قصة زواج متقـــف الفصــــل الثاني(التتمة)

bart 268

الفـصـــل الثـاني:ما خــلف الأقــعنة🫦♟️
                ______

      𝑩 𝒂 𝒓 𝒕  268🎲

ساريتا:[رمشات فيه عينيها بنظرة فشكل]كون يتعاود الزمان و يرجع باللور كنتي غاتبقى على هضرتك و تاخدني زوجة ليك؟...

دراغون:[ببسمة صغيرة على محياه]حينت كايعجبني الحاجة لي كاتجي بزز غانعاود نتزوج بيك...

ساريتا:[مررات يديها على صدرو بلمسة دافئة]علاش؟..علاش لي واخا ما بغيش نتزوج بيك غاتديرها بزز...

دراغون:[سكت للحظة و قال]الحاجة لي طاحت عليها عيني ولات ملكي..و من نهار كنتي تسرحي الخرفان و جا كلامي فكلامك وليتي ديالي...

ساريتا:[تفكرات داك النهار و بتاسمات ناطقة بعفوية]هذاك كان أحسن نهار فحياتي..[ستاوعبات لي قالت..و شافت فيه دغيا لقاتو كايشوف فيها واحد الشوفة فشلاتها..مع بسمة صغيرة..قالت بسرعة بتوتر]ك..كانقصد..

دراغون:[جرها من خصرها حتى تخبطات معاه]زيدي كملي و سمعيني تبريرك...

ساريتا:[توترات من شوفاتو الغارقة فيها]كانقصد بالسلسلة..السلسلة لي هديتيني و عوضتيني بيها على لي ضاعت فرحاتني...

دراغون:غير هادشي؟..

ساريتا:[حركات راسها بالإيجاب]اه..

دراغون:بالرغم من أنك هربتيني مني و ما باغاش الزواج[قرب منها حتى تضاربو أنفاسو الساخنة ليها]إذن علاش واخا دازو هاد السنوات باقة لدابا محافضة على السلسلة و ما قستيهاش...

ساريتا:[حمارو خدودها]ح..حينت نتا..نتا قلتي بلي هي أمانة عندي و غايجي وقت و نرجعها ليك...

دراغون:[مبتاسم ليها بالجنب]يعني على هاد الحساب كنتي عارفة بلي غانلقاك و غاترجعيها لي...

ساريتا:[عضات على شفايفها و نطقات]بصراحة..أحم بصراحة أه...كان عندي إحساس بلي غايجي وقت و غانتلاقاو..

دراغون:[بعد عليها شوية ملي شاف حمرة طاغية على وجهها من التوتر و الحشمة]طلعي النفس شوية لا تموتي ليا هنا...

بعد عليها نايض مد ليها يدو تشبتات فيه حتى ناضت كادور فعينيها...دازت من حداه كاتجمع شعرها مأففة و هو حالف ما يتجمع...مخلياه راجع لقهوتو رشف منها و عين عليها متبعها...

دراغون:مزال كايزورك داك الوجع؟..

ساريتا:[حركات راسها بلا كاتقاد شعرها بقراصة]ما بقاش جاني...راك كنتي سمعتي الطبيبة أش قالت دبك السيمانة...بلي هاد الوجع عادي...

دراغون:[قرب لعندها كايجغم من كاسو]حاولي ما تجهديش على راسك...ما بقيتيش بوحدك دبا...

ساريتا:كانحاول..عارفني ما عنديش مع الجلوس بزاف...[دارت لعندو مغوبشة]كثرتي من القهوة اليوم و هادشي ما مزيانش لصحتك...

دراغون:[جغم جغمة كبيرة و حط الكاس بالجنب..مقرب لعندها]عندك دقة الملاحظة عالية...

ساريتا:[حطات يدها ورى عنقو]من واجبي و حقي نعتاني بصحة راجلي...كايبان لي النعاس ما خلاك...

دراغون:بسباب هاد البعلوك فكريشتك...[باسها جنب فمها]ياك قلت لمك غايطلع شابه ليك...

ساريتا:أش نقول أنا لي كايقتلني الوجع  ما غايحس بيا غا لي مجرب...

دراغون:غانهضر مع الطبيبة تخرج ليك شي دوا...ما غانجلسش و نشوفك كاتوجعي قدامي بلا ما ندير والو...

ساريتا:[ببسمة لعوبة]ياك نتا لي باغي الولاد..شفتي شحال ماشي ساهلة عند لي حاملة بيه...