قصة زواج متقـــف الفصــــل الثاني(التتمة)

bart 257

الفـصـــل الثـاني:ما خــلف الأقــعنة🫦🪔
                ______

      🚬 𝑩 𝒂 𝒓 𝒕  257

               دار دراغــــــــــون

كانو مجموعين على الطبلة دايرين عليها صوت كلام طاغي عليها..صوت سميحة و هي تعاود لفضيلة حداها على زبايل نزار..و نزار مكتافي يضحك و الفرحة ظاهرة عليه و على ولاد عمو..لوجودو معاهم و بيناتهم..

لما لا و دراغون مزال ما جا و جلس باش يبداو الماكلة..داكشي علاش خداو الوقت للحديث...و من جيهة كانت ساريتا و فاتي ݣالسين حدى بعضياتهم كايوشوشو ..و مقابل معاهم صلاح و نزار و فتاح...

فاتي:[كاتهضر بشوية]هاويلي واش تسطيتي باغا تخرجي عليا؟

ساريتا:راني حلفت ما تديه حتى وحدة من غيرك..و ثبتي و ديري داكشي لي قلت ليك..

فاتي:هوف منك أ ساريتا هووف..و الى ما وقعش داكشي لي قلتي هاا؟..

ساريتا:لا لا غاتوقع انا متأكدة نتي غاتبعيني...

فاتي غوبشات و كاتحاول تبرد خوفها و توترها من رجليها لي كاتحركهم دغيا..حتى قرصاتها ساريتا بالحس مخنزرة فيها..

نقصات الهضرة تدريجيا ملي لمحوه داخل و جاي لجيهتهم...عضات على شفايفها ما كرهات تلاح تعنقو من ريحتو الفايحة منو لعل و عسى  تشبع...

تبعاتو بعينيها حتى جلس و هي ساهية فعينيه الزرقا حالفة تا تاكلهم شي مرة من طولة شوفتهم ليهم...

و هو حاس بنظراتها الحارقة ليه من جلستو لدابا..عارف بلي الوحم لاعب لعبتو فيها و لكن غافلة على نظراتها لي كاتنوض النيران الشهوانية فيه ليها...

ما كرهش يهزها و يطير بيها الفوق..متعطش يذوق حلاوتها لي غا ما كاتزيد تحلا كثر و كثر...

علا عينيه فيها ملي حس بيها مطولة شوفتها فيه و الكل بدا ياكل...لمس بيدو فخدها بحركات بطيئة حتى قفزات كاترمش فيه عيونها دغيا..حسات برعشة سرات معاها من لمستو ليها...

دراغون:ما غاتاكليش؟..

ساريتا:هااا؟..[عاد وعات براسها و نطقات بتوتر]أه اه واخا..[لمحات السالاد لي قدامو منغامس فأكلها]شفتك كاتاكل السالاد ما فيكش الجوع؟..

دراغون:[شاف فيها بنص عين]كولي أ أناكوندتي و سكتينا..

ساريتا:[بلعات اللقمة مغوبشة فيه و قالت فخاطرها]غا صبر عليا أ راجلي العزيز الليستا عمرات و ما بقا والو نوريك كيدي..

فاتي:[تحت نيفها نطقات]اوا شكون قال ساريتا غاتولي مقموعة شي نهار..

ساريتا:[قربات حداها]نتي غا طلقي فدوك الوذنين أخيرتهم غانديرهم صوصيط..

سميحة:[مخاطبة نزار لي كاياكل بشوية عليه]الله يا وليدي مالك على هاد الماكلة..أويلي كول ما تحشمش..

ساريتا:[كاتاكل و تهضر بعفوية]سبق و قلتها ليه بلا ما تعذبي راسك بالهضرة طالع لعمو أ خالتي سميحة...

عاد طلعات معاها أش قالت..دورات نص عينيها لجيهة دراغون لقاتو كايشوف فيها بهدوء...قبل ما ينطق محدق فيها..

دراغون:حتى طريقة ماكلتو ما خفاتش عليك أ مراتي العزيزة..

ساريتا:كان نزار كايجي عندنا بزاف للدار و زيد عليها كان كاياكل حتى عند فاتي يعني عادي أ راجلي الغالي..

فاتي:[حانية راسها و مرة مرة تسرق الشوفات يا فدراغون و ساريتا و فعلاقتهم و حتى من نزار لي يشوف فيها..]

دراغون:[وضع يدو فوق يدها]من صغرك و نتي حنينة مع الناس لي عارفهم و لي غراب عليك..

ساريتا:[حمارو خدودها هاضرة بشوية يسمعها غا هو]هادي حاجة فيا و فيك..غا أنا كانبينها و نتا كاتخبيها..