قصة زواج متقـــف الفصــــل الثاني(التتمة)

بارت 370

الفـصـــل الثـاني:ما خــلف الأقــعنة🫦♟️
______

𝑩 𝒂 𝒓 𝒕 370🚬

يــــــوم جديد

واقفة تحت الرشاشة رافعة راسها الفوق مستمتعة بقطرات الما...

فاللحظة فاش كاتغسل شعرها من الشمبوان تفكرات البارح محاولاتو الكثيرة باش يراضيها...

غرورو ما سمحش ليه يطلب منها السماحة مباشرة و هي حالفة حتى تخليه يطلبها بفمو و يضرب الحساب قبل ما يحط اللومة عليها فأي حاجة...

ما ردات البال ليه و هو كايزول حوايجو كايتفحصها بنظراتو و هي عاطياه بالظهر...

حتى حسات بيه لصق معاها فاللور دافن وجهو فعنقها...و يديه كيتلمسو فمفاتنها بجرأة...

أرغد:[همس بثقالة]مازال ما غايرطاب قلبك من جيهتي أناكوندتي...

ساريتا:[حسات بالسخونية طالعة معاه]أ..أرغد....

أرغد:روح أرغد...

ساريتا:ح..حبس...

أرغد:[تقابل معاها ساد ليها فمها بصبعو]ششش..خلينا نعيشو اللحظة...

تخالطو أنفاسهم و دخل معاها فقبلة جامحة عنيفة..هو المتحكم فيها كلما كاتبغي تبعد كايزيد يغرق معاها فالقبلة ما مخليها فين تحرك...

حتى حس بيدياتها كايضربو فصدرو خلاتو بلا خاطرو يبعد و هما كاينهجو...

ساريتا:[كاتحاول ترجع أنفاسها]أرغد...أويلي كنتي غاتخنقني...[خدات الفوطة لواتها عليها]واش حتى فالتدواش ما ندوشوش على خاطرنا...

أرغد:[كايلبس بينوارو]حلوة لمك كيف ديما...

ساريتا:[هازة الفوطة كاتنشف فشعرها]مرة خرى ما تقربش ليا على قبل شهوتك...

أرغد:[شدها من دراعها مدورها بالجهد عندو حتى طاحت منها الفوطة]بخاطرك و لا بزز عليك غانلمسك وقت لي قالها ليا راسي...[ضرب ليها بسبابتو لراسها]و كلما دخلتيها لهاد الراس القاصح حسن...

رخا منها و خنزر فيها قبل ما يمشي يبدل عليه...

حطات صبعانها على البلاصة فين كان شادها كاتماصي فيها...و تحنات هزات الفوطة كاتنشف فشعرها...

حتى سمعات الدقان فالباب...شافتو مشغول واقف مقابل مع المراية كايقاد شعرو...و هي تنوض بغات تحل الباب حتى قفزها بصوتو...

أرغد:جلسي فبلاصتك...

حل الباب شوية..حدها سمعات صوت حسناء و هي مفقوصة ما عرفات اش غاتسمي هاد الفعايل لي كايدير معاها...

خدا من عندها الساشيات كانو منهم بزاف و سد الباب...

ساريتا:[قربات كاتقلب فيهم]أش هادشي...

أرغد:هادو حوايج جداد لينا...

ساريتا بحماس هزات الساشيات لي فيهم حوايج نسائية و جلسات على السرير..

كاتجبد فيهم و هي منعاجبة من شكل الكساوي و العابايات و سنادل كلاص بالطالون...

عاد فهمات لاش تعطل البارح بالليل...ما تنكرش بلي حمقها ذوقو...

شوية قرنات حواجبها هازة بجوج صبعان شوميزات خيوط...كل شكل فيه ما يشبه لخوه...

ساريتا:[بنبرة هامسة تحت سنانها]فأحلامك يا السافل لاخور...

فظل الصمت فالبيت و هو فالطرف لاخور وصلو كلامها ...و رسم بسمة مقرب ليها...

غير شافتو غايقرب ليها بعدات شوية حتى تحنى لمستواها محاصرها بيديه...

أرغد:...ما تنكريش بلي باغاني و غير بلمسة مني فالحمام ستاحليتيها و دبتي بين يدي أ مراتي العزيزة...

ساريتا:الليام هي لي غاتبين لينا شكون فينا لي باغي لاخور كثر و متشوق يلبي غزيرتو الشهوانية معاه...

أرغد:بلا ما تحداي دراغون...ما غاتقديش عليه و نتي كاتسخفي ليه فكل ماتش[وسعات عيونها مستافز عصبيتها بغات تهضر حتى سبقها]نتي الخاسرة فاللخر...

ساريتا:نسميها خوف؟[رتبات كلماتها فدماغها قبل ما تقولها فوجهو]إلى قبلتي التحدي و نتا لي ربحتي غاندير لي غاتقول ليا عليه و غانفذو...و إلى خسرتي غاتدير ليا لي غانقول بالحرف...

أرغد:[جاه التحدي على الݣانة]موافق أناكوندتي...[سرق منها بوسة]

خرج داير يدو فجيبو مخليها غاتفرݣع...

طاحت عيونها على سروالو و هي تجيها فكرة جهنمية فدماغها خلاتها ترسم بسمة عريضة خبيثة...