قصة زواج متقـــف الفصــــل الثاني(التتمة)

بارت 372

𝑩 𝒂 𝒓 𝒕 372🚬
صــــــــلاح

بعد ما فاقت و وعات فين كاينة...تصدمات ملي شافت صلاح و ما تنكرش بلي فرحات على الأقل بشوفتو...

جالس فالبيت حداها معنقها و هي كاتشكي عليه و جسدها كايتهز مع كل شهقة كاتخرج...

نجلاء:ندمت...ندمت بزاف أ صلاح على لي درت...بأشمن وجه غانتلاقى مع سيدي ربي...انا لي خرجت على حياتي بيدي أنا السبب...

صلاح:[حاوط وجهها كايمسح دموعها...قهرو حالتها]و باقي الحال ما تستاسلميش و بقاي كيف عارفك...مادام ندمتي توبي و رجعي للطريق الصحيحة...و لكن بشرط عمرك تعاوديها...

نجلاء:أه بغيت...ما بقيتش حاملة راسي و انا على هاد الوضع...

صلاح:أول حاجة دخلي دوشي و ريحي عظامك و ملي تسالي غاتلقايني موجد ليك الفطور...من بعدها غانخرجو نشوفو راقي سامع بيه فهاد الحومة لعلى و عسى تشافاي على يديه...

نجلاء:[وقفات قدامو ماسحة دموعها...و شدات فيديه بجوج]شكرا...شكرا ليك بزاف على لي كاتديرو معايا...عمرني نسى وقفتك معايا...

صلاح:[باس ليها يديها]نتي لي سمحي ليا على داكشي لي درت ليك...سحابتك مريضة بالسيدا و كنتي كاتخبي عليا...ما نكرش بلي تعصبت ليك بزاف ديك النهار...و لكن ندمت من بعد و بزاف...و شحال و انا كانقلب عليك و هانتي واقفة قدامي دبا....

تعانقو مرة خرى مزيرين على بعض...كان باغي يقرب يبوسها حتى بعدات راسها و تفهم الوضع...

خلاها تمشي دوش و هو مشى يوجد الفطور...
_______________

جالس دراغون فواحد الكافي فراس الدرب كايتقهوى مع راساتو...حداه عتيق كايهضرو...

عتيق:راك عارف الخدمة غادة مزيان...

دراغون:[غمزو كايشعل فالݣارو]الضربة لي فوجهك اشنو بلانها؟..

عتيق:[دوز صبعانو على لحيتو مبتاسم ملي تفكر كيف دواتها ليه]دليل الحب هداك...

دراغون:حاط العين على الطبيبة...

عتيق:[تعجب كي دار عرف]باش عرفتيها برو...

دراغون:ما يخفاوش عليا شوفاتك و تصرفاتك ملي كاتوصلها للدار تفحص مرتي[ربت على كتفو]نتا راك عشيري و

قاطعو صوت جوج دراري كايجريو و كايعيطو بسمية دراغون...

شاف فعتيق و وقف خارج من القهوة ناحيتهم...سرعان ما تصعق فبلاصتو ملي سمع كلامهم لي هيج بركان العصبية فالداخل...

•••:دراغون شفنا رجال خطفو لالة سميحة من حدى قهوة بوشعيب...

دراغون:[شدو خانقو بيديه بجوج]أش كاتقول يا الزا•مل...ايمتا طرا هادشي...

جا عتيق فكو بزز من يديه..

•••:هادي خمسة دقايق قبل و تبعناهم و ما قدرناش نشدوها...

عتيق:[فصل الخط و قال بريبة]شي حاجة واقعة فالدار عندك برو...قالو ليا بلي الباب محلول و الدراري فواحد الزنقة سخفانين...

نتافض من بلاصتو ملي شاف دراغون قصد الطبالي لي تماك بدا يهزهم و يهرسهم...و العافية تشعلات فقلبو...حس بالشمتة لي شمتوه...

قلب القهوة سفاها على علاها و مشى بعصبيتو الزايدة كايجري تزامنا مع الطموبيل لي دازت من حداه فيها ساريتا سخفانة...

دور عينيه على دارو لقى الدراري لي حاط ممحيين ليهم الآثر...

شاف الباب محلول و حس بشي حاجة أخرى ما هياش...دخل لدارو و ما تجي عينيه غير فدمايات فالأرض....

ملي ماماه كانت فبرا ما تجي فبالو غير ساريتا...

غوت بأعلى صوت كايعيط عليها و لا رد...طلع الفوق ما لقاهاش...و تزاد معاه الزايد...

و التحت خلا عتيق كايدوز اتصالاتو مع الرجال كايوصيهم يقلبو على سميحة و يلقاوها فأسرع وقت...