قصة زواج متقـــف الفصــــل الثاني(التتمة)

بارت 360

الفـصـــل الثـاني:ما خــلف الأقــعنة🫦♟️
                ______

      𝑩 𝒂 𝒓 𝒕  360🚬

            مكـــــان آخر

خارج البلاد...فواحد الغرفة شبه مظلمة كان واقف راجل داير يديه ورى ظهرو...و بجنبو شخص من هيئتو واضح أنه دكتور...

ماجد:لهاد الدرجة حالتو الصحية صعيبة!!!..

الدكتور:للأسف...كيف سبقت قلت ليك جميع أعضاءو و عظامو متضررين...و غايضطر هاد الأشهر الجاية يخضع للعلاج و ما يخرجش برا البلاد...

ماجد:دكتور...ما هامنيش فترة العلاج كيف غاتكون و لكن دير لي فجهدك باش يكون قاد يرجع لبلادو...

الدكتور:ما نضمنش ليك غاتحسن حالتو و هو فهاد الدار عوض السبيطار و لكن كانواعدك غانديرو لي فجهدنا...

ماجد:[سمع الدقان فالباب..ربت على كتفو]شكرا...تقدر تمشي...دخل...

نساحب الدكتور...و دخل راجل بلباس أسود...

الراجل:عندي ليك خبار ما غاتعجبكش...شكوكنا طلعات فمحلها و داك البزناز داير احتياطاتو و حط دراري حاضيين الدار...

ماجد:[ضرب كرسي برجليه]الله ينعل طواسل مكم حتى فهادي ما قدرتوش ديروها...حتى فهادي غلبكم فيها...

الراجل:طلع ما ساهلش و حافظ سواريه كيف عاود لينا سي حيدر...اش غانديرو دبا!!..

ماجد:[بنبرة خبيثة]الى كان ذكي مع راساتو حنا فايتينو...و جا الوقت نستاعنو بالخطةB...

دور وجهو ناحيتو و بدا كايسرب ليه الخطة و ملاميح الراجل تغيرات لنوع من الخوف...

الراجل:هاد الخطوة غاتكون خطيرة بالنسبة لينا..خاصنا نديرو جميع احتياطاتنا قبل ما ناخدو الخسارة...

ماجد:و هادشي لي بغيت...بغيت يحس بالخطر و ينفذ لي غانقولو ليه...و الزوين فهادشي غانكمل على الخدمة لي بداها حيدر و فشلات بسباب مرت البزناز...

الراجل:انا فنظري كون طبقنا هاد الخطة على مرتو و تجيه الضربة ضربتين...

ماجد:تحرك من حدايا...غاتديرو داكشي لي قلت ليكم بلا زيادة فالهضرة...و وصي دوك المكلخين يردو البال و يديرو لي قلت ليهم بالحرف فالوقت المناسب...ما هامنيش يتعطلو بنهار و لا حتى يومين..المهيم عندي ما يكون حتى غلط و لا راس الخيط يوصلهم لينا... كاتسمع!؟؟؟

الراجل:أوامرك غاتنفذ غير رتاح...

                  _______________

  اللـــيـل

دوزات على شعرها بالبلاك و خلاتو مطلوق...مررات بإبهامها على شفايفها حتى قادات العكر خففاتو...

مشات حلات الشرجم مخلية ضو القمرة يدخل للبيت...من سوء حظها تقطع الضوء فهاد الليلة..و الخوف مالكها من فوبيتها...

سمعات الباب تحل..بان ليها داخل كايتمختر كايدور عينيه على الشموع لي مزينة قنات البيت و عاطية نور...

قرب لناحيتها كاتفحصها من راسها لأغمس رجليها...

جرها من مؤخرة شعرها سارق منها قبلة عنيفة....

أرغد:ناوية تجنيني لملتك بهاد الزين لي عندك...

ساريتا:[حاوطات عنقو معلية بأصابع رجليها باش توصلو فالطول]شحال و أنا نتسناك...فين تعطلتي؟ و مخليني فوسط الظلام...

أرغد:كانت عندي غرض قضيتو..[دور عينيه للشموع لي دايرة بيهم]ما نخافش عليك أناكوندتي حتى فوسط الظلام قدرتي تنوري البلاصة و تحكمي ف فوبيتك...