قصة زواج متقـــف الفصــــل الثاني(التتمة)

بارت 373

  𝑩 𝒂 𝒓 𝒕  373🚬

سمع التهراس فالفوق طلع يجري لعندو خايف من عصبيتو توقع ليه شي حاجة...

لقاه ما واعيش براسو و هو كايهرس و يضرب فيديه...ظلامو عينيه و هو كايشوف ماماه و مرتو ما قادرش يحميهم...

عتيق:[شد فيه بزز]تهدن أ برو...الله يحفضك ماشي بعصبيتك غايتحل المشكيل...[شافو شد فقلبو]برو..برو مالك؟...

بعد عليه ناتر منو و خرج للبالكون كايحاول يتنفس و يدخل الأوكسيجين...

عتيق:هادشي لي بغاو..بغاوك تغلط باش يشدوك من اليد لي كاضرك..فكر بعقلك و ما تنساش بلي عندك ورقة رابحة و تقدر بيها تغلبهم..

دخل دراغون خدا دواه شربو...حتى صونا ليه التيليفون...خرجو من الجيب و لقاه نمرة مجهولة...

أرغد:[دغيا شدها]اش هاد الزعامة يا الكلاب....كاتلعبو يا ولاد القحا•ب مع الشخص الغلط...

•••:[قهقه بشر]كالما البزناز دراغون كالما...نتا ماشي فوضع يخليك تهددني فيه..و الواليدة ديالك و مرتك بين يدي دبا...

دراغون:كانقسم ليك بمي و تمس شعرة وحدة منهم غانحرك و نعطي راسك للكلاب...

كتافى بقهقهة طويلة و قطع عليه..

دراغون:[بين سنانو قايل بهدوء مخيف]و برب الكعبة حتى غانخلي هادو لي يزعمو عليا هاد الزعامة يندمو على النهار لي تولدو فيه....[شار ليه بصبعو]البوليس خليه بعيد على هاد الموضوع...
                ____________

فالليل...

فبيت صغير...كانت سميحة متكية على الحيط جالسة على سداري قديم و موسخ...

و يدها على راس ساريتا ناعسة على ركبتها...دايرة ليها زيفها فبلاصة الجرحة...

ساريتا:أياياي راسي د[بصوت مبحوح]هادو أش بغاو منك أ خالتي...

سميحة:و شكون يعرف...عمرني أديت شي حد و لا وقع ليا شي نهار بحال هاد الحالة...

ساريتا:ناري على ضربة ضربتني هاديك الشارفة الله ياخد فيها الحق...[ميلات فمها]يعلم الله حالة أرغد كيف غاتكون الى عرف...

تحل الباب الحديدي حتى دار صوت كايضر فالوذنين و تم داخل راجل كايتعنݣر و من وراه جوج رجال...

الراجل:كانتمنى نكونو ستاقبلناكم أحسن استقبال يليق بكم...

ساريتا:[تقادات فالجلسة مخنزرة فيهم]خلونا نمشيو فحالنا...حنا أش درنا ليكم حتى تجيبونا لهنا....

الراجل:[تحنى بغى يلمسها فوجهها و بعدات بسرعة]نتي أ القطيطة ما كنتش ناوي نجيبك...و لكن غلطتي ملي فكرتي تفسدي مخططي و تعلمي راجلك...

سميحة:أ شدرنا ليك يا وليدي حتى تجيبنا بهاد الطريقة...انا ما عارفاكم و لا عمرني شفتكم لاش خاطفيني...

الراجل:نتي الحاجة ما عندك علاقة...و لكن ولدك عندو علاقة...و كانظن هادشي لي درت فصالحك حتى نتي كونك أم...[رجع وقف راجع باللور]ديرو عقلكم و بلا مشاكيل...

ساريتا:[تنهدات مطولا]على الأقل صايفطو لينا ما ناكلو...واش غانبقاو على هاد الحالة...

الراجل:ما جاتش نخليو بنت حاملة بالجوع...[شار لواحد حداه بيدو شوية و كان دخل ليهم الماكلة حطها]بصحتكم...

خرج و سدو الباب بالقفل مخلي سميحة كاتفكر فهضرتو لي ما مفهوماش...