قصة زواج متقـــف الفصــــل الثاني(التتمة)

bart 259

الفـصـــل الثـاني:ما خــلف الأقــعنة🫦🪔
                ______

      🚬 𝑩 𝒂 𝒓 𝒕  259

                •••••••••••••••••••

نزلها من الطموبيل و هي معاكسة معاه حالفة ما تزيد خطوة...كاتضربو على يدو يطلق منها و الناس واخدين راحتهم يبرݣݣو...

آية:طلق مني طلللق واش تسطيتي طلق...

محمد:سكتيناااا...غير صبري حتى ندخلو و غانتفاهمو مزيان على هاااد التقحبييييي•ن...

آية:حاشاااااك...ملي وصلنا لتخسار الهضرة ما دااااااخلاش...وا طلق مني قبل ما نجمع عباد الله عليك اليوم طللللق...

شاف راسو غايبقا مجاكر معاها تدخل..و هو يتجنى هزها على كتافو مخليها كاضرب على ظهرو و تركل معصبة...

دخلها للداخل و سد الباب بجهالة..نزلها من على كتفو و جات طايحة على اللرض مخنزرة فيه...مقابلها بتخنزيرات حارين فيها...قبل ما ينزل يديه للسمطة مزولها..

خلاها تبلع ريقها محركة راسها بلا..مصدومة و الخوف واكلها..ما مصدقاش غايديرها و يضربها..

محمد:نتي لي بغيتي هاااااادشي نتتي..[هز يدو بضربة عاطيها للأرض قدامها حتى قفزات]نتتتتتتتي...اليوووووم رجعتيني شماااااااتة..هنتتتييييييني و طيحتي بقيمتي من فععععععلك...

آية:[حركات راسها بالنفي]لا أ محمد لا ما تزربش و تحكم قبل ما تسمع مني...نتا ما فاهم والو ..ما عارفش انه ه..

محمد:[قاطعها]مااااااا بغيت نسمع والو مننننننك..[ضرب ضربة ثانية كاينهج و حالتو تبكي]أنا طلبت فيك و زاااااوݣت ترجععععي و عفطت على كرامتتتتي...[ضرب ضربة ثالتة حتى تنفضات خوفانة على حالتو]سيمااااااانة و انا تابعك ترجعي ليا و نتي يا الكلبة فالآخر تخلي زا•مل يوقفك قدااام الناس و يطلبببببك الزوااااااج...

آية:محمد..غير تهدن..عفاك تهدن و خلينا نݣلسو و ندويو بالعقل...خليني نوضح ليك لي واقع...

محمد:[خبط على صدرو]ما عندنا فاش ندويو أ بنت الناس...صافي حتال هنا و فاض الكاس[لاح السمطة..تهد نازل على الآرض على ركابيه بقهر]نتقبل خصامك معايا..نتقبل سيمانة و نتي نافرة مني..و لكن ما نتقبلش لي درتي اليوم...ما نتقبلش تكوني على ذمتي و ترجعني ما نسوا والو عندك قدام داك الراجل..

آية:[زحفات بزز لعندو كاترجف]محمد..محمد سمعني..ما تقولش شي حاجة لي ما كاينة..

محمد:[طلع عينيه الحمرين فيها]أنا حتى من الضرب ما ضربتكش كيف كايديرو الرجال باش نرجع اعتبار رجولتي..ما خليتش شخصية البوليسي تحكم فيا..

آية وضعات يدها على فمها نازلين دموعها..ما قادراش تحمل شوفتها ليه و هو بهاد الضعف..عارفة بلي الغلط منها لو كانت فبلاصتو ما تستاحملش...

الى شافتو مع شي وحدة اخرى مواعدها بالزواج و هي مزوجة بيه ما غاتصبرش...غاتجرح كرامتها و قيمتها عندو غاتبخر..فما بالك هو؟

و لكن الحاجة لي كانت متخوفة منها أكثر و دقات قلبها تسارعو هو نظراتو ليها لي كانت مغايرة...مصحوبة بكلمة لي معناها قاسي على قلبها...

محمد:[زفر النفس بعمق ناطق]آية..حبيبتي و بنتي و مراتي..نتي من اليوم مطل..

تحبسات نص هضرتو من يدها لي توضعات على فمو..محركة راسها بلا و دموعها سابقينها...

آية:وياك..وياك تفكر تخرجها من فمك شي نهار...وياك أ محمد وياك...[عنقاتو بقوة مزير عليه]نتا حبيبي و مالك قلبي..واعدت راسي بلي من غيرك ما نكون..يستحيل نخلي شي حد يعمر بلاصتك عندي..