341

الفـصـــل الثـاني:ما خــلف الأقــعنة🫦♟️
                ______

      𝑩 𝒂 𝒓 𝒕  341🍾

تغيرو ملاميحها ملي لمحاتو واقف كايهضر فالتيليفون و يعبر بيدو باين بلي معصب كثر من اللول...تنهدات براحة لي لقاتو فالوقت المناسب و زربات فالمشية غادة لعندو كاتعيط عليه...

حتى خرجات عينيها ملي لمحات جوج رجال قد السخط شدوه من دراعو و جروه لواحد الݣراج...خافت من هاد الرجال يديرو شي حاجة ليه و خطات خطواتها بزربة تابعاهم...

شافتهم دخلوه و ما ترددات تقرب للݣاراج داخلة ليه و هو كان مردود...فنزار كايبقى ماشي شخص غريب عندها...و زعامتها ما خانتها...

ما ستاوعبات أنها زعمات هاد الزعامة لي ما موالفة ليها..دخلات كاتسلت كادور فعينيها و تعيط عليه...و هي مستغربة من الݣاراج لي لاقياه كايصفر و عاد كانو دخلو ليه...

حتى وقفو قدامها جوج رجال طول منها...كاتبان قدامهم كيف مشيشة صغيرة كاتبحلق فيهم مصطانعة الشجاعة و كاتتعلى لعل و عسى تلمح وراهم و لكن ما بان ليها والو...

ساريتا:هيييه فين هو داك الدري لي كنتو شادين...فين هو و أشنو درتو ليه؟..

الراجل شاف فالراجل الثاني ساكتين و هي باقا تهضر ما سكتات...

ساريتا:[مخرجة عينيها فيهم]معامن كانهضر...حسن ليكم تقولولي فين ديتوه و اشنو درتو ليه..و عنداكم عنداكم نلقى شعرة تمسات منو..

الراجل 1:[كايطلع و ينزل فيها]ممم ثقة فالنفس عالية عندك...[طلع الموس مقابل مع وجهها]ما خفتيش نقاد ليك هاد الوجيه الغزال...

الراجل 2:[شدها من يدها مزير عليها و ساريتا كاتحاول تنتر من قبضة يدو بدون نتيجة]نتا تكلف بوجهها و أنا نتكلف بيها كاملة...ندوقو زعامتها لي توحشنا نشوفوها فهاد الدرب...

ساريتا:[تجننات ]نتوما..نتوما غاتندمو! ما عارفينش راسكم معامن...أنا راني مرت زعيمكم دراغون البزناز كاتسمعو...مرت لي حاكم هنا و حاكمكم...

الراجل اللول شاف فثاني شحال روايدا بداو ضحكاتهم تعالاو...

الراجل 1:الى كنتي نتي مرتو على هاد الحساب غانقول أنا خوه..

الراجل 2:[باستهزاء]و أنا ولدو...

ساريتا:[بالعة ريقها بخوف بعد ما فهمات بلي ما تيقوها]كانحلف ليكم و تمسوني غايقتلكم كاتسمعو...لصالحكم غادي تعطوني الدري و نخرج هنا فالسكات و ما غانقول لحتى حد والو...

الراجل الثاني لي شاد فيدها ما تسوق ليها و زاد زير على يدها حتى خسرات سيفتها كاتنتر بلا نتيجة...

الراجل لاخور تاجه سد الݣاراج و رجع وقف حدى صاحبو كايضحك و هو كايشوفها كاتحاول تبعد و لي شادها كايزيد يقرب ليها بغا يبوسها...

كان غايديرها لو لا رجلها لي طلعات و ضرباتو نيشان لبين رجليه و عينيها حمارو من العصبية...خلاتو يبعد بلهلا يطريه شاد فرجولتو كايتوجع...

ستاغلات الموقف و دارت بغات تهرب حتى شدها الراجل لاخور من مؤخرة شعرها بقسوة مخليها تأوه بصوت مسموع شادة فيدو لي حاسة بيه غاتقلع جذور شعرها...

الراجل:سحابتي يا الق•حبة دخول الحمام بحال خروجو...

دفعها بقوة حتى تزدحات مع الباب اختل توازنها معاها و طاحت مرمية للأرض كاتنهج بخوف ظاهر...عرفات راسها طاحت فأسوء من الأول و الليلة ما غادوز بخير...

فكرات و فكرات و ما لقات حل من غير دير راسها سخفات و داكشي لي وقع..خلاتهم يشوفو فبعضياتهم باستغراب قبل ما يهز واحد فيهم التيليفون صونا على دراغون...