قصة زواج متقـــف الفصــــل الثاني(التتمة)

bart 300

الفـصـــل الثـاني:ما خــلف الأقــعنة🫦♟️
                ______

      𝑩 𝒂 𝒓 𝒕  300💀

دراغون:[قابلو ببسمة صغيرة قبل ما يجلس ناطق بثبات]و الشمايت لي كنت مصايفطهم يراقبو النسا؟..

عتيق:فضيافتنا أ برو...

دراغون:[بحقد]جبتي ليا تسجيلات الكاميرات ؟..

بعد دقائق كان جالس مفرق رجليه و أمامو البيسي مركز مع تسجيلات الكاميرا قريبة للحمام لي كانو بالأساس مخسرين بعضهم...و لكن وحدة بعيدة شوية قدرات تسجل...

وضع صبعانو على فمو مراقبهم ملي دخلو للحمام...بعد دقائق طويلة تحولات لساعات  قليلة كانت تشكلات مدابزة كبيرة بقرب من رجال ديالو...خلات رجال لي حاط تماك يفكو...

غرس ظفرانو فراحة يديه لغبائهم و استهوانهم بالخدمة لي مكلفين بيها...

لمح السيارة لي كانت غادة بسرعة متوسطة فالوقت لي كانو هما جايين غايقطعو...الحاجة لي ما ظنش أنها تكون قاصدة ماماه عوض مرتو ساريتا...ملاميحو تغيرات و قبضة يديه تكورات...

تبع بعينيه حتى دفعاتها ساريتا و كلات الضربة عليها...خاطرات براسها و بالجنين باش تنقذ ماماه لي ما قدرش ينقذها هو...

ما صبرش و ضرب يديه مع الطبلة صارخ بأعلى صوت عندو...خلا عتيق يتفزع خايف و هو بدورو منصدم من الكسيدة المتقصدة و ضحيتها كانت سميحة...

الحاجة لي خوفاتو حالة دراغون لي قليل فاش يشوفها...خارج على طوعو بهزتو للبيسي خبطو مع الأرض...و ضرب برجلو الطبلة حتى طارت من قدامو كاينهج...

الكلام معاه ما غاينفع بنتيجة...عارف ملي كايتعصب بزاف ما كايستاحملش هضرة شي حد يسمعها...لهذا خلاه دخل الحمام بلا ما يتبعو...

فالداخل كان خاشي راسو تحت الما مفزك شعرو...صدرو يطلع و ينزل ناهج مازال ما بردات ليه و لا غاتبرد...

رفع راسو مقابل مع المراية أعينو حمرة كيف الجمرة الشاعلة...

دراغون:ظنيت غاتكون فهمتي الدرس مزيان و لكن [بحقد دفين]بربي لي خلقني قبرك بيدي غانحفرو...

بقى لدقائق فالحمام حتى استارجع تركيزو...تنهد مطولا و خرج مهدن هدوء فشكل كايخوف...بعكس حالة لي كان فيها حيرات عتيق...و لكن عرف بلي من هدوءو ناوي على الشر...

عتيق:[قرب لعندو]الهدوء لي نتا فيه لصالحك...باش ما تهورش و تغلط غلطة عواقبها كبيرة...

دراغون:[ببحة رجولية ثقيلة جابد ݣارو من جيبو]غلطي أنني خليتو من ورى هاد السنين كاملة عايش و ما قتلتوش...

عتيق:ممم...يعني طلعات شكوكي منطابقة هضرتك...

دراغون:من غيرو هو حتى حد ما غايزعم هاد الزعامة الكبيرة...

عتيق:[بكره]عطيني أمر نقلب عليه... نقتلو و نريح قلبك عليه...

دراغون:[ببرود]لا ما تدير والو...هاد المرة غانخلي الفريسة تجي عندي برجليها و ناكلها بيدي...