قصة زواج متقـــف الفصــــل الثاني(التتمة)

بارت 339

الفـصـــل الثـاني:ما خــلف الأقــعنة🫦♟️
                ______

      𝑩 𝒂 𝒓 𝒕  339🍾

نزار:ما كاين والو حيدي لهيه نخرج...

ساريتا:[زادت مطولة يدها مانعاه]نزار ما غانخليك تمشي لشي بلاصة بلا ما تقولي اشنو طاري...

نزار:[لمح الاستغراب الظاهر عليها و عرف بلي ما فخبارها والو]فاطمة الزهراء صاحبتك السبب...

ساريتا:فاتي؟..علاه اش دارت فاتي؟..ياك كنتو تهضرو عادي حتى الى تخاصمتو ما ديرو هاد الحالة...اش كاين دبا؟...

ما جاوبهاش بالمرة على سؤالها و حل الباب قاد التيشورت و خرج...و توسعو عينيها من الموس لي لامحاه خاشيه تحت حوايجو...

ما عرفات تبعو ما عرفات تبقى الداخل خافت تلاقى مع دراغون و يطرا شي مشكيل...بالتلفة سحبات دراغون كايصوني ليها و جاوبات...

ساريتا:ألو حبيبي أرغد فينك...رجع د

رقية:[قاطعاتها كاتميق فيها]تعطاك حبة...الروينة نايضة حداك و تي ما سايقة الخبار...تي غا قولي ليا لبوك واش عايشة و لا ما عايشاش لي مخلية صونيتاتي معلقين...

ساريتا:[طلات متبعة نزار حتى دار مع الدورة]ختاصري أ جدة اش واقع خاصني نقطع دبا...

رقية:وا تي يا بنيتي ما بغيت نقول ليك هاد الهضرة تزيد على مشاكيلك...و لايني...فاطمة الزهراء صاحبتك

ساريتا:[بخوف مركزة معاها]مالها؟..واقعة ليها شي حاجة؟...

رقية:[تنهدات شحال]ايوا اش غانقول ليك يا بنيتي فاتي جاوها الخطاب و تخطبات داكشي على غفلة...و نزار ملي ساق الخبار جن جنونو و هددها حتى يقتلها...

ساريتا:[بالصدمة تكات على الحيط كاتحاول تستاوعب]ك..كيفاش هاد بلان تخطبات؟..و و نزار لاش غايقتلها...اش كاتخربقي أ جدة...

رقية:تي ثبتي و حضري عقلك..داك المسخوط ما تعرفي شنو تحت راسو ردي البال معاه نخاف يجي يقتل البنت...

ساريتا:[وسعات عينيها ملي تفكرات الموس لي شافت]الموس...

رقية:تي شكاتدخلي و تخرجي فالهضرة شمن مو

قبل ما تكمل كلامها قطعات عليها و يديها كايرجفو حسات بالدوخة من هادشي لي عرفات...وقف عقلها على التفكير ما عرفات ما تدير...

زيرات على راسها بيديها بجوج مغمضة عينيها كاتحاول ثبت راسها...هي أكيد ما غاتخليهش يآديها...بالرغم من أن نزار بمثابة خوها و لكن ما عاجبهاش لي دار و معصبة منو لدرجة كبيرة...

فاتي هي صاحبتها و ختها لي ما عندهاش...هي لي تلقاها فحزنها و فرحها...و تاكل الضربة عليها...

جمعات شتات أنفاسها و خطات اول خطواتها بصعوبة لبرا...خوف غريب سكنها و بهاد الخطوة هرسات كلام و وصاية دراغون ليها ..ما همهاش شنو لي يطرا قد لي همها  و خوفها على فاتي...

سرعات خطواتها لعل و عسى تلقاه واخا مستحيل...طاح فبالها دراغون و بلا ما تفكر صونات عليه و لكن ما كايجاوبش...دوزات الخط لفاتي و لكن لقاتو طافي...