قصة زواج متقـــف الفصــــل الثاني(التتمة)

bart 287

الفـصـــل الثـاني:ما خــلف الأقــعنة🫦♟️
                ______

      𝑩 𝒂 𝒓 𝒕  287🎲

حتى قرب لعندو عتيق هامس ليه بشوية مطبطب عليه...

عتيق:تهدن أ برو...ما تخليش لي دار هاد الفعلة يفرح بشوفتك فهاد الحال...

دراغون:[ببرود مميت]اليوم لي زعم على مرتي غايكون فالديبو...من تحت اللرض يكون مخبي جبدوه...

عتيق:قبل ما تقولها لي أ برو عطيتهم الأوامر الليلة غايكون فضيافتنا...

دراغون حرك راسو بصمت و ركب مكسيري بسرعة باتجاه السبيطار...

                  ______________

           بعد ساعات طويلة حتى وصل الليل

على طول الكولوار كان ماشي و جاي بملاميح غير مفسرة...على كراسي مقربة منو تماك جالسين كل من فضيلة و سميحة حالتهم حالة..و الجدة رقية لي ساقت الخبار و جات  لا أقل منهم لسانها ما توقفش على قول أدعية ليها...

بخطوات قريبة شوية كان واقف محمد كارز على يديه و عينيه على دراغون محمر الشوفة فيه...ما كرهش يطير عليه بقتلة حتى الموت...كون ما شاداه آية حاطة يديها على دراعو...

آية:الله يهديك أ محمد ..واش ختك للداخل كاتكافح باش تعيش و نتا همك ردة فعل دراغون...

محمد:خدمتي هي لي علماتني هادشي...هانتي شوفيه...واش كاتشوفي شي خوف عليها و لا على لي حاملة بيه و لا قال شي كلمة...

آية:واش حماقيتي..السيد ربي لي عالم بحالتو و هادشي لي كاتفكر فيه...كل واحد و ردة فعلو
..هادشي ماشي ساهل لي طرا فساريتا...

محمد:داك النهار لي عليت عليها يدي كان غاياكلني بسنانو و صوتو خارج لبرا الدار و دبا داير فيها ما هاماهش...[علا صوتو]و لكن ما يكذبش لي قال البزناز بلا ضمير و لا قلب...كيف يبيع الحشيش يبيع ولادو و مرتو و ما يحنش...

خرجات فيه آية عينيها و زيرات على دراعو مدورة راسها لدراغون...لي طلع عينو لعندو و بقى واقف شحال و تم مقرب ليه...كان غايوقفو عتيق فطريقو و لكن دفعو بقبضتو حتى تخبط مع الحيط...

تقابل معاه كايقاد فقميجتو بهدوء تام عينيه فوسط عينين محمد الحارقة ليه...

دراغون:غايكون حسن كون عاودتي هادشي مباشرة لبزنازة لي مغطي عليهم...

محمد وسع عينيه ما راضيش  العائلة لي سمعات و آية لي ما مصدقاش لي قال...

آية:ك..كيفاش م

دراغون:[قاطعها]ما يتدخلوش العيالات بين كلام الراجل للراجل الشماتة...

محمد:[ستافزو بآخر كلمة و ما حس غير بضربة موجهة لصدرو]أنا راجل و خير منك نتا لي مبرد بحالا ماشي مرتك الداخل و لكن أشنو نتسنى من بزناز بحالك...

دراغون:[نزل عينيه ليدو فين ضربات و رجع شاف فيه بنظرة فارغة]آخر واحد كان زعم يحط يدو عليا تقطعات من الجذر...[شد يدو  لواها حتى تسمعات الطرطيقة]و لكن حينت نتا كاتبقا خو مراتي ما غانديرهاش...

محمد حمار وجهو بالألام و يدو واجعاه...طلق منو خابطو مع الحيط..واضع مرفقو على عنقو خانقو...

دراغون:على أساس الرجلة عندك هي الضرب و الغوات...[ضغط عليه كثر]زيد سمعني صوتك نشوف...نتا آخر واحد يتحاسب مع دراغون أشنو غايدير و أشنو ما غايديرش مع مرتو...

فضيلة شافت فسميحة قلبها طايب ما عارفة تحزن على لي طاري لبنتها و لا تنوض تفك...