قصة زواج متقـــف الفصــــل الثاني(التتمة)

bart 297

الفـصـــل الثـاني:ما خــلف الأقــعنة🫦♟️
                ______

      𝑩 𝒂 𝒓 𝒕  297💀

               
                نجــــــــــلاء

على فراشها كانت كاتلعب بأطراف شعر المزيف لي واضعة كأنه شعرها...سهوة خفيفة شاداها و بين ثنايا عينيها مقتطفات من البارح عمرها تنساهم...

قدر بكلامو و تصرفاتو معاها يلتامس قلبها و عقلها...لا هو عاملها كأنها عاهرة و لا حتى هانها...بل عطاها قيمة بشر و أنثى كيفها كيف البنات من لحم و دم...

لقاتو واقف معاها فكل خطوة فعلاج ماماها...ساندها و كان حيط تتكى عليها وقت ضعفها...مسح دموعها و طبطب عليها بكلمات محفورة فوذنيها...

تبسمات ملي كاتفكر كيف كان البارح كايمسح دموعها...كيف عانقها فحضنو الدافئ...كيف خدا المسؤولؤة يتكلف بعملية ثانية لماماها...

تفزعات من بلاصتها من طقطقة أصابع قدام عينيها...قلبات شوفتها لبنت من بنات الدعارة...كاتمدغ فالمسكة و غامزاها...

البنت:ممم..شفتك ساهية...شفتس الحب أشنو كايدير...

نجلاء:[غوبشات فيها]على إينا حب نتي كاتهضري عليه من نيتك؟...

البنت:[غمزاتها]ماشي عليا أ حوباي...بعدا هاد البيروك جاب نتيجة و ما خلاش يعرف حقيقة شعرك...

نجلاء:[قلبات عينبها بانزعاج]ما تفكرينيش فالبارح..كون ما عرفت نتصرف يقولي هذا شعر مستعار...

البنت:أممم..هي هاد ولد البزناز طلع عندو دقة الملاحظة...

نجلاء:[بعدم فهم شايفة فيها]كيفاش؟..واش نتي كاتهضري على لي خرجت معاه البارح بالليل؟...

البنت:و شكون من غيرو...دازت على عينيك ضباية ملي وليتي تنعسي معاه و ما عارفة حتى شكون هو...بان ليا هاد كثرة الجلوس هنا  كلخك...

نجلاء:[عضات على ظفارها]و أنا فاش كايهمني نعرف و لا لا المهيم هو نشد الفلوس...

البنت:شوفوها باقي كاتكذب...نوضي نوضي راه الكليان كايتسنانا التحت نديرو ليه شي مساج فاعل تارك كيف العادة...

نجلاء:[ناضت من بلاصتها]هووف واخا واخا...

البنت:[طلعات فيها و نزلات]و نتي مالك على حالتك ما كاتاكليش...هاويلي السيدة تنفخي عليها طير...

نجلاء:غايكون شدني فقر الدم أ الزمر بلا ما تزيدي فيه..

البنت:[ربعات يديها]هاد الحالة لي نتي فيها ماشي ديال فقر الدم...ياكما جبتيها المسخوطة من شي حد لصقها فيك...

نجلاء:[خلعاتها خلاتها تحرك راسها بلا بعدم تصديق]م..مايمكنش..من زمان و أنا خدامة فهادشي و نجي تال درا و نهز المرض.. دبا ناخد شي فانيد يغلظني...

البنت:[خرجات فيها عينيها]واش نتي حمقة؟..ما شفتيش لي طرا لديك البنت و ها هي دبا تحت التراب...هاويلي سيري شوفي أش ديري...سيري دوزي و تأكدي واش فقر الدم و لا لا...

نجلاء:[سمعات الدقان]واش أنا فوق هاد المشاكيل كاملسن بقى ليا غا راسي...زيدي زيدي قدامي راه هاديك من صباح و هي تدق ...