الفـصـــل الثـاني:ما خــلف الأقــعنة🫦♟️
______
𝑩 𝒂 𝒓 𝒕 363🚬
لينا:أشنو تفاجئتي؟...[بخبث]أه مع الأسف ما طلعش السيدا و لكن خليت بالسحور لي سحرت ليك تضيع ليك صحتك و تموتي كل نهار بشوية كاتعذبي...
نجلاء:[دمعو عيونها و اثار الصدمة حاكمة وجهها]كاتكذبي ياك؟...مستحيل تكوني ساحرة ليا...مستحيل...انا اشدرت ليك اش درت ليك حتى تديري فيا هاكا...علاش ضريتيني فصحتي و بعدتي عليا ماما علاااش...
لينا:تستاهلي كثر يا الق•حبة...بعدتك على ماماك كيف خرجتي على ختي و بعدتيها على الواليدة و شويتيها فكبدتها...[صرفقاتها و عودات عطاتها أخرى حتى دار وجهها و نجلاء مصدومة]اشنو كاتسحابي يا الكلبة قليلة العفة و الشرف...انك تجي تكذبي عليا بلي ديك ساريتا هي المسؤولة على الخلطة و نتي لا؟...سحابتي ما غانعرفش بلي تلاعبتي بالخلطة و عقدتي ختي حتى ماتت...
نجلاء:الله ياخد فيك الحق...حسابك معايا ماشي مع ماما لاش تدخليها لاش...ندمت على النهار لي تلاقيت فيه معاك يا الحمارة...الله ينعلك...[شافتها ناضت ركبات فاللوطو و تبعاتها كاتضرب فالباب]فين ديتي ليا ماما...فين كاااينة...فين بعدتيها عليااااااا....
كسيرات اللوطو و طاحت كاتبكي بحرقة و كاتضرب يديها مع الأرض و الناس يشوفو...
___________
فالسبيطار...جالسة حدى الباياص شادة فيد دراغون..لي كان الشحوب ظاهر فوجهو و هو مغمض عينيه...
شوية حسات بيه كايتحرك...مسحات دمعة سالت بلا خاطرها و طلعات عيونها ملي شافتو فاق...
دور عينيه فالمكان شاد فراسو حتى طاحو عليها...
دراغون:أش جابني لهنا؟..
ساريتا:[تنهدات مطولا مخلوعة]كنا ناعسين و ما حسيناش بالعافية لي تشعلات بسباب الشموع..و لكن الحمد لله جاو الدراري لي كنتي حاط حدى الدار و عتقونا...
دراغون:عافية تشعلات و انا ما حسيت لا بيها و لا بدراري لي هزوني[كايلعب بمعصم يدها حتى زير عليها بقوة خلاها تقفز مؤلمة]بنت ليك مكلخ ما كانفهمش كاتبوهلي عليا لمك؟...[زاد زير]بلا تمرݣين أشنو درتي ليا فداك العصير يا اللفعة...
ساريتا:واش عارف اش كاتقول...انا ما درت والو م
دراغون:[صرخ فوجهها حتى قفزات]ما تكذبيش عليا...نصيحة ليك ما تستافزيش صبري و تكذبي فوجهي قبل ما نعاملك معاملة تندمي عليها.....هضرررري لاياش كاتخططي ثاني...
ساريتا:[وقفات كاتشير ليه بصبعها كاترجف]ربي لي عالم بيا من ورى ليلة البارح كيف كانت حالتي و انا كانشوف العافية دايرة بينا...فعوض تسولني كيف بقيت... [نزلو دموعها]نتا كل لي هامك هو ترضي راسك بهاد الأفكار لي عندك و لي درتها على ودك بحسن نية ما كاتعجبكش و كاتعايريها...حرام عليك و الله الى حرام على هاد الفعايل لي كادير معايا....
غير قالت كلامها عطاتو بالظهر و خرجات سادة الباب...
غير فاتت الدراري لي واقفين فالكولوار و هو يوقفها دري حاني عينيه بعد ما سد التيليفون...
•••:سمحي ليا مدام و لكن ما تقدريش تفوتي هاد الكولوار بلا سي دراغون...
ساريتا:لا نتا و لا سيهوم دراغون غايوقفني...[شدات على كرشها بوجع مزيف]أي أي كرشي...كرشي...[وقفات واحد الفرملية]فين كاين الحمام ختي...
نعتات ليها فين و ساريتا مشات مسندة على الحيط شادة بكرشها حتى قلبات الدورة و زربات فخطاويها..
..
أنت تقرأ
قصة زواج متقـــف الفصــــل الثاني(التتمة)
Romanceنهار طاحت عين البزناز عليها بغاها و بالزواج تملكها بلا رغبة منها،أشنو أش غايوقع نهار طيح عينو عليها و ينويها الزواج بلا رغبة منها...نهار تهرب ليلة عرسهم و تحط بوجهو للأرض قدام الناس؟....
