قصة زواج متقـــف الفصــــل الثاني(التتمة)

bart 334

الفـصـــل الثـاني:ما خــلف الأقــعنة🫦♟️
                ______

      𝑩 𝒂 𝒓 𝒕  334🍾

نجلاء:[شدات فيدو محركة راسها بلا]لا و الله ما خبيت عليك شي حاجة...[شهقات كاتبكي]تيقني بلي بحالك تصدمت ما كنتش متوقعة غايكون عندي هاد المرض...تيقني عفاك...ما ديرش فيا هاكا و تزيد على ما بيا...

صلاح:أي حاجة صدرات مني ما هي غير شفقة و عطف ليك ما تسحابي كر•ك شي حاجة عندي[بكره محيد يدو من يدها]سالات وقيتك...نصيحة ليك تخوي الطريق لي نكون فيها قبل ما نح•ر مك...

خلاها واقفة يابسة من كلامو الجارح دخل سم بين عظامها...تبعاتو بعينيها حتى مشى و طاحت على ركابيها كاتبكي بحرقة ضارها قلبها...بقى فيها الحال على راسها و على لي فيه...

حطات يديها على وجهها و جسدها كايتهز مع كل شهقة...ما كانتش عارفة غايكون نتيجة الحرام لهي فيه السيدا!!...

نادمة؟..بالفعل أكثر حاجة نادمة عليها هي الطريق لي خدات...خدات الطريق الساهلة من الطمع لي كلاها و باش تكون حسن من ساريتا...ندمها جاها فوقت معطل...

طلعات عينيها الحمرين للجيهة منين داز منها  و زيرات على سنانها بحقد كبير ناطقة بشر...

نجلاء:وعد على رقبتي...وعد بحياتي ما نخليكم هانيين فحياتكم بعد ما دمرتوني..حرقتوني و حرمتوني من حنان ميمتي...غانخليكم دفعو ثمن غالي...غالي بزاف أ عائلة البزناز...[زيرات على يديها بكره]و نتا يا صلاح كيفك كيف باك...ذكي..يمكن ما خليتينيش ندخل لعائلة البزناز عن طريقك ولكن غانخليك تكره حياتك من ورى ما درتي ليا فهاد النهار...

                        _______

بعد ساعة..

كان فالطموبيل  ساد عليه و شوفتو مصوبة للدار لي فيها فاتي...متبع بعينيه كيف كاتهضر بعفوية مع لي كايهزو الرحيل...كاتوصيهم يحطوهوم بشوية...

عذاب سكنو فقلبو المضرور...فاهم و عارف بلي لي دار ما خاصوش يتدار...دارو فلحظة غضب...ندم على لي كان غا يدير...عارفها ما غاتسامحوش..عارفها غاتكرهو غا بمجرد ما خداها من باب الدار و ناوي يتملكها بزز...

حس بالباب اللوطو من الجيهة الاخرى تحل...دور وجهو بضعف و لقى دراغون لي ركب بجنبو...

نزار:عمي أرغد...

دراغون:تصرفاتك اللخرة ما عجباتنيش[بهدوء شايف فيه]ما توقعتش غاتكون بهاد الضعف و يكون سبابو الحب...

نزار:[تنهد بغصة و تلفت لجيهتو بحزن ظاهر عليه]كانحس بقلبي مجروح أ عمي...نفسي ضاقت عليا و أنا كانشوفها قريبة ليا و فنفس الوقت بعيدة...ما قادرش نستاحمل تكون لغيري ما قادرش...

دراغون:[دوز يدو على لحيتو المرتبة]ما كايناش شي حاجة فهاد الدنيا سميتها الحب أ ولدي...

نزار:[حرك راسو]لهاد الدرجة ما كاتأمنش بالحب...

دراغون:[شعل ݣارو و حطو ففمو]الحب ماشي هو الأساس عندي فالحياة...قادر نتحكم فيه فالوقت لي بغيت...

نزار:تمنيت لو نتحكم فقلبي كيف كاتحكم فيه...ما كنتش غانوصل لهاد الحالة لي ما راضي عليها...ماشي لخاطري و الانسانة لي عاشقها و وقفات معايا من صغري تخليني و تزوج واحد غيري...