الفـصـــل الثـاني:ما خــلف الأقــعنة🫦♟️
______
𝑩 𝒂 𝒓 𝒕 293💀
صبــــــــــاح يوم غد
مع جوايه ستة الصباح...
دار دراغــــــــــــــون
كانت حدى الباب واقفة فضيلة هي و عيسى لي وصل متعانقين...و هي صوت شهقاتها كايتسمعو مخلياه كايطبطب عليها يسكتها...
عيسى:لا حول و لا قوة إلا بالله...غير سكتي لي بغاها ربي هي لي غاتكون يا هاد المرا...
فضيلة:ما نقدرش يا عيسى ما نقدر...كانبغي نعس و نغمض عيني حتى كايجي قدامي منظرها و هي طايحة فالشانطي غارقة فدماياتها...
عيسى:الله يهديك يا فضيلة...البنت ياك دبا صحتها و صحة لي حاملة بخير مالنا على هاد البكا...
فضيلة:[مسحات دموعها]واخا واخا...دخل دبا راك جاي عيان من الطريق...غانمشي ندير بحسابك فالفطور...
عيسى:[عاقد الغوباشة]فقتي براجلك بكري..الله يرضي على ولدي دراغون مهلي فيا و موكلني قبل ما نجي...
فضيلة:[تنهدات]الله يكثر خيرو مهتم ببنتي و دايرها فوق الراس...ما خلا شي حاجة البارح و ما دارهاش باش تكون بخير هي و لي حاملة بيه...
عيسى:سايرة تقولي لي أنا هاد الكلام..تي سيري عند بنتك قوليها ليها لي هاربة منو بحالا عدوها ماشي راجلها...
فضيلة:الحمد لله هي عرفات غلطها و معتارفة بيه...و دبا راهم عايشين مزيان...الموت و الحيا هادي رطب قلبك عليها شوية...راه قلت ليك زعما اشنو قالت الطبيبة على حالتها...
عيسى:همم يكون خير...
°•°•°•°•°•°•°•°•°•°•°•°•°•°•°•°•°•°
مكان آخــــــــــــر
بعد سنوات طويلة و هو مسجون بين ربعة الحيوط...جا وقت الفرج...
تحل باب السجن و خرج منو شخص فمنتصف الأربعينات..شخص شبيه لدراغون فملاميحو الخبيثة...دور راسو للسماء معليه براحة نفس لوصول هاد النهار...نهار لي تسناه من زمان و وصل...
لمح طاكسي كايتسناه من بعيد..لاح الصاك ديالو على كتفو و تقدم لعندو ركب فيه...شد من عند مول الطاكسي الݣارو غامزو ببرود...
•••:من بارح و أنا كانتسنى اتصالك...علاش ما صونيتيش؟...
الراجل:[حنحن بخوف]الدنيا كانت مرونة تماك أ سي حيدر برجال البزناز و البوليس كايقلبو على مول الطموبيل ما لقيت كيف ندير نصوني ليك...
حيدر:[بحقد]على هاد الحساب مو ماتت و لا نقذها سي البزناز من الموت؟...
الراجل:كنا غاديين فالخطة مزيان و دارسينها و لكن وقع لي ما كناش ضاربين ليه حساب و تخربات الخطة...
حيدر:[قطب حواجبو مخنزر فيه]اشنو كاتقصد يا الكلب...
الراجل:[بتوتر]أحم للأسف ماشي لالة سميحة لي تضربات...المدام ديال دراغون هي لي عتقاتها و تضربات فبلاصتها...
شكون فنظركم هاد الشخص لي بان جديد فالقصة؟
أنت تقرأ
قصة زواج متقـــف الفصــــل الثاني(التتمة)
عاطفيةنهار طاحت عين البزناز عليها بغاها و بالزواج تملكها بلا رغبة منها،أشنو أش غايوقع نهار طيح عينو عليها و ينويها الزواج بلا رغبة منها...نهار تهرب ليلة عرسهم و تحط بوجهو للأرض قدام الناس؟....
