قصة زواج متقـــف الفصــــل الثاني(التتمة)

bart 313

الفـصـــل الثـاني:ما خــلف الأقــعنة🫦♟️
                ______

      𝑩 𝒂 𝒓 𝒕  313💀

جات عينيه نيشان فوسط عينيه الزرقا المنعاكسة فالمراية...عينيه وساعو بالصدمة...ما متيقش بلي لي هارب منو هو كاين دبا قدام عينيه...

بلع ريقو بصعوبة و البرودة حاطت بيه...

دور دراغون وجهو ليه بنظرة باردة و تمتم بخبث ظاهر عليه...

دراغون:مشارك معايا نفس الدم و لكن ديما غاتبقى مكلخ و تحت صباطي...

حيدر:[ذاتو بدات ترجف عليه..ݣاع ديك الشجاعة مشات ليه..و لكن مع ذلك ما بينش]نتا..نتا لي مكلخ الى سحابتي بهاد الفخ لي نصبتي ليا غاطيحني...أ سي أرغد الوزاني...

دراغون:[كايقاد الليݣات لي لابس ببرود]مصمم نخون صلة الدم بيناتنا و ندفن ملتك هنا أ خويا العزيز...

حيدر:[باستهزاء قايل]معلوم ما غاتنكرش بلي كانبقى خوك و ما غاتقدر دير ليا والو...

دراغون:[بنظرة فارغة]كاتسحاب ببساطة غانخليك تفلت من لي درتي!!!..كلامك ثبت ليا معنى انك مكلخ...

حيدر:[تعالاو دقات قلبو برعب]ش..شوف أنا أنا ما درت والو ليك...خليني نمشي...

دراغون:[غفلو ببرا ختارقات جنب عنقو]مرحبا بيك عندي فوكر جحيمي أ سي حيدر الوزاني...

راقبو ببرود تام بدون ذرة شفقة حتى طاح ساخف...و قلب الطريق نحو المجهول مواعدو بأيام غا يدوزها كحلة يتمنى فيها الموت...و الأسوء لي محضر ليه من بعد...

دقايق دازت...

         فجيهة أخرى

دازت الخطبة بدون مشاكيل و العرسان لبسو الخواتم...

كان الكل فرحان بالخطبة..بما فيهم العريس لي كان اول مرة يشوف فاتي و عجباتو... و لكن هي كان عندها رأي آخر...

بقات ساكتة و غير كاتشوف..جاتها اللقوة من هادشي لي كاتعيش فيه دبا لي جاها على غفلة..هاد الخطبة المزروبة خلاتها تحس بحالا غا زايدة فهاد الدار...و باغية ماماها تفك منها دغيا...

و هادشي كامل من احداث ركباتهم فعقلها بسباب هضرة الجدة رقية...سحبات علاقة كاينة بين فاتي و نزار و ناضت دارت خطبة رسمية حتى بلا رضى باها لي ما عجباتوش هاد الزربة...

خلاتهم كايتبادلو اطراف الحديث و يتافقو على موعد العرس لي غايكون بعد أشهر و معاه العقد...بعد ما يرصي العريس شي حاجات فالخدمة فبرا البلاد و يرجع...

و ها هي وقفات مرة خرى قدام الشرجم كاتدوز يدها على عنقها و دموعها نازلين...كاتحس بنفسها مسحوب منها و قلبها مجروح...جسدها حاضر و قلبها معاه..

تمنات كون ما كانش من عائلة البزناز...تمنات لو بالأساس ما عرفاتوش و تخلي قلبها شاعلة فيه العافية...

حسات براسها مقيدة بهاد الزواج لي غايكون...كيفاش غاتقدر تكمل حياتها مع هذا و قلبها واخدو واحد اخور...

طلعات نفس طويل ملي سمعات ماماها من التحت كاتعيط عليها...طلعات يديها بغات تسد الشرجم ..حتى تعلقو عينيها عليه و هو نازل من طموبيل معصب ما شايفش قدامو...