قصة زواج متقـــف الفصــــل الثاني(التتمة)

البارت 228

الفـصـــل الثـاني:ما خــلف الأقــعنة🫦🪔
                      ____________
                       𝑩𝒚  𝑺𝒂 𝒓𝒊 𝒕𝒂

      🚬 𝑩 𝒂 𝒓 𝒕  228

مع الساعة الــــــــرابعة مساءا..

كانت غادة جاية على طول الصالون و مها غا كاتشوف و تنهد..

الأم:صافي طرتي تا طرتي و تكلاخيتي فهادي..

آية:[كاتلعب بصبعانها بتوتر]ماما الله يخليك ما تزيديش على ما بيا...واصلة بيا العظم..

الأم:كيفاش ما نزيدش فيه هاا؟..ما قلتي ليا لا أنا لا لباك جاية..هزيتي راسك و مشيتي من دار راجلك غا من المشكيل اللول...ما قدرتيش تصبري شوية...تسحابي ملي قدك ما شفتش الويل و بقيت صابرة...

آية:ماما..عييت نصبر...عييت و الله...و لكن حتال إيمتا هو بوليسي و خلا ديك شخصية البوليسين ديال الخدمة يخدمها حتى فالدار معانا..تخيلي حتى من ختو ما كانت دير ليه والو و كل مرة يعطيها العصا حتى توصل بيها السبيطار...جداتو خرجها من الدار و بغيتيه أنا يحن فيا...

الأم:واخا أ بنت كرشي...سيري تبعي لي قالت ليك عليه ديك اللفعة ديال ساريتا و بقاي مصممة على الطلاق حتى تلقايه جايب مرا اخرى...

آية:[بجدية و هي جالسة حداها]تيقيني أ ماما غايتحل كولشي عما قريب...ماشي بهاد السهولة غانخلي زواجي يضيع...ساريتا اقتراحها فمحلو...و انا تايقة فيها...هذا هو الحل لي يخليه يتغير بزز منو باش نرجع ليه...

الأم:[شدات فيديها ناطقة بحنان]أنا لي واكلني عليك هو هاد الحب لي باين فيك..خايفة السيد  يوافق يطلق و نشوفك كاذبلي قدام عيني...

آية:ماما أنا تايقة فحبو ليا و متأكدة ما غايخلينيش[سمعات شي واحد كايدق]المهم نتي سيري شوفي شكون و انا نطلع نصبن شي حوايج..

ناضت من حداها باغة تخرج من الصالون حتى استوقفها صوت محفوظ فقلبها...لا شعوريا بتاسمات و تاجهات دغيا للشرجم طلات..و بالفعل لقات حبيبها و زوجها كايعيط عليها و يدق...

تقادات فالوقفة و دارت لعند أمها بضحكة على وجهها...

آية:شفتي أ ماما شفتي..ها هو جا حتال هنا كيف متوقعة...و بنفس الحوايج لي خليتهم لابسهم باقي فيهم...

الأم:شفت أ بنتي..ايوا صافي نزلي و صلحو الأمور بيناتكم..

آية:لا أ ماما..خاصني فاللول نجرجرو مزيان و نخليه يعرف بقيمتي لعندو...و الى وافق على شروطي غانرجع..

الأم:[باستغراب شايفة فيها]على اينا شروط أ بنتي؟..

آية:من بعد و تعرفي أ ماما...دبا نزلي دوي معاه و قوليليه ما بغيتش نشوفو...

الأم:راسك قاصح أ بنتي قاصح..و لكن الغلط ماشي منك الغلط من اللفيفيعة لي معمرة راسك...

آية ما جاوباتهاش و تاجهات نيشان لبيتها سدات عليها...تسندات على الباب و يدها تحطات على قلبها لي يدق بسرعة كأنه كايناديه يجي لعندها...

بزز باش قادرة تصبر على قبل زواجها...و قلبها موحش شوفتو..موحشة كولشي فيه...

فالتحت كانت الأم خرجات لعند محمد لي كان متكي على طموبيلتو...ما ان شاف مها تاجه لعندها بسرعة..باس ليها راسها..و دور عينيه وراها كايقلب عليها...

الأم فهماتو من شوفاتو علاياش كايقلب...و قالت موجهة بكلماتها ليه...

الأم:غا سمح ليا ولدي و لكن آية ما بغات تشوفك...

محمد:[تنهد بحزن باين عليه]أشنو درت ليها أ خالتي..ياك الحاجة لي بغاتها كانجيبها ليها...علاش فالوقت لي بغيتها توقف معايا فهاد الظروف و تصبر حتى هي خلاتني...

الأم:نتا أ ولدي ما درتي فيها ما يصلاح ملي خرجتي جداتك من وسط دارك...يعلم الله كون آية دارت شي حاجة ماشي تال لهيه أشنو ممكن دير ليها على هاد الحساب...راه من حقها طلب الطلاق...

محمد:نتي ما عارفاش بزاف ديال الحوايج أ خالتي...معارفاش...

الأم:و ما بغيت نعرف هادشي كايبقا بيناتكم..ايوا ولدي ما عندي ما ندير ليك البنت ما بغات تشوفك...

محمد:[مسح على وجهو]واخا..ممكن نطلع نشوفها..[شافها غاتمنعو و هو ينطق بتوسل]عفاك أ خالتي..الله يحفضك خليني غانطلع نشوفها دغيا و ما غانتعطلش...

الأم:واخا أجي دخل..