قصة زواج متقـــف الفصــــل الثاني(التتمة)

bart 260

الفـصـــل الثـاني:ما خــلف الأقــعنة🫦🪔
                ______

      🚬 𝑩 𝒂 𝒓 𝒕  260
محمد عض على باطن فكو مطلع عينيه للفوق قبل ما يغطس وجهو فعنقها..مبادلها العناق بأشد قوة لعندو ناوي يدخلها لقلبو...ماشي بالساهل يقول ديك الكلمة و لكن رجولتو و كرامتو هي لي خلاتو يقولها...

حب مراهقة بيناتهم قوي لدرجة كبيرة..ما قدروش يعبرو عليها بالبوسة لي جمعاتهم و حولاتهم للسرير متعطشين لبعضياتهم...يبردو شوق الأيام لي فاتو و هما بعاد على بعضياتهم...

و هي نقطة بينات رجوع المياه لمجاريها و علاقتها لي تصلحات...

بعد دقائق طويلة كانو على فراشهم مغطيين عاريين الجسد..صوت نهاجهم مسموعة...

زول خصلات شعرها اللاصقين على جبهتها و طبع قبلة طويلة على جبينها خلاتها تغمض عينيها مبتاسمة..الراحة ظاهرة فيها و فيه لعلاقتهم الجميلة لي رجعات...

محمد:اشنو بلان داك خونا لي طالبك للزواج قدام البشر؟..

آية:[دوزات يدها على وجهو]من الآحسن بلا ما نفكرو فلي فات...و لكن نبغي نوضح ليك بلي انا ما بيني و بينو والو...شافني و عجبتو و طلبني للزواج...

محمد:المرة الجاية لي نشوفك واقفة معاه و لا مع شي ميخي ديك السمطة غاتجي على لحمك...

آية:عاد قلب بلي البعاد بدلك و لكن بان ليا بدينا من التهديدات من دبا...

محمد:[عضها عضيضة فشفايفها]واخا طيري و تنزلي لمك ما نخليك تفرقي عليا غا تهناي...

آية:[دورات عينيها]و لكن ما تنساش بلي سبق قلت ليك شروطي باش تصلح علاقتنا..

محمد:أنا فكرت[تنهد مطولا و نطق شايف فيها]خديت نمرة ساريتا من عند فاطمة الزهراء صاحبتها..صونيت ليها و حاولت نهضر معاها و لكن ما بغاتش تجاوب...

آية:داكشي لي قلتي للبنت ماشي ساهل و قاصح عليها ففترة كانت محتاجاك قبل أي وقت و تكون واقف معاها...حاول تفهمها شوية ما تنساش كاتبقا ختك صغر منك و الوحيدة...

محمد:عندك الحق..فعلا كنت غالط و بزاف فتصرفاتي معاها القاصحة...كنت كانسحاب راسي بلي قادر نربيها و نخليها توعى بتصرفاتها و لكن مشيت فطريق الغلط...اشنو فايدة الهضرة دبا و انا حاس بلي ولات تكرهني من معاملتي ليها...

آية:[باستو فحنكو]باقي الوقت أ حبيبي...الهضرة ماشي فالتيليفون..سير لدار لهي فيها و هضر معاها مباشرة...[بغا يهضر حتى قاطعاتو بجدية]عارفة بلي نتا كاره دراغون من داكشي لي دار معاك اخر مرة...و لكن ما تخليش كرهك ليه يخرب علاقتك مع ختك...هي أدرى بمصلاحتها و نتا عارفها...كون  ما كانت مرتاحة فحياتها معاه ما غاترددش ثانية وحدة و تجي لعندك...

محمد:غانفكر...

آية:[سولاتو بعدم معرفة مزيفة]و جداتك؟..عرفتي فين كاينة مزال؟..

محمد:من نهار خرجات من هنا صايفط لي يشوف فين كاينة و عرفتها ݣالسة عند صاحية ساريتا...واخا تكون علاقتنا متوترة ما عمرني نخليها و هي لي كانت واقفة معايا ديما...

آية:[بتاسمات و عنقاتو متكية على صدرو]هاد المحنة لي فيك هي لي مخلياني ديما غارقة فيك...

محمد:[حاوطها بدراعو]آخيرا رطاب داك الراس عندك و رجعتي لدارك...بلاصتك معايا ديما...

آية:[عضات على شفايفها فرحانة]كون تشوف شحال كانبغيك...

محمد:[ضحك برجولية]خليك حتى ترجعي السوفل و وريني شحال كاتبغيني...و لكن ما نضمنش ليك غاترتاحي اليوم الى ما فديت فيك داك التجرجير كامل لي درتيه..و نعمر هاد الكريشة...

آية:كيفاش؟..[طلعات راسها لعندو]يعني بغيتي شي پيپي؟..

محمد:[مبتاسم]و شكون لي ما يكرههم...شحال و نتي كاتقولي لي ماشي دبا..ماشي وقتهم...و لكن صبري تسالا و بغيت نعمر هاد الدار بولادنا...

آية:هاويلي ناوي دير فرقة الكرة هنا و ما فكرتيش فيا...

محمد:[قلبها حتى جات التحت]غايعجبك الحال من بعد ما تخافيش...

حنى براسو لجيهتها حتى تخالطو أنفاسهم و نتاقلو لعالم ثاني ليهم بجوج...