قصة زواج متقـــف الفصــــل الثاني(التتمة)

البارت 233

الفـصـــل الثـاني:ما خــلف الأقــعنة🫦🪔
                      ____________
                       𝑩𝒚  𝑺𝒂 𝒓𝒊 𝒕𝒂

      🚬 𝑩 𝒂 𝒓 𝒕  233

و هي بقات تا تشطح حتى حسات بيهم وقفو...ستاغربات من تصرفهم الغير المنطقي..خصوصا و أنهم وقفو دقة وحدة ناويين يمشيو...

حسات بشي حاجة ما هياش..خصوصا و أن شوفاتهم كانت وراها..من شوفاتهم تأكدات شي بركان هايج وراها..بلعات ريقها كاتمنى و تدعي ما يكونش جا فهاد الوقيتة و شافها...

دارت بكامل جسدها و رمشات عينيها بتفاجأ ما توقعاتش مجيئو..رتاجفو يديها و بزربة حيدات الشال لي محزمة بيه..كاتشوف فالعيالات خرجو و هو على وقفتو باقي...

شوفاتو خوفوها و مع دبا هي فوضع حساس من حملها رجعو ليها أفكار خايبة...أنه غايبغي يأديها بحال لي قتلها و هي حاملة...دمو سخون و غاتوقع منو أي حاجة...

دراغون:[بصوتو الجوهري و عينو مزالة عليها]ما نلقااااش شي حد هنا كايدور..تحركو..

فضيلة خافت على بنتها كثر من راسها..بغات تمشي لعندها واخا تعرف توقف بوجه دراغون و لكن ما تخليهش يمسها...و لكن وقفاتها ساريتا بإشارة من راسها بمعنى لا ..خايفة تدخل و تصدق مقتولة بسبابها..

جراتها غير حسناء و مشاو..خلاوهم بجوج الراس فالراس..

تقدم لعندها بخطى بطيئة و هي كاتراجع باللور خوفانة منو..اه خوفانة من ورى هضرتو ليها البارح...طريقة كلامو الباردة و هو كايهضر على قتلو لمراتو لي حاليا ميتة و الأسوء ما باديش أنه حزين على ولدو لي قتلو...

دراغون:[ضربها بصبعو لراسها]أش قاليك هاد ذ تشطحي و نتي بهاد الوضع...هضري

ساريتا:رادة بالي مع حالتي[شبكات يديها مع بعضهم بتوتر]ما فورصيتش على راسي غير رتاح أ راجلي العزيز...

دراغون:[شدها من ذقنها مزير عليه]و أشنو هادشي هاا؟..أشنو هاد الصفورية لي فوجهك...ساقط منو الدم...و هاد العيا لي باين فيك..و زايدة فيه من الفوق!!...

ساريتا:[تغير احساس الخوف فداخلها لإعجاب و هي كاتشوفو كيف كايهضر و يخاصم عليها مبين اهتمامو بصحتها]ما قدرتش نحبس راسي على الشطيح..

دراغون:[حاول ما أمكن يبرد عصبيتو من خوفها منو]كاتبوهلي عليا!!!!...عزيز عليك طيحي بكلامي الأرض؟؟؟...

ساريتا:[قربات لعندو خطوة حتى لصقات معاه و نطقات بهمس كاتماصي كتافو بحنية]تيقني لو كنت عارفة بلي نتا لي خلا خالتي سميحة و كولشي يمنعني ما نشطحش..كلامك فوق الراس[تعلات على أطراف أصابعها،و باستو بجنب فمو]

دراغون:[بحركتها بدا يبرد..و حاوطها من خصرها بقبضتو]غانكذب الى قلت تيقت كلامك...وحدة راسها قاصح بحالك ما يمكنش تنازل و تستاسلم...

ساريتا:[دورات يديها على عنقو كاتتحاك معاه]كانعتارف بلي غلطت ملي طيحت بكلامك و لكن ماشي عن قصد..ما كنتش عارفة بالأساس..و تقدر تسولهم الى بغيتي تأكد...

دراغون:[حنا بوجهو تال لعندها و تضاربو أنفاسو الحارة عليها]اعترافك بالغلط ما غايشفعش ليك أشنو درتي أناكوندتي...

ساريتا:[عضات على شفايفها..و عينيها على شفايفو و مرة على زرقة عينيه]أنا قادرة نصلح غلطي...

ميلات راسها و حاوطات وجهو بين يديها هاجمة عليه بقبلة هادئة و طويلة...مغمضة عينيها و تلذد من قبلتها ليه..

فين حين هو كان مستمتع بأعلى قمة من قبلتها البريئة..غرق فرحيقها متلذد بيه..مبادلها قبلة عنيفة عكسها هي بالأول بعشق دفين ليها...هاد المرة ما بعد عليها حتى حس بضربات خفيفة فصدرو...

ما بعد عليها حتى تخنقات..طلعات النفس كاتنهج و كاتشوف فيه مغوبشة...