قصة زواج متقـــف الفصــــل الثاني(التتمة)

البارت 219

الفـصـــل الثـاني:ما خــلف الأقــعنة🫦🪔
                      ____________
                       𝑩𝒚  𝑺𝒂 𝒓𝒊 𝒕𝒂

      🚬 𝑩 𝒂 𝒓 𝒕  219

دراغون دور وجهو بالعرض البطيء للرجال المتقدمين بسرعة حاصرو رجال يعقوب...رجال بلباس أسود و أسلحة هازينها فيديهم..و واحد منهم قرب لعندو و الظاهر أنه رئيس دوك الرجال...

•••:سيدي نتا بخير؟..

دراغون:[تقدم لبرا خارج..كايحاول يدخل قدر الممكن من الأوكسيجين..و الرجل تابعو]غلطتي فاش خليتي دوك الكلاب شاهدين على القرطاس لي تسمع..

•••:[باحترام]كنا مضطرين سيدي..لو ما قتلتوش كان غايقتلك..

دراغون:[وقف أمام اللوطو و دار لعندو بملاميح ممحية]هادا سبب كافي ما قتلتكش اليوم...غاتمحو أي دليل عليكم و أي شهود..[بنظرة صارمة]بلا ما نحتاج نوريك أشنو غا دير...

ركب فاللوطو داير نظاظرو السوداء..كسيرا بسرعة..و خلا الرجال ينقاسمو البعض تكلف بقتل رجال يعقوب و البعض كايتأكد فنواحي الديبو ياكما شافهم شي حد...

خفاو أي دليل و شعلو العافية معتانقة بسرعة الديبو..

سالاو و ركبو فجوج طموبيلات رباعية الدفع..لي شافهم أكيد غايقول رجال المافيا...

و هو فالطريق كان سايق بيد و يد فيها حبوب من دواه..بلعو و خدا قرعة الما جغم منها..

نظراتو قاتلة كايتوعد فداخلو ليعقوب بالقتل حتى الموت..مازال ما تزاد هادا لي يبغي يدير ليه فخ و يقتلو..و مادام عدوو بدا هو غايساليها اليوم...

للحظة طاحت فبالو مراتو ساريتا..شوقو ليها فات الحد..شوق يلمس كرشها لي فداخلها قطعة منو..شوق لريحتها و عفويتها و تشيطينها..شوق أكبر للياليهم الحمراء لي بمثابة أحلى ليالي عندو...

هز تيليفونو كايتفحص بعينيه جهات الاتصال..لنمرتها لي مصوني عليها كثر من مرة و لكن كايلقاه مشغول...زفر نفس سخون و ساق بسرعة أكبر متوعد ليها يفدي فيها غضبو عليها واحد بواحد...

                               _ _  _

كان طاح الليل فديك المدينة لي فيها دراغون..

جالس يعقوب متكي على طموبيلتو كايضحك بحماقة و راشقة ليه...لما لا و هو وصلاتو خبار الحريق لي اندلع فالديبو...ما راعاش اهتمام للسلعة لي كانت فيه قد ما فرح لي رتاح من دراغون...

زريقة:[مد ليه كاس فيه الشراب]مبروك عليك سي يعقوب...أخيرا تهنينا من داك البزناز و خوات الساحة ليك..

يعقوب:حتى حاجة ما صعيبة على رجالي الشجعان...تبهرت فيهم...[لاحظ توترو و نطق مستغرب]كاتبان متوتر! واقعة شي حاجة؟؟..

زريقة:[بلع ريقو و نطق برجفة]لقينا السلعة لي خدينا من المافيا الروسية مغشوشة...

يعقوب:[خرج عينيه شادو من الكول ]أش كاتخور عليا نتا؟...كيفااااش مغشوشة!!كاتبوهل عليا...

زريقة:حتى حنا تصدمنا...ما توقعناش هادشي غايطلع منهم و يضحكو علينا...

يعقوب:[صرفقو]و كاتقولها بوجهك حمرررر يا ولد الها•ربة...[عاود صرفقو]ما قدرتوش يا الكلاب على سلعة...فين كانت عينيكم فيييين
..فين هي فلووووووسي...

زريقة:غانديرو جهدنا و نحلو المشكيل [حلك على مؤخرة راسو بتوتر]أحم دبا عندي ليك خبار فاتفرحك و تقلقك..

يعقوب:أشنو هي هااا؟باقي شي حاجة كاتفرح من ورى هاد الخسارة لي خسرررت...

زريقة:ل..لقينا راس الخيط لي يوصلنا للبنت..ك..كانقصد المدام ديالك...

يعقوب:[تصدم مكوانسي فبلاصتو...عينيه دمعو بالفرحة]بصح..و فين هي؟[شدو من قميجتو]هضر فين هي ؟فين هاد راس الخيط...

زريقة:قدرنا نوصلو لوحدة من صحاباتها سميتها فاطمة الزهراء..و لكن[سكت حاني راسو]