قصة زواج متقـــف الفصــــل الثاني(التتمة)

البارت 237

الفـصـــل الثـاني:ما خــلف الأقــعنة🫦🪔
                      ____________
                       𝑩𝒚  𝑺𝒂 𝒓𝒊 𝒕𝒂

      🚬 𝑩 𝒂 𝒓 𝒕  237

صلاح:عجبك ياك؟..

فاتي:كيفاش؟؟؟؟[شافت فيه بنظرة غضب]واش نتا واعي أشنو كاتقول ؟..بأي حق تهضر معايا بهاد الطريقة...

صلاح:[زير على سنانه]بصفتي أخ لداك المريض لي الداخل بسبابك...هو كايبغيك و سحابت حتى نتي من حالتك كاتبغيه..و لكن صدقو عينيك ما ثابتينش فبلاصة وحدة...

فاتي:[دمعو عينيها]هذا كلامك عليا أ صلاح..هادي هي هضرتك على وحدة حاشا واش برانية عليك...فعلا ما خليتي ليا ما نقول مزال...

صلاح:[غوت بأحر من جهدو]اذن باش غاتفسري ليا شوفاتك المطولين فالواليد..

فاتي:[قالت بنفس نبرتو حتى تلفت لعندهم دراغون مقرب لعندهم]لا أكييد نتا تسطيتي هاداك راه[سكتات على غللة بعد ما ستاوعبات اشنو قال فاللخر]ب..باباك!!..

دراغون:[وقف عليهم كايوزع نظراتو عليهم بجدية]اشنو واقع هنا لي مخليين صواتكم عالية...

فاتي:[خنزرات فصلاح]شي حاجة تافهة أ سي دراغون..[دورات وجهها لجيهتو ما زاعماش تهضر معاه]عفاك ساريتا هي بخير؟..صونيت ليها نطمأن عليها و لكن والو..

صلاح استغرب منها كيفاش عارفاه و عارفة حتى ساريتا مرتو..حتى ضربات ليه الطن فراسو ملي تفكر بلي عندها هي و كريم شي صديقة سميتها ساريتا...

دراغون:[ناطق بصوتو الجاد]هي بخير ما عندك علاش تشوشي عليها...

فاتي:واخا..نخليكم دبا..[خنزرات فصلاح و مشات تحاول تستاوعب صدمتها]

             ______________

كانت غارقة فالنعاس بعد ساعات و ساعات...على مقربة منها كانت سميحة هي و فضيلة محنيين على ديك البواطة ينبشو فيها و كايشوفو متفاجئين...

فضيلة:تبارك الله هادشي زين أ خويتي...و كايبان غالي...

سميحة:[ميقات فيها]تي لي شاف الصلاية و العباية يقول هنا نبات و هي فعايلها فعايل الشياطين...

فضيلة:[شافت فيها بنص عين]و الله أ خويتي كون ما كنت عارفاك كنت فرشتك هنا و جففت بيك الأرض...

سميحة:[شافت فيها تا هي بنص عين]نسيتي ياماتك ملي نشطب بديك الشعكوكة لي كانت عندك التراب كامل فالزنقة..بحالك بحال بنتك فيكم غا الفم أما الدراع والو..

فضيلة:[قندشات]سميحة..شفتك أ خويتي كاتحشي ليا الهضرة ببنتي...ما خفتيش نسرح بوك دبا بنتفة د الغدايد...

سميحة:أ شوفي يا فضيلة..تي عليا بالليمن و تقربي لجيهتي تا ندير ليك ما درت لديك جميلة المسطاجة...

فضيلة:[قربات لحداها]هاويلي ياختي تي ما شفتيش شوارها قداش كانو كي الجيلالي الخضار...

سميحة:نتي مشات على عينيك ضبابة ملي نسيتي بلي كانو المسطاجات موضة ديك الساع...

فضيلة:و أنا نقول لاش مزال ما كرطتي مسطاجك..ما تخلينيش زعما ندير فيك الخير و نتفو ليك

سميحة:بنت لبوك أنا دجاجة هنا الله يمسخك..خليه راه هو لي مسخنني فهاد البرد..[طلقات نيوفها كاتشمشم]منين جاية هاد الريحة...

فضيلة:[خرجات عينيها نايضة كاتولول]هاويلي  تي راه العشا تحرق...