قصة زواج متقـــف الفصــــل الثاني(التتمة)

بارت 362

الفـصـــل الثـاني:ما خــلف الأقــعنة🫦♟️
                ______

      𝑩 𝒂 𝒓 𝒕  362🚬
داز نص ساعة حتال ساعة و هي مخشية حداه ناعسة هاربة من فوبية الظلام...

و من فوبيتها ما رداتش البال للشموع لي خلاتهم مشعولين باش ما تبقاش فالظلام...

كاين لي تطفاو بفعل البرد....و كاين لي تعلق نيرانهم فالريدو لي كايديه البرد...و شموع طاحت للأرض...

ما طولش الدخان بزاف باش يظهر و يحوم فالبيت بكثرة حتى بدات تكح ساريتا..

تحركات منزعجة حتى قفزات ملي لمحات العافية دايرة بيهم...

ساريتا:كح أويلي العافية منين جات...كح كح[كاتحرك فدراغون ينوض]أرغد نوض...نوض كح...[تفكرات دوا النعاس لي دارت ليه و ناضت مغطية وجهها]أش هاد المصيبة...

دماغها حبس...ما عرفات ما تقدم و لا توخر...

سمعات ادقان مجهد فالباب تحت و لكن باش تخرج مستحيل و العافية كاينة فجميع الجوايه...

تحنات كاتحاول تنوض دراغون خاصة ملي شافت العافية قريبة ليه و لكن جاها ثقيل...

حدها بان ليها البالكون ما فكراتش جوج المرات و جرات تجاهو كاتصرخ بأعلى صوتها...رادة البال العافية لا تحرقها...

ساريتا:عاونووونا كح كح[شدات فالحديدات منزلة راسها للتحت]كاين شي حد هنا يعاوننا العافية كاينة هنا...الله يرحم الواليدين شي واحد يعاااااوننااااا...

سمعات شي رد جاي من التحت...دلات راسها و هما يبانو ليها دراري نفسهم لمحاتهم فالصباح...

•••:ختي ما تخافوش حنا غانطلعو نعتقوكم...

شدات على قلبها لي متسارعين دقاتو...مخلوعة على دراغون لي ما بغاش يفيق ليها...

و الدخان كثير خافت يتخنق بيه...من حسن حظها قدرو الدراري يطلعو و دفعو الباب و دخلو...

ساريتا:[عيونها مدمعة]راجلي فاقد الوعي...الله يرحم الواليدين هزوه و خرجوه دغيا قبل ما توقع ليه شي حاجة..

الناس بداو يتجمعو على الدار و كاين لي كايصوني على رجال الاطفاء...
                ------------------
             صبـــــــاح يوم غد

كيف أي يوم جالسة فجنب الشانطي مادة يدها كاتسعى لكن فمظهرها كان العكس...

داكشي لي كاتربحو من السعاية كاتعطيه لواحد المرا باش كاتعطيها وجبة فالنهار و مرة فالسيمانة كاتخليها دوش عندها...

هزات عينيها بعد ما كانت حادراهم فالأرض و جاو ف لينا...البنت لي كانت باطرونتها فالدعارة و تشطحها على صباع يديها...

لينا:[لاحت ليها 10 دراهم بشفقة]شكون لي قال نجلاء غايجي واحد النهار و تكون بلاصتها الزنقة...

نجلاء:لينا ختي فين غبرتي شحال و انا كانسول عليك[بتاسمات ليها]ج..جيتي تديني معاك ياك؟...

لينا:[تحنات لمستواها كاتطلع و تنزل فحالها بتشفي]علاش غانديك و انا بالأصل السباب حتى وصلتك لهاد الحالة و البلاصة لي نتي فيها يا قليلة الأصل...

نجلاء:ما فهمتش!!!

لينا:ما عندك لي بحالك ما يفهمو...بنت العروبية بحالك ما غاتلعبهاش عليا و نسكت ليها...أشنو كاتسحاب ليك راسك غير نتي لي مطورة..

نجلاء:واش عارفة اش كاتقولي انا..انا اش درت ليك...فاش ضريتك...

لينا:ما ديريش ليا فيها البراءة ما جاتش معاك...[دورات عيونها للنواحي]هانتي بقيتي بوحدك...لا ماماك بجنبك و ما خليت خيط يوصلك ليها...و لا صاحبتك ساريتا لي قنعتك تسحري ليها و خربت علاقتكم...و لا حتى ولد البزناز لي تاق بكذبة السيدا و بعد عليك...

نجلاء:[كاتحاول تستاوعب]م..ماما نتي لي ورى اختفائها...[بغات تضربها حتى شدات ليها يدها]نتي لي بعديتيني على ماما ياك نتيي...[دمعو عينيها بعدم تصديق]و..و السيدا...