قصة زواج متقـــف الفصــــل الثاني(التتمة)

بارت 353

الفـصـــل الثـاني:ما خــلف الأقــعنة🫦♟️
                ______

      𝑩 𝒂 𝒓 𝒕  353🚬

             صبــــــــــــــــــاح جديد

أسبوعين من انفرادهم و جلوسهم للراس فالراس تحت أجواء الحب...

على إيقاع دندناتو واقف فالكوزينة بشورط و الفوقاني معري...كايصاوب قهوة لراسو و من مظهرو كاتبان راشقة ليه...

عيونو نتاقلات لتيليفون ملي سمع شي ميساج وصلو...رد على عتيق برسالة و دار التيليفون فالجيب...

هز القهوة و خرج من الكوزينة...توجه لاتيراس و فور ما لمحها رسم نصف بسمة...

و هي جالسة على الكرسي منغامسة فقراية الرواية العربية و فيدها الشوكولاته...فهاد الشهر زادت شوية فالوزن و طوال ليها الشعر بفعل الڤيتاميات لي كاتاخد...

شدها من عنقها بلطافة و تحنى عاطيها قبلة صباحية بادلاتها ليه...

قرب جالس على كرسي محادي ليها كايجغم من قهوتو و عينيه على البحر...

دراغون:بان ليا هاد المطالعة كثرات عندك و نساتك علاش جينا لهنا..

ساريتا:[دورات الصفحة و طلعات فيه عيونها كاتضحك فاهمة قصدو]ما تزيدش فيه حبيبي...عادي قبل كنت كانقرا فيهم فدقايق قليلة و حتى دبا...

دراغون:حتى الى طولتي المدة ماشي مشكيل عندي[خدا يدها باسها فكفها]أهم حاجة عندي هي راحتك...خودي راحتك مع مطالعتك...[غمزها]غير ما تغفليش على واجباتك...

ساريتا:بلا ما توصيني..[رسلات ليه قبلة فالهواء]حتى حاجة ما غاتلاهيني عليك يا بو عينين الزورق...و الليلة بالدليل غانخليك تنسى مشاكيلك كيف ديما...

دراغون:[مرر إبهامو على شفتو السفلية..و جر كرسيها حتى زاد قربها]يا لجدك علاش نخليو حتال الليل...نسبقوها دبا حسن...

ساريتا:حلاوتها بالليل حبيبي..و الليل طويل...[رجعات الكرسي فين كان..الضحكة مرسومة من حواجبو لي عاقدهم فيها]خليني دبا نكمل قراية الرواية...

دراغون:هضري ليا شوية على هاد الرواية...

ساريتا:[هززات عيونها فيه و رجعاتها للرواية]كاتهضر على المخاوف لي كايواجهوها الناس فحياتهم و كيفاش خاص يتعامل معاها....

دراغون:[شبك أصابعو مع بعض]هادشي كايرجع لطبيعة الشخصية عند الواحد...

ساريتا:فعلا...الشخصية الضعيفة دغيا كتأثر عليه مخاوفو و كاتحكم فيه و بلا ما يحس كاتقودو لحوايج غاتدمرو نفسيا...

دراغون:على هاد الحساب اش غاتسمي شخصيتك [جغم من كاس القهوة] خليتي خوفك مني يتحكم فيك و هربتي مني ليلة زواجنا..و بقيتي سنوات و نتي هاربة من راجلك...

ساريتا:فعلتي لي درت راجعة لشخصيتك العنيفة فالرد[ميلات جانب فمها]على أساس كون جيت واجهتك برأيي لي بالأصل ما خديتيهش كنتي غاتفهمني؟..

دراغون:ما عنديش مع الغدر و الكذوب[رجع ليها ݣصتها ورى وذنها]و لكن تواجهيني بلي مخوفك خير ليك ما نقتلك بدم بارد الى فكرتي تعاوديها...

سمع صوت اشعار وصلو لتيليفونو..لاحت ساريتا الشوفة فيه حدها لمحات اشعار رسالة جاي من الواتساب...

تقادات فجلستها كاتلوي زغيبات شعرها و لأعينها مرة على الرواية و مرة عليه حتى هز التيليفون قرا الرسالة...

و هو كان معلق شوفتو فالفيديو لي وصلو على تعذيب أكره شخص بالنسبة ليه...

حاولات تعرف شي حاجة من تعابير وجهو و من سوء حظها ما بان ليها حتى تغييير فملاميحو...

ساريتا:أشنو وصلك[هزهز فيها الشوفة حتى توترات]زعما ياكما وصلاتك شي خبار ماهياش من الدار...ياك خالتي سميحة و ولادك بخير...

دراغون:هادشي من الخدمة...[نهض كايعوج فعنقو]وصيت المرا توجد الماكلة لي تشهيتيها قوليها ليها توجدها ليك...ملي تجي حلي عليها...

خربق ليها شعرها و مشى طلع الفوق كايتكسل...

ساريتا:بففف صعيب عليا نعرف أشنو كاين فالتيليفون...حتى من التجسس ما غاينفعش و هو حافظ سواريه...اش غاندير[وضعات صبعها على فمها كاتفكر]أش غاندير فهاد الحريرة...حتى كانقول تقادات من جهة و كاتعواج فجهة خرى...

طاح فبالها كلام سميحة بعد أيام ملي سافرات لمدينة خرى هي و دراغون يبدلو الجو من ورى المشاكيل لي عاشوها...
⬅️⬅️

ساريتا:واش عارفة أش كاتقولي أ خالتي...طلباتك على الراس و العين و لكن زعما نتي ما يخفاش عليك ولدك و عارفاه كثر مني...قبل ما نوي نتجسس عليه غايقشعني و ديك الساعة قفارت عليا...