قصة زواج متقـــف الفصــــل الثاني(التتمة)

bart 327

الفـصـــل الثـاني:ما خــلف الأقــعنة🫦♟️
                ______

      𝑩 𝒂 𝒓 𝒕  327💀

دراغون:[بصوتو الجوهري]تقادو الكتاف و وليتي هاجم على بنتي...نلقى حسك مقرب ليها و لا نسمعك ضاربها و لا حاݣر عليها نهرس ليك دوك الكتاف...حتى تولدهم و ربيهم ديك الساع...

ضرب فيه و طلع الفوق و كل خطوة كايدير فيها جوج...حتى كايقول راه بدات تدير عقلها حتى تخرج ليه بشي بلان مفشكل...

هي فالبيت كانت هازة تيليفونها كاتفرج فنفس الفيديوهات و بجنبها الشوكولاته كاتاكل فيها...و عينيها ما تزعزعاتش على التيليفون حتى ما حسات بدراغون لي دخل...

من شدة تركيزها فالفيديو ما حسات بيه و حتى هو شايفها كيف منغامسة...بحالا عرف أشنو السبب و قرب لعندها بخطواتو الموزونة بدون صوت...

فأوج فراجتها التقطات رائحة ما غريباش عليها قريب منها...طلعات عينيها بشوية للفوق و تزعزعات من وجودو هنا..نتافضات من بلاصتها ما حساتش بيه ايمتا دخل...

ساريتا:أ..أرغد جيتي...

بلعات ريقها ملي خطف التيليفون بين يدها...سرطات ديك ملعقة الشوكولاته غا بصعوبة...

دراغون:[بنبرة هادية]ممم واخدة راحتك أ مراتي العزيزة و كاتفرجي بلا بيا...

ساريتا:[رمشات فيه عينيها ببراءة]حبيبي صبر غير نشرح ليك ما تظلمنيش...

دراغون:[جلس حداها مقنتها مع كادر الناموسية]من إيمتا اللفاعي كايتظلمو..همم؟..

ساريتا:[ضحكات ليه ديك الضحكة الصفرة]لا ما يمشيش بالك بعيد راه الفيديو طلع ليا على غفلة فاليوتوب..

دراغون:[ميل راسو ببرود]عينيك فعينيا و كاتمرݣني عليا؟...غانظلم مك ملي نعطيك سلخة مقادة تخليك تهضري نيشان...

ساريتا:[عوجات فمها بتفكير]يعني صافي دبا عرفتي؟...[هزات كتافها]و لكن ما عندي ما ندير الوحام جا على هادشي...

دراغون:كنت شاك فاللول من داكشي الحمر لي كاتشهايه على لون الدم...و لكن ما نسحابش الوحام جا على هاد الويل لي خلا ملتك صفرة هاكا...

ساريتا:أحم راه عادي الى تفرجت أشنو المشكيل فيها...

دراغون:[زير على ضروسه]ما فكرتيش بلي هادشي غايرجع على الجنين و ملي يتولد كيف غايطلع فنظرك...ما فكرتيش الحاجة لي ولفتي تشوفيها يوميا ما غاتقدريش تستغناي عليها و تأثر عليك حتى فحياتك...

ساريتا:[شدات يدو]هادي غا فترة وحام و غاتدوز دغيا و غاتلقاني ما بقيتش نتفرج فهادشي...و زايدون ها نتا كاتقتل البنادم و ما كايأثرش عليك حتى فحياتك مع عائلتك...

دراغون:[حط سبابتو مع راسها]أنا ماشي هي نتي..ما تقارنيش راسك بيا...قادر نتحكم فراسي و لكن نتي ما غاتفهميش كلامي الا ملي يفوت الفوت...نتي من النوع لي كايبغي يجرب بزاف الحاجة لي عجباتو و هادشي [همس بفحيح]غايخليك تلقاي راسك شهوتك كاتدور على الدم ما تلقاي راحتك الا و نتي مجرباه...

ساريتا تغيرو ملاميحها للرعب...جملتو الأخيرة بالفعل كانت صحيحة...من كثرة ما تعمقات فهادشي تزرع فيها احساس تجرب...و تشوف واش كاين فعلا لذة فالقتل لي يخلي راجلها مرتاح و هو كايصفيها للبنادم...

و لكن لي كايخوفها كثر هو تديرها شي نهار و تبع احساسها...كيفاش زعما غاتولي حتى هي شي نهار قتالة...حتى هي غاتولي واحد النهار بحال دراغون...بإينا وجه غاتلاقى مع الله...

غاتولي قتالة!!..

نتافضات مرعوبة بحالا قرصاتها شي حاجة...طلعات راسها لجبهة دراغون ملي شافتو ناض و تيليفونها فيدو..

دراغون:ملي تديري عقلك و تعرفي أش كادير أناكوندتي ديك الساع غاتاخدي التيليفون...

تحنى جمع شفايفها بقبلة حنينة و بعد خارج من الغرفة مخليها كاتفكر فلي قال...