قصة زواج متقـــف الفصــــل الثاني(التتمة)

البارت 234

الفـصـــل الثـاني:ما خــلف الأقــعنة🫦🪔
                      ____________
                       𝑩𝒚  𝑺𝒂 𝒓𝒊 𝒕𝒂

      🚬 𝑩 𝒂 𝒓 𝒕  234

دراغون:[تنهد بصوت مسموع كايلمس بشرتها الشاحبة بإصبعو]حالك ما عاجبنيش..قولي مالك؟..

ساريتا:[طلعات نفس طويل شايفة فيه]ما عنديش قدرة كافية لهاد الخلافات الكثيرة لي واقعة بيناتنا خصوصا و أنني دبا ففترة حساسة و النفسية ملعوبة عليا...

دراغون:نتي لي كاتقصحي راسك معايا و انا ما عنديش مع الضد[دوز يدو على شعرها بحنان]كانظن باقي لدبا داكشي لي وقع البارح باقي مأثر عليك...

ساريتا:[حركات راسها بالإيجاب بلا ما تهضر]

دراغون:[تنهد..و جرها لعندو معنقها مزير عليها]كولشي فات أناكوندتي...خوي بالك و فكري غير فراسك و فولدنا و لا بنتنا...

ساريتا:[بادلاتو العناق]كانحاول..

بخطوات بعيدة كانو واقفات كايطلو عليهم من باب فضولهم..خافو يدير لساريتا شي حاجة و ما سحبو دغيا غاتهدن الوضع و تبردو...

فضيلة:الحمد لله ما وقع صداع بيناتهم...

سميحة:أحياني على ديك اللفعة ديال بنتك..باينة هي من ورى هاد الروينة لي وقعات فالفرن باش تلاهيني و دوز تشطح...ساع الحمد لله قدرات تهدن الوضع...

فضيلة:[فرحات ليهم و هي كاتشوفهم متعانقين]ما شاء الله شوفي كيف متعانقين أ صاحبتي...الله يحفضهم يا ربي و يخليهم لبعضياتهم...

سميحة:[تنهدات ساهية فولدها كاتشوفو كيف كايتعامل مع ساريتا] اييه شحال قد ولدي يخبي مشاعرو ليها..و تصرفاتو مكشوفين بلي كايبغيها و ميت فيها...

فضيلة:زيديني عليك أ ختي..انا غا من شوفة بنتي البارح عرفت بلي طاحت على زنافرها طيحة نيت...و لكن باش تقول راه كاتبغيه ما نظنش...

سميحة:أنا بغيت غا نعرف علاش لي ما يقولوها و يهنيو السوق...خافو تنقص ليهم الكرامة...

فضيلة:[نغزاتها]تي شوفي ولدك شفتو خرج لبرا ياكما ناوي على شي حاجة خايبة و لا دابزو...

سميحة:لا ما بانش ليا..ما كاتشوفيش بنتك كيف كاتضحك غا بوحدها...الله و علم أشنو قال ليها..

نرجعو لعند أبطالنا دراغون و أناكوندتو..بقا الصمت دائم بيناتهم لدقيقة..و هما كايشوفو فبعضهم بنظرات كايترجمو أحاسيسهم..

دراغون:[لمس بإبهامو خدها]عندي ليك كادو كبير يخليك تنساي و تغير فيه نفسيتك..

ساريتا:[بعيون كاتبري]أشنو هو؟..

دراغون:خليه مفاجأة حتال الوقت المناسب و تعرفي...دبا غانجيب ليك الكادو ديالك بخبر حملك...

قلب أدراجو لبرا مخليها عاضة على شفتها السفلية كاتضحك غا مع راسها...و كاتفكر أشنو ممكن يكون هاد الكادو...

بعد ثواني كان جاي لعندها و بيدو بواطة مستطيلة الشكل فالوردي متوسطة الحجم...عطاها ليها ببسمة مرسومة على وجهو متأكد غاتعجبها و ترفعها لقمة من الفرح.. شداتها دغيا من عندو...

فتحاتها دغيا و توقفات عن الحركة ثواني قليلة كاتستاوعب داكشي لي شافت عينيها...شافت فيه بحال كاتأكد من لي شافتو..حرك ليها راسو ..

دمعو عينيها و هي كاتشوف باك  فيه صلاية غوزية مع العباية و زيفها و مصحف وردي بجانبو تسبيح...

ما توقعاتش نهائيا غايكون بحال هاد الكادو يجيها شي نهار...فرحات و بزاف مبينة
سنانها وسط ضحكة عريضة..

ساريتا:[طلعات راسها ليه بعيون دامعة من الفرحة و باستو فخدو بوسة طويلة]هادو زوينين بزاف بزاف حمقوني..نتا معارفش شحال تمنيتهم ملي كنت فالجامع...هادو..كيفاش حتى طاحت عليه فكرة تجيبهم ليا..