الفـصـــل الثـاني:ما خــلف الأقــعنة🫦🪔
____________
𝑩𝒚 𝑺𝒂 𝒓𝒊 𝒕𝒂
🚬 𝑩 𝒂 𝒓 𝒕 221
الأصلع:[حرك راسو]و لو..حنا على علم بأشنو كاتسوا...و لكن ماشي بهاد السهولة نخليه و نمشي..و بسبابو خسرت بزاف ديال السلعة...
دراغون:[شعل ݣارو و بخ دخانو على وجه داك الأصلع حتى بدى يكحب]تء تء غلط لي فهمتي...نتا من معجبيني فتعذيب الناس و بيع أعضائهم...غانخلي ذكرى زوينة عندو يتفكرني فيها و نلوحو ليك تكلف...
الأصلع:[شاف فيه بضحكة خبيثة]بكل فرح...
يعقوب:[قهقه بجنون]فأحلامكم..ماشي بالساهل نموت على يديكم...[طير السلاح من خصر واحد من دوك الرجال..خلاهم يبعدو شوية عليه بحذر]حطوووو السلاح و رجعو اللور..تحركوووو...
الرجال شافو فداك الأصلع...حرك ليهم راسو بالموافقة و حطو أسلحتهم فالأرض...و دراغون مقابلو بنظرات باردة ما عندو ذرة خوف يوجه رصاصة ليه...ما حركش يدو حتى لتيليفونو و هو يصوني...فقط نظراتو كانت مثبتة عليه ..على عدوو...
شاف يعقوب فدراغون مرمقو بنظرات غاضبة..حقودة...ما ستاغربش بزاف ملي شافو قدامو و هو بالأصل عارف ماشي بالساهل يقتل دراغون...و لا تدار بيه...
و لكن ملي تفكر بلي حبيتو تقدر تكون واقعة ليها شي حاجة بسبابو...رفع يدو لجيهتو حامل فيها السلاح و مشهرو لراسو...
دراغون زعجو صوت التيليفون لي ما بغا يسكت...حرك يدو مدخلها لجيب الكوير و عينو على يعقوب ما حيدهاش...بغا يطفيه...و عوض ما يديرها كان ضغط على الخضراء قبول المكالمة...و خلا ساريتا من الجيهة الأخرى تستارق السمع...
•••:كنتي ناوي تحيدني من طريقك أ سي دراغون [كايضحك بنبرة جنونية]و لكن اليوم غاتقلب الموازين...
دراغون:[دوز لسانو على باطن حنكو ببرود]أحلامك صعيبة تحقق مع البزناز دراغون أ ولدي...قبل ما تفكر فيها غانكون صفيتها ليك بدم بارد الكتكوت...
•••:فكرت فيها...و هاد الحلم غايولي اليوم حقيقة..و كازا لي حاكم دروبها غانخليهم يترحمو عليك اليوم...[قاد السلاح فيدو ناوي يتيري فيه]اليوم نهايتك أ دراغون...
سليم:[خرج عينيه بخوف..ناطق بصوت عالي]سي دراغوووووون...عندااااااااااااك...
كانت غاتجي فيه الرصاصة لو ما سرعش دراغون ... و علا رجلو ضارب بيها يدو حتى طار السلاح طالق رصاصة فالخوا...
كان غايطيح السلاح حتى شدو بقبضتو...و لصق يعقوب مع اللوطو زادحو معاه حتى كان غايتهرس ليه الظهر...حاط فوهة السلاح فداخل فمو...
دراغون:[مزير على ضروسو]سبق و قلت ليك يا الزا•مل جمع كر•ك و فوت ساحتي..و لكن كايظهر لي سخيتي بروحك معايا ...
يعقوب:[خرج عينيه كايحرك راسو بلا ما قادرش يهضر]
الأصلع:خلي هاد الحيوان..ما تقتلوش .. أنا غانتكلف بيه و نخليه يعيش أسوء أيام حياتو...
طرطق عنقو بنفاذ صبر...صبر ليه بزاف على فعايلو الوقحة..ما كانش الوقت عندو يحفي الحجرة معاه...و لكن تقادا الصبر عندو...
خرج فوهة السلاح من فمو و غرسها فبطنو..قبل ما يفطن لا هو و لا حتى لي حاضرين تماك...كان طلق رصاصة خلاتو ينتافض جسدو..و زادو الثانية حتى خرج الدم من فمو...
بعد عليه بملاميح لا تفسر حتى طاح على الأرض كاينزف الدم..جبد منديل مسح بيه بصماتو على السلاح و لاوحو للأصلع المتفاجأ منو...ما ينكرش بلي جاه استغراب من طريقة تقويصو ليه لي كاتبين احترافية كبيرة...
الأصلع:ما مصدقش لي كانشوف...كاتبان متمرس ف شدان السلاح...
دراغون:[دور وجهو بالجنب ليه]الاحتياط واجب فهاد الوقت...[لبس نظاظرو و تاجه لبلاصة فين مركونة سيارتو]
أنت تقرأ
قصة زواج متقـــف الفصــــل الثاني(التتمة)
عاطفيةنهار طاحت عين البزناز عليها بغاها و بالزواج تملكها بلا رغبة منها،أشنو أش غايوقع نهار طيح عينو عليها و ينويها الزواج بلا رغبة منها...نهار تهرب ليلة عرسهم و تحط بوجهو للأرض قدام الناس؟....
