قصة زواج متقـــف الفصــــل الثاني(التتمة)

bart 328

الفـصـــل الثـاني:ما خــلف الأقــعنة🫦♟️
                ______

      𝑩 𝒂 𝒓 𝒕  328💀

بعد مرور يــــوم

                صباح اليوم الموالي

مع ثلاثة الصباح...كان سد باب الشقة بحذر و نزل بخطوات سريعة و أعينو حمرا كاللهب ما ناوياش على خير...

تاجه نيشان للوطو فاش جابو عتيق حل بابها و طلع مكسيري بسرعة...

نزار:ما غانخليكش لغيري ما غانخليكش...نقتلك و ما نخليك لغيري...

فنفس الوقيتة كانت هي معنقة الوسادة قدامها و النعاس ما زارها...ساهية فالفراغ حتى حسات بماماها جلسات حداها...بلا ما يهضرو ترمات فحضنها معنقاها و نسرين كادوز يدها على شعرها بحنان...

نسرين:كولشي غايكون مزيان أ بنتي...صافي اليوم غانمشيو بخطرة من هاد المدينة و غانرتاحو...

فاتي:[بدموع مجموعين فعيونها]سمحي ليا أ ماما..سمحي ليا لي خليتك تعيشي هادشي بسبابي...

نسرين:[زيرات عليها]ما تقوليش هاكا أ بنتي...ما تقوليش هاكا...عمرني نسمعها منك...

                      ••••••••••••••

على الساعة العاشرة صباحا...

للمرة الثانية و هي كاتخليه معطل فالنعاس بسبب تيليفونها لي رافض يعطيه ليها...و عقابو عندها أنها تحرمو من النعاس كيف محرمها من تيليفونها...

ميلات فمها بتفكير حاطة يدها على حنكها و تخمم أشنو دير حتى تخليه يعطيها التيليفون...

فكرات و فكرات حتى طاحت عليها فكرة و بتاسمات بشر...

قربات لعندو مرجعة شعرها الزعر اللور...و همسات حدى وذنيه بهمسة خفيفة...

ساريتا:حبيبي أرغد...

دراغون:[همهم بنعاس غالب عليه]ممم...

ساريتا:[تنهدات بحزن مزيف]كانحس براسي ماشي تال لهيه...

دراغون:[ناض من بلاصتو حال عين و مغمض عين بصوت مبحوح قايل]ياكما شدك شي وجع خايب؟...

ساريتا:[بزعل]لا و لكن كانحس بلحمي ثقال عليا ما عرفتش علاش...يمكن حينت موالفة ندوش تدويشة خفيفة و لكن هاد المرة أنا ما قادراش نديرها و انا بهاد الحالة...

دراغون:[فهم لاياش كاتلمح و بتاسم بخبث جارها من خصرها لجيهتو]كنتي تختاصري كلامك و تقولي ندوش ليك بيدي و نتي عارفة ما نرفضش هاد الطلب...

ساريتا:[عضات على شفايفها كاتلعب فصدرو]سمح ليا أ راجلي حبيبي راك فهمتي بالغلط..أنا مزالة مقلقة منك و حتى الپيپي مقلق منك...و بغى جداتو لي تعاون ماماه دوش ليها...

دراغون:[جرها من عنقها لجيهتو مميل فيها راسو ]مادام كاينة فبيتي و فداري ما من حق يلمسك من غيري...أنا لي غاندوش ليك اليوم و غدا و ديما...

ساريتا:[هضرات بهمس و شفايفها كايتحاكو مع شفايفو]و الپيپي كبف غاتدير تخليه ما يبقى مقلق منك...

دراغون:لي من طرف مني ما غايتقلقش على حوايج حيدتهم لمصلاحتو و مصلحة ماماه أناكوندتي...