قصة زواج متقـــف الفصــــل الثاني(التتمة)

bart 267

الفـصـــل الثـاني:ما خــلف الأقــعنة🫦♟️
                ______

      𝑩 𝒂 𝒓 𝒕  267🎲

                 مـــــــكان آخر

فوق مكتبها كانت جالسة كاترشف من قهوتها تصحصحها شوية...و عينيها كايمشيو ذهابا و إيابا مع جسدو و هو غادي جاي على طول المكتب...

علاء:[حاط يدو ورى عنقو بعصبية]واش لهاد الدرجة صعيب عليك تخلي هادشي من ورانا و نهربو...

لينا:قلت ليك بلا ما تحاول معايا...مستحيل نمشي من هنا قبل ما نكمل داكشي لي جيت على قبلو..

علاء:واش حماقيتي...ما كاتشوفيش هاد الهدوء الغريب لي حنا فيه ماشي لصالحنا..ما فكرتيش علاش غبرو الرجال لي صايفطناهم كجواسيس لوكرو...

لينا:أشنو كاتقصد..همم..؟..بلي تكشفنا و سالينا و لكن مستحيل..كون متأكد لو عرفنا حنا من وراها ما غانكونوش كانهضرو مع بعضياتنا دبا..

علاء:[قرب لعندها]واش نتي ما كاتفهميش...ما خايفاش على راسك...ما كاتفكريش فأشنو غايوقع...باغا تسبقي انتقامك على سعادتنا بجوج...

لينا:[بلعات الخوف فيها]الى خفتي من دراغون يمكن ليك ترجع منين جينا أ راجلي الحنين حتى نلحق عليك...

علاء:[زفر بعصبية]راني ما خايفش على راسي قد لي خايف عليك...هاداك راه أخطر واحد و ما معاهش اللعب...

لينا:مضطرة نخاطر على قبل حق ختي لي ما غانخليهش يضيع...ما غانخليش ديك الكلبة فرحانة بحملها بعد ما قتلات ختي...كيفاش نقدر نمشي و نخلي هاد الكلبة تنعم بالراحة كيفاش...

علاء:هااااديك راها مرات دراااااغون...عتابري راسك كاتلعبي معاه هوو ماشي معاها...كيف غادي ديري هااا...

لينا:[وقفات مقابلة معاه مخرجة عينيها]ما تستافزنيش كثر بهاد الخوف ديالك منو...[دمعو عينيها]فعوض ما تخوفني بهاد الشكل و تزيد على ما بيا على الأقل وقف بجنبي...و خليني نتاقم منها براحتي...

علاء:[عنقها]واعديني ملي يسالي هادشي نمشو من هنا و نعيشو حياتنا...

لينا:كانواعدك..

سمعو دقان فالباب..و قبل ما تأدن ليهم لينا بالدخول..كان دخل عتيق كايتمختر فالمشية و رجل من وراه حامل بواطة كبيرة...حطها فيدين لينا و نساحب...

مخليهم كايشوفو فبعضياتهم باستغراب و نوع من الخوف...قلبات شوفتها لعتيق و نطقات بهمس...

لينا:ش..شكون نتا؟..

علاء:علاش داخل علينا هاد الدخلة؟؟..

عتيق:[نتاقل شوفاتو عليهم و رسم ابتسامة خبيثة]دراغون كايسلم عليك و رسل ليك نتي بالخصوص هدية غاتعجبك...

لينا:[حركات راسها بلا بذعر مادة ليهم الصندوق]لا لا ما بغيتش...ما بغيتش نشوفو ما بغيتش...

عتيق قلب شوفتو للرجل لي حداه...و بإشارة العينين تقدم داك الراجل و فيدو موس حطو على عنق راجلها المتفاجئ...

علاء:لا لا لا ما تحليش..اكيد دايرين شي فخ ليك أ لينا ما تحليهش...

لينا بلعات ريقها شايفة فيه خوفانة لا يديرو ليه شي حاجة...حنات راسها لجيهة داك الصندوق بين يدها..تنهدات بريبة خاطرها ما مطمئنهاش ..حطات يدها عليه حلاه...

ثواني و توسعو عينيها بصدمة..تصلب جسدها و عقلها تحبس..و خاطرها تروع من المنظر  قبل ما طيح الصندوق للأرض..

صندوق بيه جوج ريوس مفصلين على جسدهم و محروقين عامرين دم...ريوس لدوك جوج رجال لي رسلات يراقبو تحركات ساريتا...

عتيق:واخا الكادو جا لبين يديك معطل و لكن ما كايهمش...هذا تحذير دراغون ليكم ..المرة الجاية لي تفكرو تلعبو معاه...غايترسلو ريوسكم لعائلتكم و ما يلقا ما يدفنو...