قصة زواج متقـــف الفصــــل الثاني(التتمة)

bart 326

الفـصـــل الثـاني:ما خــلف الأقــعنة🫦♟️
                ______

      𝑩 𝒂 𝒓 𝒕  326💀

شاف فيه محمد بتخنزيرات كي العافية و رجع الشوفة فالتيليفون شاد الخط..

محمد:سلام  سيدي...

••:سي محمد بن داوود وصلاتني أخبار عليك و ما عجباتنيش و هادشي نتا عارف  غايأثر على خدمتك بشكل كبير...

محمد:[بعد شوية ناطق بتوتر من لي غايقول بحكم خدمة البوليس هي حلم الطفولة]سيدي أنا درت واجبي المهني...

••:و لكن غلطتي فأنك تهجم على الناس بلا دليل ملموس..هادشي غايخليك تحتاج فترة راحة طويلة...لذا كونك بوليسي نزيه فخدمتك نصيحتي ليك تراجع على لي كادير فيه...و فكر فمستقبلك المهني...

قطع عليه الخط و محمد تزير و ولا حمر حمر ما كرهش يغزز دراغون لي قرب لجيهتو و همس حدى وذنيه بنبرة كفحيح ...

دراغون:هادي قرصة ليك و المرة الجاية غايكون حلم تولي بوليسي شي نهار...[بشر]باش تجي و تاخد شي واحد من عائلة دراغون للحبس غاتبقى ديما فالأحلام الكتكوت...

طبطب عليه و توجه مع الطريق كايتمختر فالمشية مخلي محمد فأقصى عصبيتو البالغة...باغي يحمي فاتي و لكن كايحس براسو مكتف...واخا يدير لي يدير مع دراغون يدو واصلة ما عارفش كيف يدير شي نهار يشفي غليلو فيه...

           الليل..

كلما كان كايحل الباب كايوصلو صوت فتاح طالق حلقو بالغوات..عقد حواجبو و دخل للدار كايلعب بالسوارت..لمحو واقف قدام باب حسناء كايضرب مرة بيديه و مرة برجليه...و حسناء ورى الباب فالداخل  كاتبكي و قافلة عليها...

حسناء:وا كانحلف بالله ما كانتفرج فداكشي...

فتاح:[مخرج عينيه و الدفال كايطير من فمو]أجي سبيها فيا أنا أجي و قولي أنا حينت كان عندي راني كانتفرج فدوك القلا•وي...

دراغون:[قرب لجيهتو عاقد حواجبو قايل]مالنا على الغوات أش كاين...

فتاح:هانا نوريك أش كاين غا صبر[عطاه التيليفون]هاك تفرج مع رساتك و شوف بنتك المصونة فاش كاتفرج و دايرة فيها كاتحفض القرآن...

دراغون خدى من عندو التيليفون و ركز فدوك الفيديوهات لي فيهم أنواع القتل بالتفاصيل لي كاتقيي لي يتفرج فيها...فيديوهات طاغيين عليهم الدم لكن هو  كان كايشوف بنظرة عادية كأنه موالف بدوك المناظر...

دراغون:[بملاميح غير مفسرة]حسناااء...

حسناء غير سمعات صوت باها حلات الباب بالساروت دغيا و مشات تجري لعندو تخشات فحضنو...

حسناء:[كاترجف غا بوحدها]بابا...بابا و الله ما كانتفرج فداكشي..كانحلف ليك ما عمرني شفتهم...و الله ما كانكذب عليك أ بابا...

دراغون:[دوز يدو على شعرها بحنان]روح باباها نتي عارفة عواقب لي يكذب فوجهي...

حسناء:و الله ما كاذبة عليك أ بابا ..ما عرفتش كيفاش حتى جاو دوك الفيديوهات لتيليفوني...

فتاح:[مخنزر فيها]كاتكذبي بوجهك حمر على الواليد ما حشمتيش...خليني الواليد نشد مها نربيها و نوريها معنى الكذوب...

حسناء:[محركة راسها بالنفي]لا أ بابا كانقوليك الصراحة...و الى ما تيقتينيش سول ساريتا هي كانت كاتاخد تيليفوني مرة مرة قبل ما يكون عندها تيليفون جديد...

دراغون:[من كلامها بلا ما يحتاج يفكر و فهم شكون من ورى هادشي]تيقتك أ بنت باباها...[مسح دموعها و طبطب على شعرها ماد ليها التيليفون]خودي تيليفونك و دخلي تنعسي أ بنتي...

بتاسمات حسناء و باستو فحنكو و طارت لبيتها سدات عليها مخلية فتاح غاياكل جنابو بالعصبية...حتى قفزو باه بدقة جاتو من ورى العنق قاصحة...