قصة زواج متقـــف الفصــــل الثاني(التتمة)

بارت 246

الفـصـــل الثـاني:ما خــلف الأقــعنة🫦🪔
                ______

      🚬 𝑩 𝒂 𝒓 𝒕  246

       ••••••••••••
نتاقلو لعند نجلاء لي طول هاد الأيام لي دازو كانت مخشية فبيت تماك خاص بالليالي الحمرا مع الرجال بشتى أنواعهم...ناعسة ماشي كيف العادة و غارقة ما حاسة بأشنو داير بيها...

تفتح الباب بالحس و دخلو جوج بنات بلباس فاضح كايتسلتو لعندها وحدة منهم تاجهات للمشطة لي كاتمشط بيها نجلاء هزات منها شي شعر و حطاتو فكلينيكس...

مشات وقفات حدى صاحبتها لي الشر كاينقط من عينيها و هي كاتشوفها ذابلة و وزنها تنقص بطريقة ملحوظة لدرجة العظوم بداو يبانو عليها...

البنت 1:[بشوية كاتهضر]ياختي شوفي البنت كي ولات معظمة...خايفة غاتوقع ليها شي حاجة و نصدقو فالحباسات مليوحين...

البنت 2:تحكمي فراسك و تصنتي...شفتي هادي بسبع رواح و ما غانرتاح حتى نحيدها من بلاصتي لي شداتها و مكانتي فهاد دار الدعارة ترجع حين من قبل...

البنت 1:[بخوف]و الولد لي كايجي عندها كل ساعة سمعت بلي ولد شي بزناز..ناري أختي الى عرف بلي واقع غانمشو فيها...

البنت 2:لا ما تخافيش الحبيبة..السحور تخدمو من شحال هادي و حتى الى بغا يدير التحاليل ليها ما غايطلع عندها والو...

البنت 1:وا الصراحة هاد السحر الأسود لي درتي جاب نتيجة دغيا..معليكش أ صاحبتي..

البنت 2:[خدات الكلينيكس ]سيري أ بب تهلاي ليا فالكليان و أنا غانمشي نجدد هاد السحر...

                    ••••••••••••••••

الليل...كان برد خفيف كايلعب بشعرها و هي مخشية فكاپ مقطن...كاتشرب من حليبها الدافي و يدها شادة بيه تيليفونها كاتفحص بيها أوديوات العيالات  لي بهاد الدرب...

هي كانت عاودات عطاتهم نمرتها غير نمرة حسناء و قدات مجموعة نسائية ..هما يعطوها مشكيلهم و هي تقتارح حلول مناسبة فيهم و فيهم الغير المناسبة لي تقدر تهدم ليهم عشهم...

حتى رفعات راسها ناحية دراغون لي جاي لعندها كايلعب بالسوارت..و الظاهر أنه يالاه دخل للدار...

حطات التيليفون و ناضت من بلاصتها لعندو مبتاسمة كاتحس بيه مرتاح على ليلة البارح...جذبها من خصرها لعندو و تحنى براسو مقبلها من شفايفها...

دراغون:[عضها عضيضة خفيفة]قالو ليا ما كليتي والو اليوم..ضاراك شي حاجة..

ساريتا:وجع خفيف و لكن عادي يجيني...أنا بخير..

دراغون:[قرن حواجبو]كيفاش وجع خفيف و عادي!!..وليتي فاهمة فهادشي ديال الطبيب و أنا ما فخباريش...غدا غانمشيو نشوفو مال حالتك ولات هاكا..

ساريتا:[بحلقات فيه]ما كاين لاش و الله ما بيا والو...

دراغون:لاحظتي راسك كيف وليتي راجعة باللور ؟[خنزر فيها]كلامي ما غايتعاودش...غدا غانشوفو هادشي كامل..

ساريتا:[عقدات فيه حواجبها]يعني موالف تشوف عيالاتك السابقين بحلة حسن من اللول حتى و هما حاملات و أنا خيابيت دبا ياك..[دمعو عينيها]غا قولها فوجهي ما غانتقلقش..

دراغون:[تنهد عارفها دبا مع الحمل على سبة]شكون جبد شي مرا دبا؟..[حاوط خدودها بلطف]أنا كانهضر معاك على قبل صحتك..واخا يوقع لي يوقع غاتبقاي فعيني زوينة...ما تعمريش راسك بحوايج مكاينينش...مفاهمين؟..

حركات راسها ببسمة قدر يرفع ليها شوية من معنوياتها..قربات لعندو عنقاتو ناطقة بنبرة حزينة طفولية...

ساريتا:ما تبقاش تغبر عليا بزاف..نتا ما عارفش شحال كانتوحشك و نتوحش ريحتك..[طلعات راسها لعندو مدوزة يدها فوق عينيه و هو متبعها بصمت]خصوصا عينيك الزرقا..شي حاجة فيهم كاتخليني ما نسخاش نحيد عيني عليهم...