قصة زواج متقـــف الفصــــل الثاني(التتمة)

البارت 222

الفـصـــل الثـاني:ما خــلف الأقــعنة🫦🪔
                      ____________
                       𝑩𝒚  𝑺𝒂 𝒓𝒊 𝒕𝒂

      🚬 𝑩 𝒂 𝒓 𝒕  222

فالطريق كانت غادة اللوطو سايقها هاد المرة دراغون و بجنبو سليم..كايدردشو على لي وقع...

سليم:كانظن ما كانش عليك أ سي دراغون تبين راك كاتعرف تهز السلاح قدام داك خونا...نخاف ينبش و يعرف السبب..

دراغون:[سايق بيد و يد كايتفحص بيها تيليفونو لي الشبكة منعدمة فيها]حتى حد ما يتجرأ يديرها حينت عارف بلاصتو فالقبر كاتسناه...

سليم:[كايطلع التيليفون فالهواء كايقلب على الريزو]سي دراغون...لقيت ولدك فتاح مصوني ليا فالنمرة بزاف ديال المرات...و المشكيلة الريزو مكاينش فهاد النواحي نتمنى ما يكون واقع والو تماك...

دراغون:[حرك راسو بتفكير ما مريحش للهاد الاتصالات لا منو هو و لا حتى معشوقتو]

زفر نفس عميق محاولة منو يهدن راسو و يخدم عقلو..مشوش و خايف لا تكون وقعات شي حاجة لمالين الدار...واخا هي فكرة مستبعدة حينت الرجال حارسين الدرب و ما مخليين براني يدخل بلا إذنو..

تشوش على ساريتا لا يكون جاها شي وجع...و لا مرضات...

حط سليم فطريقو و تسالم معاه سلام رجولي موصيه يرد البال و يحل عينيه...على المنطقة لي ما بقاش بزاف و تكتب على ملكيتو...

و هو دبا واخد طريق لكازا..غادي بسرعة كبيرة لي متعود عليها...رجع شاف فالتيليفون لي كايصوني...و هاد المرة طلع الريزو كان فتاح..جاوب دغيا و عينو على طريق مركز معاها...

دراغون:ماشي عوايدك تبرزط ملتي بالأبيلات...أش كاين؟!!...

فتاح:[تنهد براحة لي جاوب]الحمد لله لي طلعتي عايش و مزال ما متي...عاد لقيتيني حفرت قبر ليك..

دراغون:داك القبر أ ولدي غانضوبلو و نخشي زا•مل بوك فيه إلى ما حبستيش من حموضتك...

فتاح:تا برب ما معاك ضحك...بقات فيا غا مرتك لي سخفات بمسبتك...

دراغون:[عقد حواجبو بخوف..فرانا بسرعة]مالها مرتي أ داك السلݣوط..هضرر..علاش سخفات؟...

فتاح:قالت بلي سمعات شي حد بغا يقتلك .. نوضات حالة فوسط الدار حتى طاحت سخفات...

دراغون:[ضرب يدو مع الݣيدون بعصبية كايلعن راسو لي خلاها بلا ما يحس تسمع ديك الهضرة]ياكما وقعات ليها شي حاجة؟..و الپيپي هو بخير؟...

فتاح:تا راه هما بخير...مها شافتها و قالت داكشي جا من الخلعة...

غا كمل كلامو و قطع فوجهو خلاه غا يبحلق...دار لجيهة جداه لي شادة على قلبها...و تحمد الله لي ولدها ما وقع ليه والو...

فتاح:ياك قلت ليكم ما واقعة ليه والو و لكن عزيز على مكم الدراما...[توجه للطبلة كاياكل]تفو تا الدغمة وحلتوها ليا...

سميحة:تاكل فيه الجغديد إن شاء الله...

حسناء:[تخشات فيها معنقاها]فرحانة بزاف أ الميمة ملي بابا بخير...ما تصوريش شحال كنت مخلوعة عليه...

سميحة:ايييه..الله ياخود الحق فديك الخدمة ديال الحرام لي حالف ما يخليها حتى يطرطق فيا شي عرق...

حسناء:الله يهديه الميمة..ماكلة الحرام صعيبة و لكن نصبرو حتى يهديه الله...

فتاح:[لاح عليها عنبة]صافي وليتي تحلي داك الفم المشعككة...فين هي لي دايزين خناينها تبكي...و لا تقاداو ليك...

سميحة:[صايفطات ليه الصندالة جاب الله فلت الدقة]تا فوت عليك ختك يا بن السلݣوط...يا و الله و ما تفرقها عليك يا حتى نحرش وليدي عليك...

حسناء:[ناضت بزربة كاضحك..باست  ليها يديها]الله يخليلي لي محاميتي الفنة..خاصني نطلع نقولها لساريتا...

فتاح:سيري سيري..شحال فيهم هاد البنات التبوحيط و الدراما...[فمو عامر و يهضر]دايرة فيها الحب الأبدي...

سميحة:تا غا سكت أ وليدي حتى نتا بخبيزتك..نهار تبغي شي وحدة عاد غاتفهم هاد شي لي تضحك عليه...