قصة زواج متقـــف الفصــــل الثاني(التتمة)

البارت 231

الفـصـــل الثـاني:ما خــلف الأقــعنة🫦🪔
                      ____________
                       𝑩𝒚  𝑺𝒂 𝒓𝒊 𝒕𝒂

      🚬 𝑩 𝒂 𝒓 𝒕  231

-----------------------

حالة صعيبة كانو فيها..دوزو ليلتهم بصعوبة مذاق النعاس ما شافوهش...

كان خبرهم الطبيب بلي الى دازت 24 ساعة و ما لقاو المتبرع بالدم غايفقدو المريض..

خبر نزل كماء مثلج عليهم...شحال بكات فاتي و دعات غير يتشافى و ما غاتقاطعوش فالهضرة مزال...بغات غير تشوفو حال عينيه...ما بغاتش كثر...

صلاح لي كان حالتو لا اقل منها...عيا يجري و يقلب و مع الأسف ما لقاش...غوت عليهم و قلب الكلينيك سفاه على علاه كايتحلف فالطبيب و يعاود...فحالة الى وقعات شي حاجة لكريم..

عتيق كان على طول الوقت مراقبو..ما عاجبوش الحال على الوضع لي فيه..كايبان ضعيف و أول مرة يشوفو بهاد الحال..استغرب من هاد الصداقة الوطيدة بينو و بين هاد المسمى بكريم...

جبد تيليفونو و دوز الخط لدراغون..عينو مزالة على صلاح..ثواني و كان جاوبو بصوتو الثقيل الرجولي...

دراغون:كي بقات حالتو؟..

عتيق:ماشي تال لهيه..مرة ينوض يحيح عليه و مرة يجلس و ما يدوي مع حد...حتى الماكلة كانخليوه ياكل بزز...

دراغون:[بخ الدخان الفوق و نطق باستفسار]و حالة المريض؟..

عتيق:غادا و كاتراجع حالتو..باقي لدابا ما لقيناش المتبرع...

دراغون:دير جهدك كامل..و راقب ولدي مزيان..ما نبغيش توصلني خبار تكون واقعالو شي حاجة...و إلا..[سكت و عتيق فهم الميساج]

عتيق:بلا ما توصيني عيني ديما عليه..أحم بغيت نقوليك حاجة أخرى..خديت وقت باش نتأكد منها...

دراغون:[شار بصبعو لأعضاء كاينتاظرو فيه يجي يكملو حديثهم الطارئ]من هنا لليل غانكون عندكم و قولي ما عندك..

قطت عليه..و تاجه لكرسيه جالس فمطعم راقي رفقة شي أعضاء..

دراغون:[رشف من كأس العصير مبلل حلقو]فاش خليناها مزال؟..

•• 1:فيدك اليسرى لي خليتيه مكلف بالسلعة تماك..

دراغون:بلا شك غاتكونو عارفين السبب..

••2:[شاف فداك الرجل و رجع شاف فدراغون بخبث]طبعا..كانت صدمة لينا نعرفو أن أكبر البزنازة تماك قدرتي بطرقك تستاحوذ على بلاصتو فغيابو...

دراغون:[بلع اللقمة اللولى بعجرفة]و نقدرو نقولو حيدتو من طريقي ببساطة..

••• 1:هذا درس لأي واحد كايلعب مع زعيمنا..ماشي بالساهل يتلعب معاك أ سي دراغون..

••2:[شاف فدراغون بابتسامة]الصراحة تفاجأنا بهاد الخبر..ماشي طبعا كانستاهنو بقوتك..و لكن حنا عارفين بلي هادا ماشي بزناز ساهل..فعلا فخورين بيك أنك زعيمنا..

دراغون:[غمزهم كايرشف من العصير]بالتأكيد فهمتو دبا فين حاطين رجليكم..

••3:طبعا سي دراغون..و حنا عمرنا نفكرو نخرجو من وكرك..من الغباء نوقفو ضدك شي نهار...

دراغون:تال هنا و مزيان..نتاقلو دبا توقيع العقد الجديد..جبدوه..

••1:[باستغراب]و لكن العقد بابي عندك نتا أ سي دراغون..

دراغون:[دوز يدو على لحيتو كايتفكر..حتى عقل ملي كان عتيق غايعطيهم العقد و لكن بسباب لي وقع لصاحب صلاح أجلو]مم..مشا من بالي..على هاد الحساب من هنا لشوية غايترسل ليكم العقد..