قصة زواج متقـــف الفصــــل الثاني(التتمة)

بارت 371

𝑩 𝒂 𝒓 𝒕  371🚬

سمعات الدقان فالباب...دغيا خشات دوك الحوايج فالساشيات و فنفس الوقت حلات سميحة الباب...

سميحة:أ مالكي ما نزلتي تفطري...

ساريتا:[دخلات الحمام كاتبدل]دراغون كاين التحت؟..

سميحة:لا راه مشى...و على هادشي جيت لعندك نهضر معاك...اش درتي فداكشي لي قلت ليك عرفتي شي حاجة...

ساريتا:عرفت شي حوايج و فنفس الوقت ما عرفتش...

سميحة:قولي يا بنيتي دغيا أش طاري...راه قلبي مشوي عليه...

ساريتا:[كاتعاود ليها لي شافت فالفيديو و التصاور]هادشي لي قلت ليك هو لي شفت بالحرف...بعدا المهيم فهادشي كامل هو ولدك باقي حي...

سميحة:الحمد لله يا ربي...الحمد لله..سيري يا بنيتي ساريتا كيف سعدتيني اليوم الله يسعدك...و دبا كيف نديرو حتى نعرفوه فين شادو...

ساريتا:خاصنا نشوفو تيليفون داك خونا لي كايكون معاه ديما ما عاقلاش على سميتو...

سميحة:عتيق؟...راه بمسبة التقلاب فتيليفونو درت موتة حمار و بلا نفع...و دبا عقلي تبلوكا ما عرفت كيف ندير نوصل لولدي...

ساريتا:[خرجات مربعة يديها]من هاد الناحية غير رتاحي...درت احتياطي قبل و خاصنا نستاغلوه الى بغينا نوصلو لولدك قبل يفوت الفوت...

سمعو الدقان بالجهد فالباب تحت ستاغربو...مشات ساريتا طلات بانت ليها مرا كاتدق...

نزلات للتحت سميحة حلات عليها...

المرا:وا عتقي يا ختي سميحة عتقي...

سميحة:شكون نتي..و اشنو واقع..

المرا:وا البزناز ضربوه بالموس حدى قهوة بوشعيب و غارق فدماياتو...

خبطات سميحة على فخاضها و بلا عقل مشات كاتجري...خلات المرا جابدة التيليفون كاتضحك...

المرا:درت مهمتي و الباقي عليكم أ سيدي...فلوسي توصلني فالوقت...

شوية حسات بيد تحطات على عنقها قاجاها...

ساريتا:يا الكلبة شكون نتي و شكون مصايفطك...اشنو درتو لخالتي هضررررري...

المرا:لا لا بنيتي راكي ما فاهمة والو...

ساريتا:ما فاهمة والو ياك...صبري نصوني لدراغون و يندمك على النهار لي فكرتي تعتبيه هنا...

لاحت الشوفة فالدراري لقاتهم غابرين ليهم الآثر...عطاتها بالظهر و تمات داخلة عوالة تصوني ليه...

و المرا خافت ما حسات الا و هي مطيرة فاز نزلاتو بيها على الراس حتى طاحت طيحة وحدة...

صونات لواحد جا هزها و مشاو بلا ما يحس بيهم حد...