قصة زواج متقـــف الفصــــل الثاني(التتمة)

bart 283

الفـصـــل الثـاني:ما خــلف الأقــعنة🫦♟️
                ______

      𝑩 𝒂 𝒓 𝒕  283🎲

علاء:[تنهد بصوت مسموع]واخا شكرا ليك أ دكتور...

بعد على الغرفة بخطوات يائسة حزينة حتى وصل الكرسي و جلس عليه...

من اللول ما مرتاحش لهاد الطريق لي خداتها...لو كان شكات بيها البوليس كان أفضل عوض ما تخاطر براسها...

من اللول نبهها ما تلعبش بالنار...الى لعبات مع مرات دراغون بحالا لعبات معاه نيت...

علاء:[بحزم]هاد الروينة ما عمرها غاتسالي و هي محروق قلبها على ختها...خاص هادشي يسالي بطريقتي أنا...

نهض من بلاصتو عازم على قرارو متوجه نحو المجهول...

    ___________

بعد دقائق...

                  نزار ♥  فاطمة الزهراء

كان يمشي على طول الدرب و يرجع مقندش...و تيليفونو على وذنو كايصوني ليها و لكن كايلقاه مطفي...

ما عرفش علاش طافي و هادشي ما موالفش عندها...لاح شوفة فالواتساب كان مصايفط ليها هادي دقائق و لكن ما كانتش أون لاين...

ما لقاش عندو حل من غير يصوني لحسناء كان واخد نمرتها البارح...صونا ليها باش يهضر مع ساريتا بحكم نمرتها ما عندوش...

نزار:[تسنا حتى تشد الخط و قال دغيا]حسناء سموحات العشيرة صونيت ليك دبا...

حسناء:[شافت فساريتا لي غامزاها]لا ما كاين مشكيل ياك شي باس ما كان...ياكما واقعة شي حاجة فالدار؟...

نزار:لا..غا صونيت ليك باغي نسول ساريتا على شي حاجة..هي حداك؟..

حسناء:[باستغراب رافعة كتافها بمعرفتش كاتشوف فساريتا]أه ها هي حدايا...اط غاندوزها ليك دبا...[عطات التيليفون ليها]شدي دوي مع نزار بغا يسولك على شي حاجة...

خدات من عندها ساريتا التيليفون مستغربة مجاوباه..

ساريتا:مالك أ نزار ياك كولشي مزيان عندكم؟.

نزار:أه كولشي بخير...غير بغيت نسولك أ ختي ساريتا على فاطمة الزهراء..واش هضرتي معاها اليوم؟...حينت لقيت تيليفونها طافي و هادشي ما موالفش ليها...تشطنت عليها لا تكون واقعة بيها شي حاجة...

ساريتا:[كاتهضر و عينيها نزلات للدردشة بينها و بين فاتي كاتبان أون لاين..حسات بشي حلجة ما هياش كاينة]اييه عاد هضرت معاها فالصباح بكري..هي مشات لعرس شي صاحبتها كاين فدوار داكشي باش ما كاينش الريزو...

نزار:[قتانع شوية]اه صافي على هاد الحساب ايمتا غاتجي؟..

ساريتا:[كاتميساجا مع فاتي كاتحاول تعرف اسنو كاين]ما عرفتش الصراحة المهيم نتا خلي ميساج و هي ملي تحل غاتجاوبك...

نزار:واخا تهلاي فالفنكوش...

ساريتا:[ميقات فيه]دبا هادشي هضرة هادي...على اساس ما مهلية فيه...سير سير غا جيتيني ولد خو راجلي ما نوريك الفناكش...

قطعات عليه مغوبشة...و دورات راسها للميساج لي وصلها من فاتي...موضحة ليها لي وقع...تنهدات ساريتا من هاد المشكسلة لي خرجات من الجنب مفقصة من جداتها و فعايلها...

قالت ليها هي بدورها لي قالت لنزار باش ما تكشفش الكذبة و دخلات تيليفونها بعد ما وصلو و دخلو للحمام...

مباشرة بعد دخولهم داز راجل مترقبهم ..قلب عينيه للنواحي بلا ما يحس بيه شي حد و تقدم شوية حتى وصل بجنب واحد الطموبيل كحلة...حرك ليهم راسو شار ليهم بعينيه بكولشي مزيان و مشا...مخليهم يستاعدو لي غايوقع بعد شوية...