قصة زواج متقـــف الفصــــل الثاني(التتمة)

بارت 344

الفـصـــل الثـاني:ما خــلف الأقــعنة🫦♟️
                ______

      𝑩 𝒂 𝒓 𝒕  344🚬

ساريتا:[قربات حتال وجهو و نطقات تحت سنانها..]سير حتى تولي راجل و تقد برجولتك  و أجي ديرها...

الراجل 1:[قهقه و هو كايقرب ليها] قليل لي كانلقى بنت من نوعك قويصحة مع راساتها..

بغات تبعد راجعة اللور و بلعات ريقها و هي شايفة راسها ولات محاصرة بيناتهم ..شافتو غايزيد يقرب و هي تحنى لتحت بزربة حتى كان غايتعانق مع راجل الثاني...

طارت بزربة ورى الراجل الثاني واخدة الموس لي بين يدو غرساتو ليه فجنبو على غفلتو...خلاتو يخرج صوت موجع و دفعاتو بيدين كايرجفو...

رجعات هزات الموس و قابلاتو مع الراجل لي تفعفع من بلاصتو من حالة صاحبو كي ولات...

و وسع عينيه كثر من الموس لي مقابلاه معاه...

ساريتا:الى ما بغيتي تعتق راسك مني ختار يا غاتخرج من هنا بالحس و لا غانتبعك لهاد الرويجل ..

الراجل 1:حطي داك الموس راكي ما عارفاش راسك فين طحتي و معامن...

ساريتا:يا غاتخرج دبا[ببرود]ولا كانقسم ليك تا غاتندم...

شاف حتى عيا بانت ليه مصرة على هضرتها و ما خايفاش..و هو يحرك راسو بالايجاب غادي نحو باب الݣاراج...و هي محركة الموس فاتجاهو حتى خرج..

مشات تبعاتو بعينيها حتى قلب الدورة و تنهدات براحة...

نزلات عينيها لجيهة يدها لي بيها الموس مطلي بالدم و هي طلع معاها البرودة..لاحتو  بعنف كاترجف ما متيقاش راسها بلي ثواني هادي كانت خشات موس فواحد بدم بارد...

تصاعدو نبضات قلبها و قربات نحوو..نزلات لمستواه بزربة كاتحرك فيه لعلى و عسى يفيق و لكن بلا نتيجة..

ساريتا:أنا..أنا أش درت....م..مايمكنش...[قابلات راحة يديها امام نظرها ببحة هامسة]أنا..أنا قتلتو...

                  فاطمة الزهراء

كانت واقفة كاتعاون مرة مرة الرجال لي كايهزو الرحيل...كاتحاول تخوي بالها من التفكير فيه و من الخوف ناحيتو...و من جيهة تلاهي راسها ريتما تمشي بصفة نهائية من الدرب...

فاطمة الزهراء:[مدات ليه كرطونة ثقيلة شوية]هاك أ عمي هادي حطها فالفوق نخاف يتهرسو فيها شي حاجات..

الراجل شدها من عندها و هي كل مرة تعطيهم حوايج و توصيهم عليهم...حتى سمعات صوت ماماها من الداخل كاتعيط ليها...

مشات بخطوات مسرعة كاتسوس فيديها لقات  باها واقف وقفة العسكر على الرجال...و مها فالكوزينة كاتجمع الماعن فالكراطن...

تنهدات بعياء متكية على البوطاجي..

فاطمة الزهراء:نعام أ ماما...

نسرين:هزي دغيا خرجي هاد الكراطن لباك يعطيهم للرجال...و اجي نهضر معاك...

حركات راسها بواخا..هزاتهم خرجاتهم لباها و رجعات لعندها..لقاتها واخدة كرسي جالسة عليه...طبطبات نسرين على كرسي حداها تجلس..

و بالفعل جلسات بملاميح شاحبة تقريبا عارفة الموضوع لي غا دوي عليه ثاني...

نسرين:باقي كايصوني عليك ثاني؟..

فاطمة الزهراء:أه أ ماما..واخا بلوكيتو كايعاود يصوني بنمرة خرى...

نسرين:[بحقد]هاد ولد الحرام حالف ما يخليكش فحالك...أري داك التيليفون...

فاطمة الزهراء:غير رتاحي أ ماما راني هرست كارت سيم و لحتها..

نسرين:و فقلبك...غاتقدري تمحيه؟...

فاطمة الزهراء:[بنبرة قوية مزيفة]الحب الى غايجيب لي الذل و الخطر لواليديا نحيدو بيدي من قلبي أ ماما...

نسرين:ثقتي فيك كبيرة أ بنتي...و ما حدك كاتفكري بعقلك ما غاتجيبيش لينا المضرة...زواجك قريب أ بنتي و لكن نهار داك الراس عندك يقوليك تهربي كيف دارت ساريتا..[بحدة]تيقيني عمرني غانسامحك فعمري و عمر هاد الوجه غاتشوفيه...