قصة زواج متقـــف الفصــــل الثاني(التتمة)

bart 307

الفـصـــل الثـاني:ما خــلف الأقــعنة🫦♟️
                ______

      𝑩 𝒂 𝒓 𝒕  307💀

      صبــــــاح يوم غد

كانت متكية فبلاصتها و فضيلة كاتمشط فشعرها بشوية رادة البال مع الجرحة...عيات تهضر و تغمز لعيسى يسكت و هو غا زايد فيه..خلا ساريتا وجهها يحمار بالحشمة و بنص عين تشوف فيه...

فضيلة:يا هاد الراجل دخل سوق راسك..ا مالك هاجم على البنت هاد الهجمة...

عيسى:تي سكتي راني ندوي مع بنتي..[شاف فساريتا]تي ما حشمتي ما رمشتي...ما قال لبوك غايدخل شي طبيب عندكم...مخشية فيه تسحابي لبوك هادا بيتكم فالدار...

ساريتا:[ما قادرة تشوف فيه من المرݣة]پا راه هاداك راجلي و حلالي عادي ينعس حدايا...

عيسى:هاتي تشوفي بعينيك هاد الجيل ما يحشم ما يرمش...أ خزيت و مزال تقول فيها بوجهها حمر...

فضيلة:[تحت سنانها]عيييييسى..

عيسى:أشنو اشنو كذبت..تي هادي هي لي مريضة و جامعاها طموبيل بالنص...تي بلا ما تخافي عليها شي نهار راه اللفاع ما كايموتوش...

فضيلة:[خرجات فيه عينيها]تا سكت هاويلي حاي...دبا يدخل راجلها و يسمعك...

عيسى:[هاز خنافرو للسما]وا تي تسحابي نخاف منو...تي دخلي سوق راسك و خليني ننصح بنتي...

فضيلة:تا راك كاتزيد عليها ماشي تنصحها...خليها بينها و بين راجلها...

عيسى:[خرج فيها عينيه]تي شوفي هاه هادشي ما كاينش فداورنا...تي فين هي الحشمة و الاحترام...[شاف ففضيلة كاتغمز فيه و تندب غا تاكل راسها و هو غا زايد فيه]أ من اليوم غانبقى عاس عليها فهاد البيت حتى تخرج و ما كاين بو قلة حيا...

جاه صوت من وراه مباشرة مع انتهاء كلامو...

دراغون:[بهدوء قايل كاينقل نظراتو عليه و على ساريتا]شكون هادي لي غاتبقى تعس عليها أ سي عيسى؟...

ساريتا بلعات ريقها خايفة لا تنوض شي مشكيلة...و عيسى غير سمع كلامو و عرفو واقف وراه تفزع من بلاصتو بحالا ضربو الضو .. و بلا ما يحس هز يديه بجوج الفوق بحالا هازين عليه السلاح...

مخلي فضيلة تميق فيه و تحرك راسها بلا حول و لا قوة...

عيسى:والو يا وليدي والو...ماشي شي حاجة...

دراغون:ما تكذبش و خليني محتارمك[ميل فيه راسو شوية بنظرة كهرباتو]كانظن الهضرة على مرتي موجهة ليها؟...

عيسى:[صفار و خضار خصوصا ملي تفكر بلي موصيه ما يلمح ساريتا مقلقة على قبل حالتها]لا لا لا و علاه أنا نقدر نقول شي حاجة ما هياش على بنتي..غا كي شتي كنت كانهضر على مي..

دراغون:[حرك راسو ما باغيش يتعمق فالموضوع]مشاكيلكم حلوها بعيد على مرتي و ما تدخلوهاش فيها...بلا ما نحتاج نوصيك...

عيسى:اييه اييه ما قلتي عيب...وا نخلوكوم دروك تبقاو بجوج...

خوا ليه دراغون الطريق منين يدوز و قرب لجيهة ساريتا...لي كاترمش فيه عويناتها كاتبحلق فعينيه و ماماها ما عرفات تبقى حتى تكمل ظفير شعرها...و لا تسلت...

دراغون:[قلب شوفتو منها لفضيلة]خلي لي فيديك و سيري تفطري أ لالة فضيلة كولشي موجد ليكم التحت...