قصة زواج متقـــف الفصــــل الثاني(التتمة)

بارت 361

الفـصـــل الثـاني:ما خــلف الأقــعنة🫦♟️
                ______

      𝑩 𝒂 𝒓 𝒕  361🚬

ساريتا:[بغنج و هي لصقات معاه]ما غانخلي حتى حاجة تفسد علينا ليلتنا ا حبيبي...[جراتو من يدو قايلة بمزح]و لكن قبل خاصك تاكل ليك شي حاجة نخاف تسخف ليا قبل ما نبداو...

دراغون:[تبسم شوية]الموطور عندي خدام مزيان سوى بالماكلة و لا بلا بيها أناكوندتي ..نطلع معاك الريتم شوية تسخفي بين يدي كيف المرة الفايتة...

تزنݣو حنيكاتها..بقى مطلعها عليها حتى ندمها لاش ضحكات معاه...

خلاتو حتى دخل للحمام يغسل يديه...و هي تخرج حبة من الحمالات حطاتها ليه فالعصير و خلطاتها مزيان حتى ذابت...

جلسات كاتفرك فيديها حتى بان ليها قرب لعندها جالس...تحنى باس كريشتها و جرها جلسها بين رجليه...

مرة يوكلها و مرة توكلو مبادلين القبلات حتى تعشاو و سالاو بقى غير العصير...

ساريتا:[مدات ليه العصير..و خدات عصيرها جغمات منو]خود ليك  أ حبيبي العصير مزيان لصحتك...

دراغون:[بامتناع]باراكا عليا غير الماكلة لي كليت ما عندي فين نزيد...

ساريتا:[وضعات يدها على رجولتو بجرأة و هز فيها عينيه بمعنى تحملي مسروليتك]و يهون عليك تقلق حبيبتك...

حسات بيه تزير و هي تبعد يدها دغيا...

هز الكاس العصير شربو دقة وحدة و حطو...

مع الحطة هزها خاطفها من بلاصتها بسرعة حتى قفزات...

دراغون:نتي لي جبدتي الحنش عليك...

طلعات راسها كاتقهقه و لوات يديها عليه...

وضعها على السرير و بدا كايجردها من شوميز دو نوي لي لابسة ببطئ...و فنفس اللحظة قبلاتو كايتوزعو عليها بحنية مبالغة كاتخليها تحس بأنوثتها معاه...

شوية وقف من لي كايدير ملي حس براسو ماشي هو هداك...

و هي غير شافتو حبس عرفات الدوا بدا يدير مفعولو...

ساريتا:[كاتدوز ابهامها على جانب عنقو]مالك حبيبي حبستي قبل ما نبداو...

دراغون:[زير على عينيه و حلهم بزز كايحكهم]كانحس براسي ماشي هو هداك...

غير كمل كلامو ترخى جسدو و طاح للسرير على كرشو مغمض عينيه...

ساريتا:أرغد...أرغد كاتسمعني[ما لقات رد من عندو...تحنات باستو على جبهتو]سمح ليا حبيبي و لكن لمصلحتي غانسبقها...و فاللخر غاتشكرني حينت منعت يسل الدم بينك و بين خوك...

يالاه بغات تغطيه و هي تراجع بحكم الصهد...و هو ما عندوش مع كثرة الغطا فيه...

قدات شوميزها فاللبس و طولات يديها كاتقلب فجيابو على التيليفون و ما لقاتوش...

جاتها الصقعة و ناضت من بلاصتها بزربة ناوية تهز تجاكيطتو تقلبها حتى لمحات التيليفون حاطو فوق الكوافوز...

هزاتو بزربة و طارت خدات تيليفونها...جبدات الكود لي محتافظة بيه و دارتو فتيليفون دراغون...و من حسن حظها طلع نفسو و تحل...

بتاسمات بخبث كان بالنسبة ليها توصل لكود شي حاجة مستحيلة مع واحد بحال راجلها لي يطيرها فالسما...و لكن طاح مع أخبث منو...

جلسات حداه كاتقلب فجيهة الميساجات...التصاور...الواتساب...

طاحت على محادثة بينو و بين شخص...وساعو عيونها من التفاجئ و هي كاتشوف تصاور و فيديوهات  و من الهضرة بيناتكم متأكدة بلي خوه...

دخلات كاتفرج فالفيديو و ما قدراتش تكملو من خاطرها لي تروع...لاحت التيليفون و زربات للحمام محنية كاتقيي...

بصعوبة باش ناضت مسحات بحثها فالتيليفون و رجعاتو فين كان....

و السؤال لي كايدور فبالها هو علاش هاد الحقد الدفين تجاه خوه...اشنو واقع بيناتهم لدرجة بردات صلة الدم بيناتهم...