قصة زواج متقـــف الفصــــل الثاني(التتمة)

bart 278

الفـصـــل الثـاني:ما خــلف الأقــعنة🫦♟️
                ______

      𝑩 𝒂 𝒓 𝒕  278🎲

  مع الساعة 10:45

كانت فالسطح جالسة كاتحك فالزربية مركزة معاها...و ماماها جالسة بعيد عليها شوية كاتنقي فالعدس... حداها جدة ساريتا ولفات جماعتها مع أم فاتي لدرجة جات صبحات عليها مع الصباح...

الأم:حكي من ديك الجيهة مزيان يا الصݣعة و نتي ظلي تكبي ليا عليها أتاي...

فاتي:[نطقات عادي بهدوء]واخا أ ماما...غير سربي نقي ليا العدس نديرو يطيب...

الأم:[جاتها عجب لي هضرات معاها بالخاطر]كاتباني هي هاديك...هادشي من مجيتك من عند صحايبتك ساريتا و لا شي حاجة أخرى!!..

فاتي:كيف ما درنا معاك وحلة...دبا حينت ما بغيتش نخليك تنوضي و تعذبي مشكيلة ولات...الله يهديك أ ماما...

الجدة رقية:وا تي راه باينة بمسبة شكون[غمزات الأم (نسرين) و بدورها فهماتها]تي بلا ما تسولي غا خليها تحك الزربية لا تصدق زعفانة..

فاتي:[بعفوية قايلة]ماشي كريم غا رتاحي..شكون هو بسلامة بعدا...

رقية:[صغرات فيها عينيها]و شكون قاليك بلي حنا كانهضرو عليه..ما قلتي بسباب الخدمة لي لقيتي..ما قلتي بسباب لقائاتك مع صحايبتك..نيشان كريم..

فاتي:[شافت فيهم كاترمش عيونها بتوتر..و الصمت كان حليفها]

الأم نسرين:[غا من سكاتها فهمات لي كاين]و مالك أ بنيتي حشمانة تقوليها...ما كاين عيب الى قلتي كاتفكري فكريم..كيف كايفكر فيك هو  و جاي عندك فنصاصات الليل...

فاتي:[عرفاتها سمعاتو ملي كان كايعيط بسميتها]عفاك أ ماما ما تقولي لبابا والو...نتي عارفاه ما عندوش مع هادشي...

رقية:ها حاي تي مال بوه ضربو حمار الليل و جا لعندها..تي هادشي فات الصداقة لداك الجيه.. أش كاتجيه...أش بينو و بينها...

الأم نسرين:هادشي لي كانحاول نفهم أنا...جاتني غريبة يجي تال هنا و يهلل...الحمد لله لي باك كان عيان و نعس فالبلاصة ما اليوم يبيتك فالسطح مع الخروف...

فاتي:[بذعر]غ..غير كان طافي ليا التيليفون من الصباح و هو تخلع لا تكون واقعة ليا شي حاجة...

الأم نسرين:[طلعات راسها لعندها موقفة التنقية]عليا أنا ما غادوزش عليا هاد الكذبة...ملي مهتم بيك حتال هاد الدرجة و خايف عليك و مبين حبو ليك يجي يقصد داركم للحلال ماشي يظل يخبط فالشراجم تنزلي عندو...درت عين ميكة و لكن زاد فيه هاد المرة..

فاتي تفاجئات من هضرتها...حتى من ماماها لاحظات لي كاين...رويدا طاح ليها المورال ملي فكرات فردة فعلها ملي تعرف شكون هو و من أي عائلة...

رقية:[خرجات فيها عينيها المكمشين]تي أش سايرة تخورجي فالهضرة..تي عارفة شكاتقولي و لا لا؟...

الأم نسرين:و مالي قلت شي كلمة العيب...ياك الدري على من زيناتو تربية و أخلاق ما يهزش فيك عين...واخا كايسلك فالخدامي و لكن يجيبها من فم السبع...

رقية:[شافت ففاتي]اييه اييه هي قولي فاطمة الزهراء ما قالت ليك والو...و أنا نقول مال هادشي سايرة تهضر فيه عادي بحال هوك بحالا ماشي من عائلة البزناز...

الأم نسرين:[بتفاجئ]كيفاش!!..

رقية:اييه وا شوفي على صدفة شحال غريبة...عائلة البزناز دراغون راجل حفيدتي طلع عم كريم...و ماشي غا هادشي طلع كريم سميتو نزار و كان مخبيها علينا...

الأم نسرين:[شافت فبنتها بدهشة]هادشي كامل واقع و انا ما فخباري ياك أ فاطمة الزهراء...

فاتي:[وقفات على الحكان]ماما أنا ما كنتش باغا ن

الأم نسرين:[قاطعاتها بصرامة]أشنو أشنووو...كنتي باغا تخبي عليا هااا؟...تال إيمتا هضري حتى يجي لعندنا الدار باغيييك!!!!!...