الفـصـــل الثـاني:ما خــلف الأقــعنة🫦♟️
______
𝑩 𝒂 𝒓 𝒕 350🚬
محمد:[طبطب على كتفو]نزار شوف نتا غ
نزار:[قاطعو]نتا لي غاتسمعني هاد المرة...واخا عمي يبزز عليا ندخل معاه فداكشي لي كايتاجر بيه ما غانبغيش...واخا نطيح فالمشاكيل ما نخليهش يعاوني بفلوسو...ما نخليش فلوس المخدرات تحكم فيا...نهار واعدت فاطمة الزهراء ما نرجعش البلية و لا نمسها راني عنيت بيها عن قلب وعد الرجال...و دبا قوليا فين مشات فاتي..انا بغيت غير نهضر معاها و نطلب منها السماحة...
محمد:نزار دير عقلك..حنا عارفين ظروفك كيف كانت و فاهمينك و لكن خاصك تقبل الحقيقة نتوما ما تصلاحوش لبعضياتكم...لا نتا صالح ليها و لا هي صالحة ليك...فاطمة الزهراء فرحانة دبا بعرسها لي كاتوجد خليها على حالها...الى فعلا كاتبغيها كيف قلتي و نادم خليها تعيش حياتها...و نتا مع الوقت غاتلقى بنت الناس...
طبطب عليه و داز من حداه مخليه راخي يديه كأنه جبل حاملو على كتافو...محطم داخليا و خارجا...
______________
بعد ساعات
عند أبطالـــــــــــــنا
حاطة راسها على الحيط و نظرها للأمام جامعة رجليها لعندها كاتفكر و تفكر...فراسها و فالوضع لي وصلات ليه...و فصاحبتها لي ما عارفة اشنو وقع ليها...
كاتحس بطاقتها بدات تستانزف فهاد الزواج...كاتعيى تستمد من حبل أمل من أرغد و غايقطعو قبل ما توصل ليه...و سالا معاها الحمل لي ما دارت ليه حساب...
تمنات كون يرجع بيها الزمان اللور و تدير الكينة بلا خبارو...سحبات العشوب لي كاتشرب بالتخبية عليه غايقضو الغرض و لكن بلا فائدة....
زيرات بقبضتها على كرشها ملي حسات بالجوع و لكن ما قدراتش تحبس الصوت وسط الصمت الرهيب لي وصل لعند أرغد و هو كايقلب فشي صنادق...
أرغد:[بلا ما يشوف ناحيتها]كون درتي عقلك بحال المزوجات العاقلات ما تكلسيش هنا بالجوع...
ساريتا:و ما ندمتش...كون يرجع بيا الزمان اللور غانعاود نديرها مرة و جوج ...ماشي نتخبى فالدار و نخلي واحد من طاسيلتك يأدي صاحبتي...
أرغد:[دور نص وجهو]هاد الزعامة و السنطيحة لي عندك بلاصتها ماشي معايا...انا لي غانهضر و نقرر و نتي خاصك تصنتي بزز منك و طبقي كلامي....
ساريتا:[وقفات من مكانها مقربة ليه]ساريتا بنت داوود ما تحناش ليك غير حينت نتا راجلي...انا فاللخر كانبقى مراتك ماشي عبدة تحت رجليك تشطحها على صبعانك...
أرغد:[وقف من التقلاب و قرب لعندها حتى ولاو متقابلين مع بعض]كون بغيت نديرك عبدة ديالي غانمحنك و نكرهك فالعيشة معايا و نتي خارجة قدام الزوا•مل بلا خباري...نخليك تمناي الموت و ما تلقايها ... نتي ملكي و ديالي أنا و حتى حد ما خاصو يشوف فيك شوفة وحدة و لا يجي كلامك فكلامو...و حتى لحمك ممنوع عليه يقيسو شي حد غريب...
ساريتا:[شارت ليه بسبابتها عاقدة غوباشتها]هاد التملك ديالك ما راضياش بيه من زمان و لا غانرضى بيه دبا و نتا عارفني...
أرغد:[شاف فيها مطولا و جرها من سبابتها حتى قربات كثر و نطق]بزز و لا بالخاطر...حتى حد ما خدا من عندك الاذن..و لي قلتها بالحرف هي لي غاتكون...
ساريتا:الى كنتي قاصد بهضرتك العصا[بتاسمات بسخرية]من صغري و انا كاندير لي كايقولها ليا راسي... پا و شحال عطاني فالعصا حتى ولفها لحمي و تݣرات فيا..و مان
قاطع كلامها فالنص من جرتو ليها فور ما شاف صنادق كانو غايجيو فيها...
جرها حتى تلاصق وجهها فصدرو ..خلاها توسع عينيها مدهوشة..سرعان ما قفزات ملي سمعات شي حاجة وراها طاحت...
ساريتا:صافي رخي مني...حتى كون ما عتقتيني كنت غانقذ راسي...
أرغد:بغيتي و لا كرهتي أنا راجلك و لي مسؤول عليك و على لي فكرشك [رجع خصلات شعرها اللور بأصابعو]واش مزال ما غاتكبري عقلك... و خلينا شي نهار نرتاحو من تحريمياتك...
ساريتا:[بغات تبعد و حسات بالسنسلة ديالو تشدات ليها فشعرها]جيني من اللخر و قول لي بلي حميتي غا لي فكرشي...كون ما حاملة ما تسوق لي الله يرحمني ديك الساع...
أرغد:[نزل عيونو الزرقا للسنسلة كايحاول يفكها من خصلات الشعر]ما حدني صابر على هاد هبال رجعي لسانك لبلاصتو حتى نهار تولدي...
ساريتا:و علاه كذبت أ راجلي العزيز...انا اش كانعني ليك أصلا من غير مرتك...همك دبا هو لي فكرشي...[شدات فشعرها] أي أي غا بشوية راك نتفتيني...
دراغون:بلا كثور الهضرة أنك مرتي و شرفي كافية...[فك ليها شعرها منو]
حكات على بلاصة فين كانت مشدودة فالشعر...و طلعات راسها ناحيتو قاطبة حواجبها ...حتى تضاربو أنفاسو الساخنة على وجهها...
ملي حسات بالقرب الكبير بيناتهم و ما يربطهم غير أنفاسهم...رجعات بخطوة اللور بغات تبعد منو لكن منعها بيدو لي تحاوطات على خصرها و جرها لحضنو حتى وضعات كفوفها على صدرو كاتناقل أنظارها بين عيونو المتربصة بيها...
أرغد:[همس بصوت خافت]فين غادة هربانة عليا...
ساريتا:[رمشات عيونها بثقالة بتوتر]أ..أرغد..أ..أرغد...اش كادير...بعد..خليني نمشي....
أرغد:شحال و نتي كاتهربي و تسلتي مني فالدار..[ميل راسو و عينيه على شفايفها]و دبا هنا ما عندك لا فين تهربي و لا يفكك مني حد...
وصــــل الليل و نزل خيــــوطـــو
عند أبطالنا كل واحد فقنت...ساريتا موسدة يدها و ناعسة على الأرضية الباردة جامعة رجليها عندها على شكل جنين...
و من ناحيتو كان كايقلب فوسط الصنادق و الكراطن على شي حاجة تعاونو يخرجو من هاد الكاراج...
أنت تقرأ
قصة زواج متقـــف الفصــــل الثاني(التتمة)
Romanceنهار طاحت عين البزناز عليها بغاها و بالزواج تملكها بلا رغبة منها،أشنو أش غايوقع نهار طيح عينو عليها و ينويها الزواج بلا رغبة منها...نهار تهرب ليلة عرسهم و تحط بوجهو للأرض قدام الناس؟....
