قصة زواج متقـــف الفصــــل الثاني(التتمة)

bart 275

الفـصـــل الثـاني:ما خــلف الأقــعنة🫦♟️
                ______

      𝑩 𝒂 𝒓 𝒕  275🎲

قربو كايتمايلو حتى وقفو مقابلين مع الزاجة  للباب الأمامي..حاجز بينهم و بين دراغون...لي عيونه مثبتة عليهم ببرود...

الدري 1:توما شوفو شوفو شكون هنا...البراني كاين...

الدري 3:[كايحك فعينيه]العشران برب الى بحالا شفتو البزناز دراغون...

الدري 1:وا تشا الله يحرق طواسل مك اش غايجيبو هنا...

الدري 2:[كايضرب فالزاجة]وا عمي تا مالك على دوك الشوفات يبردو الما فالركابي هبط هبط ما تخافش..

دراغون ملتازم الصمت فقط متبعهم أش كايصنعو...

الدري3:[كايحل عينيه بزز]وا تشوما راني كانقول ليك هذا دراغون و هاديك لي تم مخشية فيه مرتو...

الدري 1:[عاد قشع ساريتا و ضرب على الزاجة بجهد]وا نزل نزل غا عطينا ديك الغزالة و سير...

قابلهم بشوفات هادئة و مرعبة..مقيد فبالو أنواع تعذيب مفنن ليهم فضيافتو...فيدو ينزل يجمع مهم بقتلة الكلاب و ما يرحمهمش...و لكن ملي حس بساريتا بدى يدخل معاها النعاس ما بغاش يفيقها و يخلعها...

و لكن ساريتا فاقت على صواتهم و خباطاتهم بعد ما كانت عاد غاتنعس...قفزات بين يد دراغون لي زاد زير عليها..

دورات وجهها دغيا لجيهة هادوك لي بداو يتغاوتو ملي شدوهوم رجال بلباس رسمي أسود...جروهم بعيد مركبينهم فلوطو و مشاو...

ساريتا:[ببحة نعاس]أرغد أشنو واقع؟..

دراغون:[دوز إبهامو على حنكها المحمر]ما وقع والو أناكوندتي...رجعي نعسي و رتاحي ليك...

ساريتا:[باستغراب]و لكن شكون دوك الدراري لي كايغوتو..و هادوك لي جروهم؟...

دراغون:ما عندك سوق بيهم نتي فكري غا فصحتك...

ساريتا:[حركات راسها بواخا]واخا..أصلا دوك الرجال كايبانو بحالا دوك رجال العصابات فين غاتكون عارفهم...[تكات على صدرو]

دراغون:[كايلعب فشعرها]هادشي عارفاه من خوك البوليسي؟..

ساريتا:[ضحكات]تقريبا...منو هو تبليت بأفلام المافيا و داكشي...

دراغون:[صغر عينيه فيها بتشكيك]كاتهضري مرتاحة..ما بقيتيش مشهية الدلاح...

ساريتا:[سرطات ريقها متحكمة فتوترها]كانحاول نصبر راسي و صافي ما عندي ما ندير...حتى يحلو المحلات...

دراغون:و شكون لي قال ليك غانبقاو نتسناو...كاين لي غايجيبو ليك اليوم و ما غانرجعو الى ما شبعتي منو...

حركات راسها بواخا و بحلقات بعينيها للقدام متكية عليه..

دازت نص ساعة بالحساب و وصلو ميساج..هز التيليفون قراه و بعد عليها شوية حاطها فالكرسي بجنبو....

دراغون:بقاي هنا ما تخرجيش هاني جاي دبا...

نزل من اللوطو ساد الباب...و توجه لعند شي رجال واقفين بعيد شوية..هازين شي صنادق فيديهم...

دراغون:جبتو لي وصيتكم عليه...

الرجل 1:اه أ سيدي..بصعوبة باش لقينا الدلاح عند الفلاح..

الرجل 2:كون هاني أ سي دراغون...نص فكمية الدلاح شريناه من عندو...