قصة زواج متقـــف الفصــــل الثاني(التتمة)

bart 258

الفـصـــل الثـاني:ما خــلف الأقــعنة🫦🪔
                ______

      🚬 𝑩 𝒂 𝒓 𝒕  258

نزار:ما كذبتيش أ عمي..قليل لي تلقا بحالها..و هي تستاهل تكون وحدة من عائلة الوزاني...

فتاح:[نغزو من تحت الطبلة هامس ليه بشوية]دعي أ صاحبي ما يقلبش علينا هاد الطبلة اليوم...

نزار:[باستغراب]علاش ؟؟..

دراغون:[جغم من العصير و تكا على الكرسي بنظرة باردة لنزار]واقيلة تازوفريت لي عايشها نساتك بلي هادي لي كاتهضر عليها و تمدح مرتي أ ولدي العزيز..

ساريتا:[ولات غا كاتشوف فهاد الجو لي غايتشحن.. و فاتي ماتنغزها من التحت تقول شي حاجة لا يصدق داير لو شي حاجة]

نزار:[دور عينيه عاد طلعات معاه اش قال و حينت مزال ما زاعم على عمو قال بحاجة كفس]لا أ عمي حاشا ماشي على مرتك كانهضر..أنا هضرتي على فاطمة الزهراء..

مباشرة مع كمل كلامو نصابات الأعين عليها..و هي وحلات ليها الدغمة ولات تكحب..وجهها ولا حمر..ساريتا تخلعات عليها كادوز يدها على ظهرها كاتشوف السيدة غاتخنق بقوة نا ولات حمرة...

نزار غير شاف حالتها كي ولات ناض بلا عقل لعندها كايضرب على ظهرها جوج ضربات   كانو غايهرسو ليها الظهر و لكن رجعات فيها الروح...

خوفو عليها بهاد الشكل ما يخفاش على أنظارو أشنو سببو..كتافى بالصمت و تبعو بعينيه كيف مهتم بيها و خايف عليها..كيف كايشربها بيدو الما..

نزار:[بخوف عليها بعد ما جلس لبلاصتو]صاڤا دبا..نتي بخير؟..

حركات فاتي راسها بصمت محرجة من الموقف لي تحطات فيه..

سميحة:ربي لي عالم شحال فرحانة بهاد الجماعة الزينة،[حطات يدها الحنينة على ظهر نزار]الحمد لله لي ربي طول ليا فالعمر حتى شفت حفيدي الغالي حدايا..الحمد لله..

نزار:[بتاسم ليها]كون تشوفي أنا الميمة فرحتي قداش..الله يخليكم ليا يا ربي..

دراغون:[مترقب حركات مراتو و فاتي و حركات الجميع]كاتحسي براسك مزيان أ بنتي؟..

فاتي:[حركات راسها بأه كاتلعب بصبعانها]اه أنا بخير..سمحولي ليا قاطعتكم على الماكلة...

سميحة:عادي أ بنتي بلا ما طلبي السماحة كاتوقع..[بتاسمات ليها]و راه حفيدي ما كذب..نتي باينة فيك بنت الناس و تستاهلي عايلة تصونك..و راجل يحن فيك..

فاتي سرطات ريقها و طلعات عيونها نيشان فنزار لي مقابلها بنظرات فشكل حشموها..

ساريتا:[نطقات بشر شايفة فنزار و مرة ففاتي]واييه أ خالتي سميحة ما كرهت تهضري معاها..ما صاب دير عقلها و توافق تعرف على أم عريس شهوة منو..شحال و هو تابعها ناويها للحلال..

كملات كلامها بزز من حر الوجع من ظفرانو المغروسين ففخدها..شافت فيه بملاميح مؤلمة كان بادي على وجهو البرود..

و لكن هادشي ما كايعنيش أنه من نظراتو ليها و الفعايل لي دارت اليوم...غايتحاسب معاها فيهم فالفوق بطريقة تخليها ترجع حساباتها و لأشنو كاتقول...

من جهة نزار كان عيونو على فاتي مخنزر فيه..على اينا زواج كايهضرو و هو براسو معارفش؟علاش لي ما قالت والو و خبات؟..

سميحة:[مخاطبة فاتي]لواه أ بنتي ما تسديش الباب على الحلال...البنت آخيرتها تزوج براجل يصونها و يعرف بقيمتها...

نزار:[علا حواجبو مقندش]أشمن راجل الميمة..بقا ليها غا الراجل و هي ما قادة حتى على الزواج...

فاتي:[خرجات عينيها فيه]شكيت عليك أ سي نزار و قلت ليك ما قادة على الزواج..أنا قادة عليه[دارت لعند ساريتا]اييه قابلة أ ختي غير هضري معاها...ما غانضيعش الراجل على من زيناتو..

نزار زاد تعصب و هاد المرة حس براسو ما غايصبرش و ناض من بلاصتو..بغا يهضر و يقول شي كلام ليها حتى قاطعو صوت الغوات جاي من برا...