قصة زواج متقـــف الفصــــل الثاني(التتمة)

بارت 352

الفـصـــل الثـاني:ما خــلف الأقــعنة🫦♟️
                ______

      𝑩 𝒂 𝒓 𝒕  352🚬

شوية سمعو صوت باب الݣراج كايتحل...علات راسها و دوراتو ناحية دراغون..

ساريتا:بان ليا غايكون نزار لي جا...[بعدات عليه ملي شافتو بغا ينوض]أرغد حاول تحكم فأعصابك...

ما ردش عليها و ناض من بلاصتو على الفور ملي لمح نزار داخل...

هاد الاخير لي كان مشى ليه من بالو أش دار...ما عرف باش يبدا الهضرة...حدو بغى يطلب السماحة حتى تقدم لناحيتو دراغون...

نزل عليه بتصرفيقة..شدو من تيشورت ديالو و لصقو مع الحيط مثبت فيه شوفتو الحادة...

دراغون:منين جبتي هاد الزعامة كاملة يا الكلب...يا بن السلݣوط كاتسحابني قدي قدك حتى تزعم و تسد عليا الباب...

ساريتا ربعات يديها واقفة بعيد و مخنزرة فنزار...

نزار:سمح ليا أ عمي...بربي ما كانتش نيتي نخليكم هنا...ربي لي عالم بحالتي كي كانت ما كنت عاقل اش كنت كاندير من عصبيتي

دراغون:هاد السماحة د الزفت ما عندي ما ندير بيها...ضسرتك يا البرهوش بلا قياس حتى وليتي تدير لي عجبك...ما فكرتيش فمرتي لي حاملة يا الكلب لي جالسة نهار كامل بلا ماكلة و مريضة...

نزار:[حرك راسو ناطق بجدية]قريب غاتهنى مني و ترتاح أ عمي...ملي غانخوي هاد المدينة غاترتاح من مشاكيلي بخطرة...

دراغون:اخر تحذير ليك فوت ساحة البنت قبل ما نوريك وجهي لاخور لي ما يعجبك[بنبرة صارمة]كون على قد هضرتك و سير خدم بعيد على هاد المدينة بحال الرجال...[رمى عيونه ناحية ساريتا]لوحي عليك داك الزيف و تحركي قدامي....

حركات راسها بالإيجاب و تحنات هزات زيفها ساستو و لاحتو على شعرها لاوياه...ساست حالتها من الغبرة و شدات فدراعو خارجين...

و مخليين نزار يفكر فالخطوة لي ناوي يخطي...

كلام محمد ليه حركات فيه شي حوايج و فيقاتو على الغلط الكبير لي كايدير فيه...قلبو خلاه يتمرد عليه و لكن خدا قرار يقبل بالوضع...

على وجه التضحيات لي دارتهم على ودو فاتي ملي تلاقاتو موسد الزنقة...غايعفط على قلبو و غايقبل...

                 بعـــــــــد  شهـــــــــــــــــــر

فهاد الشهر تغيرو شي حوايج...

داز العيد الكبير و من وراه خدى نزار طريق لطنجة...و من جهة خرى والدين ساريتا رجعو للدوار بعد ما رتاح قلبهم على بنتهم...

فاطمة الزهراء بدات تأقلم مع وضعها بالرغم من قلبها المدمر..و لكن حلفات ما تراجع على هاد الزواج و لا تفكر فلي جرحها...

نجلاء يوم من ورى يوم كاتراجع صحتها للأسوء...لدرجة لحمها ولا لاصق على العظم و ولات السخفة حاكماها...

هادشي خلاها ما تقدر تخدم و تجيب ما تاكل و لا فين تعيش و لقات الزنقة هي لي قبلات بيها...

ما لقات مها لي هزات خرجات من السبيطار و ما عرفات فين زادت...

حتى لي كان كايعاون فمصاريف علاج مها غبر ليه الآثر...ما لقات لي تتكى عليه من غير شخص واحد ما يطيحش على البال...

ساريتا من جهة أخرى من ورى التجمعات مع عيالات الدرب تغيرو شي نظريات كانت واخداهم و بدا يستاوطنو على عقلها فكرة باغا طبقها على أرض الواقع...

و لكن شكون خلاها غير تنوي تفكر فالحاجة كاتلقى دراغون موصلين ليه صحاب الحسنات الهضرة و كاينهض فيها حتى كاتدير بالناقص....