قصة زواج متقـــف الفصــــل الثاني(التتمة)

بارت 374

  𝑩 𝒂 𝒓 𝒕  374🚬
بعد يوم...

             صبــــــــــــاح جديد...

جالسة فبيتها هازة تيليفونها  كاتدوز تصاور نزار و لمعة حزن فعيونها...

اليوم اخر يوم ليها و هي ديال راسها و من غدا غاتولي محسوبة على راجل...

حسات بحجرة محطوطة عليها فقلبها...مزير عليها قلبها و حتى ساريتا لي موالفة تعاود ليها و ترتاح صونات البارح و ما جاوباتش...

عاودات صونات ليها هاد المرة و نفس الشي خلاتها تشطن عليها...

نزلات عينيها ملي شافت شي حد صايفط ليها فالواتساب تصاور...

حلاتهم و هي توقف بسرعة مصدومة...كانو تصاور و فيديوهات ديال خطيبها مع بنت ما باينش وجهها فلقطات حميمية...

من داك الرقم نيت صونا ليها أبيل فيديو دغيا شداتو...

البنت:[دوزات يدها على ظهر العاري صهيب و هو ناعس و بعدات شوية ناطقة]مفاجأة...

فاطمة الزهراء:[كاتغوت حتى سمعاتها مها و دخلات]شكون نتي و منين جاتك نمرتي يا قليلة العفة...

البنت:أنا خطيبتو السابقة أ حبيبة...باش ينتاقم مني حينت رفضتو ناض تحداني بيك و يتزوجك...و لكن دبا مسكين ما قدرش يبعد عليا كثر...

فاطمة الزهراء:الله ياخد فيك الحق نتي و ياه يا الموسخة...خودي الشياطة ديالك و ضربو على نمرتي يا الموسخين...

قطعات عليها و جلسات شادة فشعرها غتجنن...كاتحس بالشمتة واكلاها...ما رضاتش تحط فهاد الموقف...

كون تيقات نزار و اشنو وراها ما تحسش بالشمتة لي تشمتات بيها اليوم...

نسرين قربات ليها بقى فيها الحال من جيهة بنتها...بغات تحط يدها عليها و هي تبعد معصبة لايحة ليها التيليفون...

فاتي:ياك شفتي على عينيك  الراجل لي كنتو غاتزوجوني ليه بزز...شفتي طلع اش كايسوا...دايريني ضحكة قدام لي يسوا و لي ما يسواش...لي جا يستاغل نيتي معاه و يزيد...انا فاش ضريتهم أ ماما فاش...

حطات كفوفها على وجهها كاتبكي و نسرين قربات عنقاتها...صعيب الحال عليها و هي فكل مرة تحط نيتها مع شي حد ما كايصدقش....

نرجعو للأوطيل فين كانت البنت جمعات أغراضها و خرجات كاتسلت...سرعان ما بتاسمات ملي جرها مستفسر منها...

نزار:أمدرا تيقاتك؟...

البنت:[بتحلوين]بشوية الهضرة...و شوية التصاور و الفيديوهات خليتها تيق دغيا...

نزار:[بتاسم بخبث و خرج الفلوس عطاهم ليها]ها خلاصك...

خداتهم من عندو كاتدوزهم على ذقنها و صايفطات بوسة فالهواء و هي غادة...

نزار:الرويجل لي كان دخل بيناتنا حيدتو من طريقي...ما غانسمح حتى لحد يدخل بيناتنا مزال...
___________

واقف دراغون مقابل مع الشرجم...كاينظف واحد السلاح...تفقد الرصاصات...

رجع بتفكيرو اللور ملي دار اتفاق مع الخاطف...انه يعطيه سميحة و ساريتا بمقابل يجيب ليه حيدر...و طبعا دراغون رفض رفض تام...

دارو ورى ظهرو و دار بكامل جسدو للرجال لي فنفس الصف...مصوبين نظرهم للقدام...

أرغد:يا ويل واحد فيكم و ما يجيبش ليا راس الخيط اليوم....

شار ليهم بيدو  يمشو...و طلع راسو الفوق  كايحاول يكبر الصبر فداخلو و يحتافض بيه و ما يتهورش...

بجوج قرابات لقلبو و خايف عليهم...كايقنع راسو بلي هما بخير مادام ساريتا مع ماماه ما عندو لاش يخاف عليها...