قصة زواج متقـــف الفصــــل الثاني(التتمة)

bart 295

الفـصـــل الثـاني:ما خــلف الأقــعنة🫦♟️
                ______

      𝑩 𝒂 𝒓 𝒕  295💀

تحنى لمستواها محاصرها بيد و يد على خدها ملامساها بلطف...

دراغون:أخيرا فقتي أناكوندتي كي كاتحسي براسك دبا؟..

حركات بؤبؤ عينيها لجيهتو وجهها مخطوف.. منو اللون باقي الخلعة فيها و لي وقع بين عينيها ماشي ساهل...

ساريتا:ك..كا..كانحس.... بالو..بالوجع بزاف...[دمعو عينيها و بصعوبة حطات يدها على كرشها]الپ..الپيپي...

دراغون:[حط يدو على يدها المحطوطة فوق كريشتها]الپيپي بخير...

ساريتا:[بصوت ضعيف]م..ماتكذبش عليا و قول ليا الصراحة...ع..علاش كاين الحريق ف..فكرشي...

دراغون:[حط عينيه وسط عينيها]كاتيقي فيا؟..

ساريتا:[سكتات للحظة و حركات راسها بعيون دامعة]ت..تايقة فيك لدرجة كبيرة...

دراغون:[باس راحة يدها]إذن ما عندك لاش تخافي...الپيپي بخير..[مسح دمعة كانت غاتنزل]و هاد الدميعات لاش..همم؟...

ساريتا:[رفعات أنفاسها بصعوبة مخسرة سيفتها]كانحس فكل بلاصة كاتضرني أ أرغد...و راسي..راسي بزاف...

دراغون:[عقد حواجبو بعدم رضى لحالها]ما تفورصيش على راسك...طبيعي يضرك لحمك من ورى الكسيدة لي وقعات ليك....

ساريتا:ف..فهمني...م..مانقدرش نصبر لللآلام لي فراسي و عظامي...

دراغون:ششش..صايفط لي غايجيب ليك دوا بهاد الخصوص غايهمد ليك الوجع غير رتاحي دبا...

ساريتا:[غمضات عينيها و حلاتهم ببسمة ليه حتى تفكرات شي حاجة...و قالت بخوف]خ..خالتي س..سميحة فين هي؟..هي بخير...ما طرا ليها والو ياك؟...

دراغون:هي بخير و لكن[قطب حواجبو واضع يديه على الباياص محاصرها]علاش هاد الخوف كامل على الواليدة..همم؟...أشنو واقع؟..

شافت فيه ساريتا و فتحات فمها تهضر حتى قاطعها صوت الدقان فالباب...بلا ما ينقل عينيه لجيهة أخرى أذن بالدخول...

دخلات الطبيبة نفسها ديال البارح شافت فدراغون عاقدة فيه حواجبها...ما تنساش الصباح كيف جا و هضر معاها باش ما تقول والو لساريتا على حالة الجنين...

شافت فساريتا بابتسامة مقابلة...

الطبيبة:صباح الخير عليك مدام ساريتا...كيف حاسة براسك شوية؟..

ساريتا:شوية الحمد لله...

الطبيبة:غالبا دبا كاتحسي بآلالام كاينهش فيك و هادشي عادي فحالتك من ورى الحادثة...كاينين مسكنات غاتاخديهم غايهمدوه ليك ما تخافيش...

ساريتا:[ضغطات على يد دراغون شايفة فالطبيبة بخوف]و هادشي ما غايأثرش على الپيپي...يعني الحريق لي كانحس بيه فكرشي عادي؟...

الطبيبة:[قلبات نظرها لدراغون لي رافع حاجبو ليها و رجعاتها لجيهة ساريتا ناطقة باطمئنان]لا بلا ما تخافي الجنين دبا بخير ما بيه والو و لكن نتي عارفة بلي الجنين لدابا مثابتش..

ساريتا:[بلعات ريقها بريبة]و..و إلى بقى ما ثابتش أشنو غايوقع؟..غانجهض ياك؟؟؟...