قصة زواج متقـــف الفصــــل الثاني(التتمة)

بارت 342

الفـصـــل الثـاني:ما خــلف الأقــعنة🫦♟️
                ______

      𝑩 𝒂 𝒓 𝒕  342🍾

الليل...

فغرفة كبيرة بديكور راقي...متخللها صوت الما جاي من الحمام...

بعد ممارستو للرياضة كيف موالف...كان فالحمام واقف تحت الرشاشة و الما نازل...واضع يديه بجوج على الحيط و مغمض عينيه و عقلو خدام كايرتب أفكارو و يشوف لبعيد...

أفكار بعيدة على خدمتو...خطوط متشابكة فداخل راسو كادور على عائلتو من جيهة كايخطط لكيفاش يبقى متحكم فولادو و ولد خوه...و لا سيما حتى حوايج مجهولين أخطر و ابعد فبالو كايدرسها...

الحاجة لي تدور و تعاود تحفر فدماغو هي منظر التوتر لي لمحو ملي دخل على غفلة على ساريتا و الطبيبة...دقتو فالملاحظة ما تخونوش و تغفلو على التوتر لي شاف...التوتر لي كايكون مخبي وراه فعلة كبيرة...

توتر و خوف قدر يلمسو منها من فترة ما بعد الحادث...بإمكانو يخدم العنف و يعرف بطريقتو من الطبيبة لي كاين...و لكن فضل بالمهل يعرف اشنو تحت راس مرتو...و هو ما يرتاح حتى يعرف سبب توترها الكبير...

سالا الدوش و خرج ببينوار فالرمادي غامق حامل فوطة كاينشف شعرو..و قطرات الما بارزة على صدرو و ثنايا وجهو الغير مفسرة...

تاجه للݣارو شعلو و جلس على الفوطوي بأريحية كاينتر بهدوء...قرب البيسي لجيهتو فاتحو يشوف الجديد فالخدمة...ما نتابهش لعدة اتصالات لي كانو فاللحظة فاش كان كايدوش...

فأوج بداية تركيزو تسمع صوت تيليفونو...خلاتو يلوح الشوفة قبل ما يهزو و عينيه باقية على البيسي...

دراغون:كانتمنى ما تكونو غفلتو عليه و هرب منكم يا ولاد الطي•ط...

الراجل 2:[دوز يدو على عنقو مرعوب]لا سي دراغون عينينا ما تحيداتش عليه...[بلع ريقو]سمح لينا زعجناك و لايني واحد البنت ما نتابهناش ليها كانت شافتنا و مزال ما عرفنا اش نديرو معاها...

دراغون:[ببرود]فعايل الوليات ما عارفين تديرو حتى قلو•ة...

الراجل 2:سي دراغون بربي حتى كنا رادين البال ما عرفنا منين خرجات و زيد عليها جاية تكذب و تهلل بلي نتا راجلها...

دراغون:[قلب عينيه للأمام و بعد صمت قال]قتلوها...

و بآخر كلام صدر منو قطع الخط و لاح تيليفونو بهدوء راجع لتركيزو مع الخدمة...ما حركات فيه شعرة من لي قال ليه لأنه عارف و متأكد ساريتا ماشي هي نفس البنت...ساريتا حافظها و عارفها بلي كاتخاف منو ما تقدر تخالف أمرو ليها...

الزعامة الكافية تحط رجلها برا بدون علمو عقابها عارفها و عارفاه...

كان بإمكانو يدوزها لديك البنت يهددها و يطلقها تمشي...و لكن ملي جبدات اسمو و وضعات راسها فبلاصة ساريتا لي ماشي أي واحد عندو..فهنا حكمات على راسها بالموت...