قصة زواج متقـــف الفصــــل الثاني(التتمة)

بارت 365

الفـصـــل الثـاني:ما خــلف الأقــعنة🫦♟️
                ______

      𝑩 𝒂 𝒓 𝒕  365🚬

                مكــــــــان آخـــر

فواحد الجليسة دايرين فالدار...جالسة نسرين كاتنقي فالزرع..و من تعابير وجهها ما عاجبها حال من هضرة راجلها...

نسرين:يا هاد الراجل ياك من اللول تافقنا تصبر على ما يدي الراجل فاطمة الزهراء لكندا...علاش قلبتي هضرتك دبا؟...

الأب:[واقف عليها داير يديه ورى ظهرو]أ لالة واش ما شفتيش اش قالو ليا...الى زدت تعطلت على الخدمة غايجيرو عليا باش غانوكلكم ديك الساع و شكون يصرف عليكم...

نسرين:الله يهديك صبر بعدا حتى يجيو عائلة خطيبها غير نرسيو الأمور و نزل لكازا....

الأب: بغيتو تبقاو هنا بقاو الخدمة ما غاتصبرش عليا...و انا ما غانضيعش خدمتي...

خلاها مفقوصة و مشى...و بانت فاطمة الزهراء لي كانت كاتصنت لهضرتو كاملة...

فاطمة الزهراء:[كاتقاد فزيفها]أش هادشي سمعت أ ماما...صافي  غانرجعو ثاني...

نسرين:ما عندي ما ندير ..راكي شفتيه على عينيك قرجوطتي نشفات بالهضرة معاه...راكي عارفة باك عندو كلمة وحدة...

فاطمة الزهراء:و لكن انا ما بقيتش حاملة ديك البلاصة...بغيت غير نمشي من هاد المغرب بمرة...

نسرين:وا لا تزيدي فيه تاني...داكشي لي مخليك جاية لهنا ما بقاش و الحمد لله راكي عايشة حياتك و حتى حد ما يقدر يوصلك غير رتاحي...الحمد لله ملي محمد الله يكثر خيرو رجع ليه عقلو لبلاصتو و هضر معاه...

فاطمة الزهراء:باينة ماشي انا أول وحدة...أكيد جات شي وحدة خرى لاهاتو  عليا و مزيان لي دارتها بعدا نرتاح من كمارتو...

نسرين:أجي بعدا نتي...فين غادة مزيزة على الحالة...

فاطمة الزهراء:صوناو ليا من المدرسة لي كنت دفعت فيها السيڤي ديالي...دعي معايا يكون كولشي مزيان...

نسرين:الله يسهل عليك يا بنيتي و يسر ليك فهاد الخدمة...

خرجات فاطمة الزهراء و كلها نشاط و حماس...كادعي فخاطرها يكون كولشي مزيان...

شوية جاها نفس الإحساس انه تابعها شي حد...تلفتات وراها و ما لقات حد...و رجعات كملات طريقها عادي...

و على غفلة منها ما حسات الا و بيد جراتها لورى دار سفلية مهجورة...

وسعات عيونها بذعر و حطات يديها على اليد لي سادة فمها كاتهمهم...

حتى تشلات حركتها ملي سمعات صوتو قريب لوذنها قايل بشوق...

نزار:تهدني هذا غير أنا...نزار...بلا ما تغوتي و غانحيد يدي..تفاهمنا؟[حركات راسها بالإيجاب و بعد يدو]

فاطمة الزهراء:[دارت عندو...و مباشرة نزلات على وجهو بتصرفيقة]و باقي عندك الوجه تجي عندي من ورى لي درتي...الله ينعل النهار لي عرفتك فيه...

نزار:[شد يديها كايضرب بيها وجهو]زيدي ضربي..ضربيني...ضربي انا ما غانحبسكش...من حقك ديريها بعد لي درت ليك و الخوف لي عيشتك فيه...

فاطمة الزهراء:[غوتات فوجهو..و صدرها طالع نازل]فاش غاتنفعني ندامتك فاااااش...و نتا سباب عذابي و قهرتي...انا اش درت ليك حتى دير فيا هاكا من غير بغيتك بقلب صافي...

سدات فمها مصدومة من ملي قالت بلا ارادتها و طلعات شوفتها ليه و هو متبعها بعيون كاتبري...نظرة حب هايم فيها...

ما عرفاتش بلي بكلمة وحدة عطاتو أمل جديد معاها...

نزار:[بغى يشد يدها و هي تبعد خطوة اللور]تيقيني انا ندمت...و رب العالي حتى ندمت على لي درت...نتي عارفاني من زمان كي داير...كنتي كاتفهميني قبل ما ندوي...كانطلبك دبا تفهميني و تعذريني...كان صعيب عليا نشوف واحد يديك قدام عيني...