قصة زواج متقـــف الفصــــل الثاني(التتمة)

bart 280

الفـصـــل الثـاني:ما خــلف الأقــعنة🫦♟️
                ______

      𝑩 𝒂 𝒓 𝒕  280🎲

دراغون:[رشف من أتاي]لمصلاحتو غايمشي...

عتيق:ما نظنش غايوافق يمشي أ برو..خصوصا بعد ما عرف بعائلتو..كيفاش غايسخى يبعد عليهم ثاني...

دراغون:[شبك صبعانو مع بعض بنظرة مميتة]غايوافق بزز منو..خلينا من هاد البلان و قول ليا أشنو درتي فداكشي ديال صلاح...

عتيق:الدار لي فأمريكا واجدة..و الخدمة كاتسناه فإدارة المطعم...

دراغون:[تكى على الكرسي براحة]نبغي المطعم يكون عاد مبني جديد..و ما نبغيش حتى يد من برا المطعم تدخل فالمساعدة..و وصي ݣاع لي كايتعامل معاهم لي هنا ما يعتقوهش بحتى مخدرات...

عتيق:[حرك راسو بتفكير]همم..هادشي كامل كعقاب ليه على لي كايدير دبا...

دراغون:[بصوتو الرجولي الخشن]غلطو كان مشى برجليه لعند القح•بة و كايواسي فيها...و عقابو غايكون مفشكل ليه...[رشف من كاسو]مراقبين ديك باطرونتها؟..

عتيق:أه باقيين مراقبينها 24 ساعة..زرعت بنت وسطهم هادشي أيام و مراقبة وضعهم...و حتى نجلاء..

دراغون:وضح ليا كثر نسمع...

عتيق:[عيونو مثبتة وسط عينيه]من ورى ما خليت ليهم هديتك...تحولات للكلينيك طايحة...من غير هادشي قدرتي تخوفها بطريقة ما غاتنساهاش ليها...نقدر نقتلها من دبا الى عطيتيني الاذن و نحيدها من طريقك..

دراغون:بنت ضعيفة ما غاتبانش قدام بزناز كبير و تخوفو...مدام عطيتها فرصة اللولى كتحذير ليها...الى ما ستاغلاتش الثانية غاتكلف بموتها...

عتيق:سمح ليا نقوليك أ برو بلي الانتقام كايعمي الواحد...و هي فكرة أنها ضيعات ختها بسباب المدام ديالك خلاها تزعم تطوف فساحتك غير باش تنتاقم من مرتك...

دراغون:[حط الكاس على الطبلة بهدوء قاتل]ماشي بالساهل توقع...غير بمجرد ما تفكر ديرها غانكون محيتها من هاد الدنيا...[رفع عينيه لجيهة نزار لي جاي لجيهتهم مقاد الحالة و التحسينة]تقدر دبا تمشي...

حرك عتيق راسو و تسالم معاه..ضرب على كتف نزار و مشا خارج...مخلي هاد الآخير يقرب لعند عمو بايسو فجبينو...و بعد جالس حداه مخلي دراغون مخنزر فيه..

دراغون:أنا جدك لي كاتبوس على راسي...

نزار:غا من الإحترام أ دراغون[ضحك كايقاد شعرو بصباعو]واخا دازو سنين مزال أ عمي ما كاتحمل لي يبوس جبهتهك...

دراغون:المرة الجاية غا نكوي ليك نتا و صلاح دوك الشلاقم..كاينين شي حوايج ما كايتغيروش أ ولدي...

نزار:[تنهد بابتسامة حزينة]هضرة معقولة..من سنين دازو وفيتي بوعدك و جبتيني لحضن عائلتي...على عكس لي والدني ما حنش فيا و لاحني العافية...كاين فرق كبير بينك و بين خوك..

دراغون:[بنظرة للأمام جامدة قال]كايبان ليا الليام لي دوزتي بعيد علينا ما قصحاتكش على لي فات[قلب الشوفة فيه]حط فبالك بلي باباك غلطو كان كبير و ما غايتنساش...

نزار:[بآلم]ملي عقلت على راسي فقدت الحب تجاهو...غاتكون غريبة نقولها و لكن من أعماقي كانكرهو لا هو و لا حتى لي جابتني لهاد الدنيا...

دراغون:هضرة كاتبقى هضرة...غايجي نهار لي غايوقف فيه قدامك غايقنعك بتفكيرو و كلامو و غا ضعاف قدامو...

نزار:ملي عشت طفولتي فالزنقة...كانتحارب باش نعيش و أنا متشرد وسط الذياب قطعت وعد على راسي بلي المحنة عمرها تكون فيه و نعتابرو غريب عليا...