قصة زواج متقـــف الفصــــل الثاني(التتمة)

بارت 340

الفـصـــل الثـاني:ما خــلف الأقــعنة🫦♟️
                ______

      𝑩 𝒂 𝒓 𝒕  340🍾
معلوم غاتلقاه طافي و هي ماشي بعيد تكون هرسات كارط سيم باش ما يطيح عليها نزار ملي يسافرو...

قلبات الدورة للدرب لي داز منو كاتقلب بعينيها...و مرة مرة توقف شي وحدة تعطيها المواصفات تعرف منين داز و لكن ما لقات لي شافو بحالا بلعاتو الأرض...

من جيهة اخرى كان واقف ببعض خطوات كايناديها باسمها لثاني مرة...كان فرحان بشوفتو ليها من بعد وقت طويل و هو كايحاول يوصل ليها و يتكلم مباشرة معاها...

خصوصا حتى من بنت خالتو ما عطاتو جواب محدد فين كاينة...

تحرك بخطواتو لجيهتها بكل حب شايف فيها باغي يهضر معاها و هي معطياه بالظهر كادور عينيها كاتقلب...لكن من سوء حظو توقفات لوطو كانت حاجز يوصل ليها...

داز داغيا من الجيهة الاخرى باغي يناديها تاني و لكن ما لقاهاش...تأفف بسخط و ضرب يدو مع الحيط مغدد كايلعن راسو على ثقالتو حتى مشات...

و لكن من مظهر لباسها عرف بلي هنا كاتسكن و رتاح قلبو من تقلابو عليها بعد شهور...

في حين هي كانت كاتقلب و تسول حتى تلاقات مع واحد البنت و من حظها كانت شافتو فين داز...

ساريتا:[زيرات على سنانها بعصبية]فين غانلقاه فييييين...الله يا ربي و حتى أرغد ما كايجاوبش...

البنت:[تقدمات لعندها كاتلعب بخصلاتها]سلام ختي..

ساريتا:[تلفتات لعندها]و عليكم السلام..

البنت:بغيت نسولك سمعت شي هضرة تا تدور فالدرب هنا و جيت نساقسيك...واش بصح نتي فعلاقة البزناز مع سي دراغون؟...

ساريتا:[خنزرات فيها معصباها كثر بكلامها كأنها مصاحبة مع أرغد ماشي راجلها]سي دراغون راجلي أ حبيبة...[بغات تدوز و هي توقفها البنت بكلامها]

البنت:[ضاحكة ليها ضحكة صفرة]سمحي لي أ الزين و ما ديريها مني قلة الصواب غا فضول عليها سولتك...[سكتات شوية بحالا تفكرات شي حاجة]أ بنتيلي بحالا كاتسولي على شي حد ملي خرجتي...

ساريتا:[عرفاتها بريݣيݣة و لكن ما فيها ما تحرق دماغها معاها]على هاد الحساب كانت عينيك من اللول على الدار..[بتاسمات ليها ببرود]داري و دار راجلي...

البنت:[بتوتر حكات مؤخرة شعرها]غير صدفة أ ختي كنت شفتك خارجة...

ساريتا:اهاه يعني ماشي بعيد تكوني شفتي دري خرج قبل مني...

البنت:[كاتبلحس]وايلي راك جيتي لعند الشخص المناسب..ياك هو لي عندو عوينات زرقين؟...و لابس تيشورت ݣري؟[ساريتا حركات راسها بأه]

ساريتا:منين شفتيه داز؟..

البنت :[كاتوريها بيدها]كاتقلبي الدورة مع هاد الدرب و كاتبقاي ماشية نيشان هادشي لي شفت أ ختي..وا نعذرك مزال ما ولفتي جو لي هنا و نتي جديدة و لايني تبغي نمشي معاك ما نردها فوجههك...راه حنا كانبقاو جيران...

ساريتا:ما كاين لاش راجلي حبيبي حفضني الطرقان و الدروب..بلا ما نعذبوك ...

ميقات فيها و دازت من حداها مخلية البنت تخنزر فيها ما حملات باش هضرات معاها...

مشات ساريتا فالدرب الطويل غادية معاه كاتزرب و حاطة يدها على كرشها..كاتحس بالردة طالعة معاها و صابرة..الخوف واكلها على صحبتها و ختها ما بغات تتقاس شعرة منها...