قصة زواج متقـــف الفصــــل الثاني(التتمة)

bart 299

الفـصـــل الثـاني:ما خــلف الأقــعنة🫦♟️
                ______

      𝑩 𝒂 𝒓 𝒕  299💀

ساريتا:[فرحات بكلامو ليها و شدات يدو وضعاتها على فمها بايساها]الله يطول ليك فالعمر يا بابا حتى تشوف حفايدك و و ولادهم...

عيسى:اييه بنتي نوارتي كبرات و دبا ما بقى ليها والو و تولد...[ربت على راسها]هي قولي شي لفاعي جايين فالطريق...

ساريتا:[غوبشات]و مالهم الى خرجو لفاعي...اللفاعي الى قربتي ليهم يطلقو فيك سمهم و ما يخلي حد من طاسيلتهم يمسهم حد...

عيسى:[جابت ليه الضحكة]واخا يا لالة اللفيفيعة نشوفو هادو كي غايخرجو ملي يتزادو..واش خارجين ليك و لا لباهم...

ساريتا:راني أنا لي حاملة بيهم تسع شهور يعني ضروري غايخرجو ليا..

عيسى:[كايشوفها تهضر من نيتها]يا ما بقيتي لبوك لا تحشمي و لا تستحياي...تي هادي هي لي قالت تموت و ما تولد شي ولد...شحال كنتي كارهاهم فالدوار كي طرا و جرا حتى بغيتي تولدي...

ساريتا توترات بالعة ريقها...ما نقذها غير خوها محمد لي دخل للداخل يشوفها...و يشوف حتى باه لي عاد عرف أنه وصل لكازا...

مشى عنقو عناق حار بسعادة و كالعادة سي عيسى كاينݣر عليه علاش لي ما يشوفو فالدوار و يجي...

تبعاتهم بعينيها بابتسامة حامدة الله سبحانه أنه كولشي تصلح...والديها سامحوها...زواجها نجح و لي خافت منو هادي سنوات ها هي حاملة بقطعة منو...تنهدات براحة كاتتمنى أنهم يبقاو ديما على هاد الوضع العائلي السعيد...

                  °°°°°°°°°°°°°°

فغرفة فنفس الكولوار لي ناعسة فيه ساريتا كان متكي على الحيط كايلعب بتيليفونو...مقابل معاه عتيق جامع يديه قدامو بتوتر..

دراغون:من شحال و أنا نصوني لمك و نتا بارك تمعشق ليا مع الطبيبة...وقت هادشي فنظرك؟...

عتيق:[تنهد و شاف فيه]المنظر لي شفتي فهمتيه غلط..هي كانت غاتطيح و أنا شديتها...

دراغون:[حدق فيه بحدة]شدها و لا طلقها و لا حتى حو•يها آخر همي...فين داكشي لي قلت ليك عليه جيبو البارح؟...

عتيق:ها هو عندي[بلع ريقو و قال]و لكن لقيتك ناعس حدى المدام ديالك و باين عليك العيا ما بغيتش نخسر نعاسك...

دراغون:[لو ما شاف شعر ساريتا المغطي بالزيف كان غايخلي عشتو]مرة خرى نلقى مك داخل لديك الغرفة عول غانصايفطك لعند ديك الطبيبة تخيطك...

عتيق:[حرك راسو عاقدهم]واخا أ سي دراغون...

دراغون:[بنظرات جامدة]كانظن درتو خدمتكم اللازمة و شديتو الكلب لي ضرب مرتي...

عتيق:أه قدرنا نشدوه بسهولة سابقين البوليس...كان غايهرب برا البلاد و هو دبا فالدار المهجورة ما غايقدر يوصل ليه حد...حينت كيف عارف العدو الجديد احتمال يوصل للديبو قبلنا و يقتلو قبل مايعتارف و تعيشو الموت البطيئ على فعلتو....

دراغون:خدمتي عقلك كيف العادة[حرك راسو مربت على كتفو]فغيابي ما نخممش بلي حاط راجل يتعول عليه...

عتيق:[بتاسم ليه]من غير أنني يدك الليمنة راك كاتبقى صاحبي أ برو...